SIR Draft Roll Tamilnadu: அடேங்கப்பா.. மயிலாடுதுறை மாவட்டத்தில் இவ்வளவு வாக்காளர்கள் பெயர் நீக்கமா...!
SIR Draft Roll Tamilnadu: மயிலாடுதுறை மாவட்டத்தில் வெளியிடப்பட்ட வரைவு வாக்காளர் பட்டியலில் 7.08 லட்சம் வாக்காளர்கள் இடம்பெற்ற நிலையில் 75,378 பெயர்கள் நீக்கப்பட்டுள்ளது.
தமிழகம் முழுவதும் கடந்த ஒரு மாத காலம் நடைபெற்று வந்த தீவிர வாக்காளர் திருத்தம் (எஸ்ஐஆர்) பணிகள் முடிந்த நிலையில் தமிழ்நாட்டில் வரைவு வாக்காளர் பட்டியலை தமிழக தலைமை தேர்தல் அதிகாரி இன்று வெளியிட்டார். அத
மயிலாடுதுறை மாவட்டத்தில் உள்ள சட்டமன்றத் தொகுதிகளுக்கான சிறப்புத் தீவிர திருத்த வரைவு வாக்காளர் பட்டியலை மாவட்ட தேர்தல் அலுவலரும், மாவட்ட ஆட்சியருமான ஹெச்.எஸ்.ஸ்ரீகாந்த், இன்று (19.12.2025) அங்கீகரிக்கப்பட்ட அரசியல் கட்சி பிரமுகர்கள் முன்னிலையில் வெளியிட்டார்.
தகுதி நாள் மற்றும் பார்வைக்கு வைப்பு
01.01.2026-ஐ தகுதி நாளாகக் கொண்டு இந்த வரைவு வாக்காளர் பட்டியல் தயாரிக்கப்பட்டுள்ளது. இந்தப் பட்டியல் தற்போது மாவட்டத்தில் உள்ள அனைத்து வாக்காளர் பதிவு அலுவலர் அலுவலகங்களிலும் மற்றும் அனைத்து வாக்குச்சாவடி மையங்களிலும் பொதுமக்கள் பார்வைக்காக வைக்கப்பட்டுள்ளது. பொதுமக்கள் தங்களது பெயர்கள் மற்றும் விவரங்களை கீழ்க்கண்ட இணையதளங்கள் மற்றும் செயலி வாயிலாகவும் சரிபார்த்துக் கொள்ளலாம்:
* Voters Helpline கைப்பேசி செயலி
மாவட்டத்தின் மொத்த வாக்காளர்கள் விவரம்
வரைவு வாக்காளர் பட்டியலின்படி, மயிலாடுதுறை மாவட்டத்தில் உள்ள மூன்று சட்டமன்றத் தொகுதிகளிலும் சேர்த்து மொத்தம் 7,08,122 வாக்காளர்கள் உள்ளனர். இவர்களில் பெண் வாக்காளர்களே அதிக எண்ணிக்கையில் உள்ளனர்.
* ஆண் வாக்காளர்கள்: 3,51,453
* பெண் வாக்காளர்கள்: 3,56,623
* மூன்றாம் பாலினத்தவர்கள்: 46
தொகுதி வாரியான வாக்காளர்கள் பட்டியல்
160. சீர்காழி (தனி) | சட்டமன்றத் தொகுதி
ஆண்கள் : 1,15,853
பெண்கள் : 1,16,901
மூன்றாம் பாலினத்தவர் : 12 மொத்தம் : 2,32,766
161. மயிலாடுதுறை சட்டமன்ற தொகுதி
ஆண்கள் : 1,11,670
பெண்கள் : 1,14,144
மூன்றாம் பாலினத்தவர் : 26 மொத்தம் : 2,25,840
162. பூம்புகார் சட்டமன்ற தொகுதி
ஆண்கள் : 1,23,930
பெண்கள் : 1,25,578
மூன்றாம் பாலினத்தவர் : 8 மொத்தம் : 2,49,516
75,378 வாக்காளர்கள் நீக்கம்
கடந்த 27.10.2025 அன்று மாவட்டத்தில் 7,83,500 வாக்காளர்கள் இருந்தனர். தற்போது தீவிர சரிபார்ப்பிற்குப் பிறகு, இறந்தவர்கள், முகவரி மாறியவர்கள் உள்ளிட்ட பல்வேறு காரணங்களுக்காக மொத்தம் 75,378 வாக்காளர்கள் பட்டியலில் இருந்து நீக்கப்பட்டுள்ளனர்.
நீக்கத்திற்கான காரணங்கள்
* இறப்பு: 34,859 நபர்கள்.
* நிரந்தர முகவரி மாற்றம்: 31,549 நபர்கள்.
* கண்டறிய இயலாதவர்கள்: 4,707 நபர்கள்.
* இரட்டைப் பதிவு: 4,137 நபர்கள்.
* இதர இனங்கள்: 126 நபர்கள்.
அதிகபட்சமாக பூம்புகார் சட்டமன்றத் தொகுதியில் 31,284 வாக்காளர்கள் நீக்கப்பட்டுள்ளனர்.
வாக்குச்சாவடிகள் மறுசீரமைப்பு
வாக்காளர்களின் வசதிக்காக வாக்குச்சாவடி மையங்களில் மாற்றங்கள் செய்யப்பட்டுள்ளன. முன்னதாக மாவட்டத்தில் 862 வாக்குச்சாவடி மையங்கள் இருந்தன. தற்போது 1,200 வாக்காளர்களுக்கு மேல் உள்ள வாக்குச்சாவடிகள் பிரிக்கப்பட்டு, புதிதாக 88 வாக்குச்சாவடிகள் உருவாக்கப்பட்டுள்ளன. இதன் மூலம் மயிலாடுதுறை மாவட்டத்தின் மொத்த வாக்குச்சாவடி மையங்களின் எண்ணிக்கை 950 ஆக உயர்ந்துள்ளது.
அரசியல் கட்சிகளுடனான ஆலோசனைகள்
வாக்காளர் பட்டியல் திருத்தப் பணிகள் தொடர்பாக அரசியல் கட்சிகளுடன் விரிவான ஆலோசனைகள் நடத்தப்பட்டுள்ளன.
* வாக்காளர் பதிவு அலுவலர் நிலையில் 3 கூட்டங்களும், மாவட்ட ஆட்சித்தலைவர் தலைமையில் 5 கூட்டங்களும் நடத்தப்பட்டுள்ளன.
* மாவட்டத்தில் 18 வாக்குச்சாவடி முகவர்-1 மற்றும் 3,374 வாக்குச்சாவடி முகவர்-2 ஆகியோர் அங்கீகரிக்கப்பட்ட அரசியல் கட்சிகளால் நியமிக்கப்பட்டுள்ளனர்.
இந்நிகழ்வின் போது மயிலாடுதுறை மாவட்ட வருவாய் அலுவலர் ஆர்.பூங்கொடி, மாவட்ட ஆட்சியரின் நேர்முக உதவியாளர் (பொது) து.முத்துவடிவேலு, தேர்தல் தனி வட்டாட்சியர் கா.முருகேசன் மற்றும் அரசியல் கட்சிப் பிரமுகர்கள் உடனிருந்தனர்.
தற்போது வெளியிடப்பட்டுள்ள இந்த வரைவுப் பட்டியலில் பெயர் சேர்த்தல், நீக்கல் அல்லது திருத்தங்கள் செய்ய விரும்பும் பொதுமக்கள், உரிய படிவங்கள் மூலம் விண்ணப்பிக்கலாம் எனவும் தெரிவிக்கப்பட்டுள்ளது.
தலைப்பு செய்திகள்
ட்ரெண்டிங் செய்திகள்
