11 வயது சிறுமிக்கு பாலியல் தொல்லை: மயிலாடுதுறை வாலிபர் குண்டர் சட்டத்தில் கைது!
மயிலாடுதுறை மாவட்டத்தில் 11 வயது சிறுமிக்கு பாலியல் தொந்தரவு அளித்த வழக்கில் கைது செய்யப்பட்ட நபர், மாவட்ட ஆட்சியரின் உத்தரவின் பேரில் குண்டர் தடுப்பு காவல் சட்டத்தின் கீழ் சிறையில் அடைக்கப்பட்டார்.
மயிலாடுதுறை மாவட்டத்தில் 11 வயது சிறுமிக்கு பாலியல் தொந்தரவு அளித்த வழக்கில் போக்சோவில் கைது செய்யப்பட்ட நபர், மாவட்ட ஆட்சியரின் உத்தரவின் பேரில் குண்டர் தடுப்பு காவல் சட்டத்தின் கீழ் சிறையில் அடைக்கப்பட்டார்.
சிறுமி பாலியல் சம்பவத்தின் பின்னணி
மயிலாடுதுறை மாவட்டம், நெடுவாசல், பட்டாவரம், மன்மதன்கோவில் தெருவைச் சேர்ந்தவர் அப்போன்ஸ் என்பவரது மகன் 40 வயதான ஆனந்தராஜ். இவர் மயிலாடுதுறை மாவட்டத்தை சேர்ந்த 11 வயது சிறுமி ஒருவருக்கு பாலியல் ரீதியாக தொந்தரவு கொடுத்ததாகக் கூறப்படுகிறது. இச்சம்பவம் குறித்து பாதிக்கப்பட்ட சிறுமி அளித்த புகாரின் அடிப்படையில், சீர்காழி அனைத்து மகளிர் காவல் நிலையத்தில் வழக்கு பதிவு செய்யப்பட்டது.
பாலியல் குற்றங்களிலிருந்து குழந்தைகளைப் பாதுகாக்கும் சட்டமான போக்சோ (POCSO) சட்டம் - 2012-ன் கீழ் இந்த வழக்கு பதியப்பட்டு விசாரணை மேற்கொள்ளப்பட்டது.
போக்சோவில் போலீஸ் நடவடிக்கை மற்றும் கைது
சீர்காழி அனைத்து மகளிர் காவல் நிலைய ஆய்வாளர் பேபி உமா இந்த வழக்கின் புலன்விசாரணையைத் தீவிரப்படுத்தினார். விசாரணையில் ஆனந்தராஜ் மீதான குற்றச்சாட்டுகள் உறுதி செய்யப்பட்டதையடுத்து, ஆனந்தராஜ் கைது செய்யப்பட்டு நீதிமன்றக் காவலுக்கு அனுப்பப்பட்டார்.
தொடர்ந்து, சமூக அமைதிக்கு குந்தகம் விளைவிக்கும் வகையில் செயல்பட்ட ஆனந்தராஜ் மீது கடுமையான நடவடிக்கை எடுக்க மயிலாடுதுறை மாவட்ட காவல் கண்காணிப்பாளர் (SP) G. ஸ்டாலின் பரிந்துரை செய்தார். அந்த பரிந்துரையின் அடிப்படையில், மாவட்ட ஆட்சியர் ஆனந்தராஜை குண்டர் தடுப்பு காவல் சட்டத்தின் கீழ் சிறையில் அடைக்க அதிரடி உத்தரவு பிறப்பித்தார். இதனைத் தொடர்ந்து, 25.12.2025 அன்று காவல் ஆய்வாளர் மற்றும் காவலர்கள் அடங்கிய குழுவினர், ஆனந்தராஜை பலத்த பாதுகாப்புடன் அழைத்துச் சென்று கடலூர் மத்திய சிறையில் அடைத்தனர்.
மாவட்டத்தில் அதிகரித்துள்ள தடுப்பு காவல் நடவடிக்கைகள்
மயிலாடுதுறை மாவட்டத்தில் பொது அமைதியைப் பாதுகாக்கவும், குற்றங்களைக் குறைக்க மாவட்ட காவல் கண்காணிப்பாளர் ஸ்டாலின் உத்தரவின் பேரில் காவல்துறை தீவிர நடவடிக்கைகளை மேற்கொண்டு வருகிறது. அதன்படி நடப்பு ஆண்டில் மட்டும் இதுவரை மொத்தம் 48 நபர்கள் தடுப்பு காவல் சட்டத்தின் கீழ் சிறையில் அடைக்கப்பட்டுள்ளனர். அதன் விவரங்கள் பின்வருமாறு:
* பொது அமைதிக்கு பங்கம் விளைவித்தவர்கள்: 27 நபர்கள்.
* திருட்டு குற்றங்களில் ஈடுபட்டவர்கள்: 03 நபர்கள்.
* மதுவிலக்கு குற்றங்களில் ஈடுபட்டவர்கள்: 13 நபர்கள்.
* போதைப்பொருள் கடத்தல் மற்றும் விற்பனை செய்தவர்கள்: 01 நபர்.
* பாலியல் குற்றங்களில் ஈடுபட்டவர்கள்: 04 நபர்கள்.
கடந்த ஆண்டில் இதே போன்று தொடர் குற்றங்களில் ஈடுபட்ட 48 நபர்கள் மீது தடுப்பு காவல் சட்டம் பாய்ந்தது குறிப்பிடத்தக்கது.
மாவட்ட காவல் கண்காணிப்பாளரின் கடும் எச்சரிக்கை
சமூக விரோத செயல்களில் ஈடுபடும் நபர்களைக் காவல்துறை தீவிரமாகக் கண்காணித்து வருவதாக எஸ்.பி.G. ஸ்டாலின் தெரிவித்துள்ளார். குறிப்பாக:
* பொதுமக்களை அச்சுறுத்தும் வகையில் ரௌடித்தனம் செய்பவர்கள்.
* பெண்கள் மற்றும் குழந்தைகளுக்கு எதிராகப் பாலியல் அத்துமீறல்களில் ஈடுபடுபவர்கள்.
* கஞ்சா மற்றும் தடை செய்யப்பட்ட புகையிலை பொருட்களை விற்பனை செய்பவர்கள்.
* கள்ளச்சாராயம் மற்றும் மதுவிலக்கு தொடர்பான குற்றங்களில் ஈடுபடுபவர்கள்.
மேற்கண்ட குற்றங்களில் ஈடுபடுவோர் மீது பாரபட்சமின்றி குண்டர் தடுப்பு காவல் சட்டத்தின் கீழ் நடவடிக்கை எடுக்கப்படும் என்று மாவட்ட காவல் கண்காணிப்பாளர் ஸ்டாலின் மீண்டும் கடுமையாக எச்சரிக்கை விடுத்துள்ளார்.
தலைப்பு செய்திகள்
ட்ரெண்டிங் செய்திகள்
