ராணுவ தலைமை தளபதி பயணித்த ஹெலிகாப்டர் விபத்து: நீலகிரி விரைகிறார் முதல்வர் ஸ்டாலின்; உயர் சிகிச்சை அளிக்க உத்தரவு
குன்னூரில் ராணுவ ஹெலிகாப்டர் விபத்து ஏற்பட்டுள்ள நிலையில், முதல்வர் ஸ்டாலின் நீலகிரி செல்கிறார். பாதிக்கப்பட்டவர்களுக்கு உயர் சிகிச்சை அளிக்கவும் அவர் உத்தரவிட்டுள்ளார்.
குன்னூரில் ராணுவ ஹெலிகாப்டர் விபத்து ஏற்பட்டுள்ள நிலையில், முதல்வர் ஸ்டாலின் நீலகிரி செல்கிறார். பாதிக்கப்பட்டவர்களுக்கு உயர் சிகிச்சை அளிக்கவும் அவர் உத்தரவிட்டுள்ளார்.
நீலகிரி மாவட்டம் குன்னூர் அருகே காட்டேரி பகுதியில், அடர் பனிமூட்டம் காரணமாக ராணுவ ஹெலிகாப்டர் விழுந்து விபத்துக்கு உள்ளாகியுள்ளது. காட்டேரி என்ற இடத்தில் நடந்த விபத்தில் 14 பேர் பயணித்ததாகத் தகவல் வெளியான நிலையில், 4 பேரின் உடல்கள் மீட்கப்பட்டுள்ளனர். படுகாயமடைந்த நிலையில் 3 பேர் மீட்கப்பட்டு வெலிங்டன் ராணுவ மருத்துவமனையில் அனுமதிக்கப்பட்டுள்ளனர். மேலும், அதில் பயணித்த முப்படைகளின் ராணுவத் தளபதி பிபின் ராவத் என்ன ஆனார் என்பது குறித்து இதுவரை தெரியவில்லை.
இந்நிலையில் நிலைமை குறித்து நீலகிரி ஆட்சியர் உள்ளிட்ட அதிகாரிகளிடம் தமிழக முதல்வர் ஸ்டாலின் விசாரித்தார். மேலும், மீட்புப் பணிகள் தொடர்பாக ஆய்வு செய்ய இன்று மாலை 5 மணிக்குத் தனி விமானம் மூலம் முதல்வர் ஸ்டாலின் கோவை செல்கிறார். அங்கிருந்து குன்னூர் சென்று, விபத்து நடந்த பகுதியை நேரில் பார்வையிட உள்ளார். பாதிக்கப்பட்டவர்களுக்கு உயர் சிகிச்சை அளிக்கவும் முதல்வர் ஸ்டாலின் உத்தரவிட்டுள்ளார்.
முன்னதாகத் தமிழக காவல்துறை தலைவர் சைலேந்திரபாபு ஏற்கெனவே கோவை சென்றுள்ளார். மேலும் கோவை அரசு மருத்துவமனை மற்றும் இஎஸ்ஐ மருத்துவமனையில் இருந்து 10 பேர் கொண்ட மருத்துவர்கள் குழு குன்னூர் செல்கிறது. அதேபோல் இரு மருத்துவமனைகளிலும் அவசர நிலை கருதி சிகிச்சைக்கான முன்னெச்சரிக்கை ஏற்பாடுகள் செய்யப்பட்டுள்ளன.
விபத்தை அடுத்து, ராணுவத்தின் 15 பேர் கொண்ட குழு, சம்பவ இடத்துக்கு விரைந்துள்ளது. இதற்கிடையே முப்படைகளின் ராணுவத் தளபதி பிபின் ராவத் விபத்தில் என்ன ஆனார் என்ற விவரம் இதுவரை வெளியாகாத நிலையில், டெல்லியில் பாதுகாப்புத்துறை அதிகாரிகள் அவசர ஆலோசனையில் ஈடுபட்டுள்ளனர்.
மத்திய அமைச்சரவைக் கூட்டம் முடிந்த நிலையில் கூட்டத்தில் விவாதிக்கப்பட்ட விவரம் தொடர்பாக இன்று மாலை 4 மணி அளவில் செய்தியாளர்கள் சந்திப்பு நடைபெற உள்ளது.
மேலும் படிக்க..
Chopper Crash | பிரதமருடன் அமைச்சர் ராஜ்நாத் சிங் அவசர ஆலோசனை; விபத்து குறித்து விளக்கியதாகத் தகவல்
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
Cauvery Issue : "நாங்களே வறட்சியில் இருக்கோம்! ஹெலிகாப்டர்ல வந்து பாருங்க" விஜய்க்கு DKS அழைப்பு!
தலைப்பு செய்திகள்
ட்ரெண்டிங் செய்திகள்
