’’இந்தியாவிலேயே முதன்முறை; யார் வந்தாலும் மாத்த முடியாது’’ விடியல் பயணம்- முதல்வர் ஸ்டாலின் பெருமிதம்

இந்தியாவிலேயே முதன்முறையாகத் தமிழ்நாட்டில் செயல்படுத்திய இந்தத் திட்டம், எல்லா மாநிலங்களிலும் எதிரொலிக்கத் தொடங்கிவிட்டது. யார் வந்தாலும் மாற்ற முடியாது என்ற நிலையை அடைந்திருக்கிறது. - முதல்வர் ஸ்டாலின்

முதல்வர் ஸ்டாலின்

Source : twitter

விடியல் பயணம், புதிய எதிர்காலத்தை எழுதிய முதல் கையெழுத்து என்று முதல்வர் ஸ்டாலின் பெருமிதம் தெரிவித்துள்ளார்.  இந்தியாவிலேயே முதன்முறையாகத் தமிழ்நாட்டில் செயல்படுத்திய இந்தத் திட்டம், அடுத்தடுத்து எல்லா மாநிலங்களிலும் எதிரொலிக்கத் தொடங்கிவிட்டது. யார் வந்தாலும் மாற்ற முடியாது என்ற நிலையை அடைந்திருப்பதாகவும் அவர் கூறியுள்ளார். 

முதல்வர் ஸ்டாலின் தலைமையிலான திமுக அரசு 2021-ல் ஆட்சி அமைத்ததுடன் மகளிருக்கு இலவசப் பேருந்து திட்டத்தில் கையெழுத்து இட்டார். உடனடியாக இந்தத் திட்டம் அமலுக்கு வந்தது.

இந்த நிலையில் 5 ஆண்டுகள் ஆகும் நிலையில் மகளிர் விடியல் திட்டத்தால் ஏராளமானோர் பயன்பெற்று வருவதாக, முதல்வர் ஸ்டாலின் பெருமிதம் தெரிவித்துள்ளார். இதுகுறித்து இன்று அவர் வெளியிட்டுள்ள எக்ஸ் பதிவில், ’’விடியல் பயணம்: புதிய எதிர்காலத்தை எழுதிய முதல் கையெழுத்து

Dravidian Model-இல், விடியல் பேருந்துகள் - 7,712 

மார்ச் 1 வரையில்,

2021-22 - 95.86 கோடி
2022-23 - 166.53 கோடி
2023-24 - 186.35 கோடி
2024-25 - 213.94 கோடி
2025-26 - 235.14 கோடி

என மொத்தம் மேற்கொள்ளப்பட்டுள்ள விடியல் பயணங்கள் - 897.82 கோடி

பாதுகாப்பான, சுதந்திரமான பயணங்களால் மகளிர் முன்னேற்றத்தில் புதிய உயரங்களை எட்டியிருப்பதோடு, ஆண்டுக்கு ஆண்டு விடியல் பயணங்கள் தொடர்ந்து உயர்ந்துகொண்டே போவது இந்தத் திட்டத்தின் வெற்றியைப் பறைசாற்றுகிறது.

#விடியல்_பயணம்: புதிய எதிர்காலத்தை எழுதிய முதல் கையெழுத்து#DravidianModel-இல்,

🚍 விடியல் பேருந்துகள் - 7,712

மார்ச் 1 வரையில்,

2021-22 - 95.86 கோடி
2022-23 - 166.53 கோடி
2023-24 - 186.35 கோடி
2024-25 - 213.94 கோடி
2025-26 - 235.14 கோடி

என மொத்தம் மேற்கொள்ளப்பட்டுள்ள… pic.twitter.com/9NvJoV4c25

— M.K.Stalin - தமிழ்நாட்டை தலைகுனிய விடமாட்டேன் (@mkstalin) March 22, 2026

மகளிர் மட்டுமல்ல...

மகளிர் மட்டுமல்ல, திருநர்கள், மாற்றுத்திறனாளிகள் உள்ளிட்டோரும் இத்திட்டத்தில் பயன்பெறுகின்றனர்.

 இந்தியாவிலேயே முதன்முறையாகத் தமிழ்நாட்டில் நாம் செயல்படுத்திய இந்தத் திட்டம், அடுத்தடுத்து எல்லா மாநிலங்களிலும் எதிரொலிக்கத் தொடங்கிவிட்டது. யார் வந்தாலும் மாற்ற முடியாது என்ற நிலையை அடைந்திருக்கிறது.

Dravidian Model 2.0-வில் இந்தத் திட்டம் இன்னும் மேன்மையடையும். இது Stalin Statement’’ என்று பெருமை பொங்க முதல்வர் ஸ்டாலின் தெரிவித்துள்ளார்.