Stalin swearing-in ceremony LIVE : அரசு கொறடாவாக நியமிக்கப்பட்டுள்ளார் எம்.எல்.ஏ கோ.வி செழியன்

DMK MK Stalin swearing-in ceremony : இன்று காலை 9 மணிக்கு ஆளுநர் மாளிகையில் நடைபெறும் விழாவில் பதவியேற்றுக் கொள்கின்றனர்

Background

MK Stalin CM:  2021 சட்டமன்றத் தேர்தலில், திமுக தலைமையிலான மதச்சார்பற்ற முற்போக்குக் கூட்டணி 159 இடங்களில் வென்று தனிப்பெரும்பான்மை பெற்றது. இதனையடுயத்து, கூட்டனியின் முதல்வர் வேட்பாளராக அறிவிக்கப்பட்ட மு. க. ஸ்டாலின்  இன்று தமிழ்நாட்டின் முதலமைச்சராகப் பொறுப்பேற்கிறார்.

முதலமைச்சராக பதவியேற்க உள்ள மு க ஸ்டாலின் பரிந்துரைத்துள்ள 33 அமைச்சர்கள் பட்டியலுக்கு ஆளுநர்திரு பன்வாரிலால் புரோஹித் முன்னதாக ஒப்புதல் வழங்கினார். அதன்படி முதலமைச்சர் மு க ஸ்டாலின், பொது நிர்வாகம், இந்திய ஆட்சிப்பணி, காவல், உள்துறை உள்ளிட்ட துறைகளை கவனிப்பார். 

 

நீர்வளத்துறை அமைச்சராக துரைமுருகன்,  நகர்ப்புற வளர்ச்சித் துறை அமைச்சராக கே என் நேரு,  கூட்டுறவுத் துறை அமைச்சராக ஐ பெரியசாமி, உயர்கல்வித் துறை அமைச்சராக திரு பொன்முடி,  பொதுப் பணித்துறை அமைச்சராக எ வ வேலு, 
வேளாண் துறை அமைச்சராக எம் ஆர் கே பன்னீர்செல்வம்,  மக்கள் நல்வாழ்வுத்துறைஅமைச்சராக மா சுப்ரமணியன் ,  நிதி அமைச்சராக திரு பழனிவேல் தியாகராஜன்,  மின்சாரம், மதுவிலக்கு, ஆயத்தீர்வை துறை அமைச்சராக செந்தில் பாலாஜி , உள்ளிட்ட 34 பேர் இந்த பட்டியலில் இடம்பெற்றுள்ளனர்.  

இவர்கள் அனைவரும் இன்று காலை 9 மணிக்கு ஆளுநர் மாளிகையில் நடைபெறும் விழாவில் பதவியேற்றுக் கொள்கின்றனர். 

20:51 PM (IST)  •  07 May 2021

அரசு கொறடாவாக எம்.எல்.ஏ கோ.வி செழியன் நியமனம்.

தமிழக அரசு தலைமை கொறடாவாக திருவிடைமருதூர் எம்.எல்.ஏ கோ.வி செழியன் நியமிக்கப்பட்டுள்ளார்.

20:40 PM (IST)  •  07 May 2021

பிரதமர் மோடிக்கு முதல்வர் மு.க ஸ்டாலின் கடிதம்

தமிழ்நாட்டுக்கு 40 மெட்ரிக் ஆக்சிஜனை, அடுத்த 4 நாட்களுக்குள் வழங்கவேண்டும் என பிரதமர் மோடிக்கு முதல்வர் மு.க ஸ்டாலின் வலியுறுத்தியுள்ளார்.