CV Shanmugam Vs Nayanthara : நயன்தாரா விவகாரம்.! திடீர் பல்டி அடித்த சி.வி. சண்முகம்- என்ன சொல்லியிருக்காரு தெரியுமா.?

CV Shanmugam Vs Nayanthara : நயன்தாரா தொடர்பாக சர்ச்சை கருத்தை தெரிவித்திருந்த அதிமுக முன்னாள் அமைச்சர் சி.வி.சண்முகம் வருத்தம் தெரிவித்துள்ளார்.

CV Shanmugam Vs Nayanthara

Source : social media

அதிமுக போராட்டத்தில் சி.வி.சண்முகம் சர்ச்சை பேச்சு

தமிழகம் முழுவதும் அதிமுக சார்பாக திமுக அரசை கண்டித்து போராட்டம் நடைபெற்றது. அந்த வகையில், விழுப்புரத்தில் நடைபெற்ற ஆர்ப்பாட்டத்தில் கலந்து கொண்டு பேசிய முன்னாள் அமைச்சர் சி.வி.சண்முகம் பேசுகையில், அப்துல் கலாம் கனவு காணுங்கள் என கூறினார். ஆனால் முதல்வர் ஒரு படி மேலே சென்று உங்கள் கனவை சொல்லுங்கள் நிறைவேற்றுகிறோம் என கூறுகிறார்.   "நயன்தாரா" வேண்டும் என்றால் முதல்வர் நிறைவேற்றுவாரா. "நயன்தாராவை" திருமணம் செய்து வைக்க சொல்லி கேட்பார்கள் முதல்வர் நிறைவேற்றுவாரா.? கேள்வி எழுப்பினார்.

நயன்தாரா குறித்து சர்ச்சை பேச்சு

ஆட்சி போன பிறகு கனவை சொல்லுங்கள் நிறைவேற்றுகிறேன் என கூறுகிறார். ஐந்தாண்டுகள் என்ன செய்தார் முதல்வர் என சர்ச்சைக்குரிய வகையில் பேசியிருந்தார். இதனையடுத்து சிவி சண்முகம் பேச்சுக்கு கடும் கண்டனம் எழுந்தது. இதனையடுத்து சி.வி.சண்முகம் தற்போது விளக்கம் அளித்தார். அதில், விழுப்புரத்தில் நடைபெற்ற திமுகவின் சட்டம்-ஒழுங்கு சீர்கேடு, பாலியல் வழக்குகள், போதைப் பொருள் பிரச்சினைகள் குறித்து கண்டனப் போராட்டத்தின் போது, “ஸ்டாலினின் கனவு கூறுங்கள்” என்ற ஏமாற்று வேலை குறித்து உரையாற்றிக் கொண்டிருந்தபோது, தவறுதலாக நயன்தாராவின் பெயர் உச்சரிக்கப்பட்டதாகவும்,

வருத்தம் தெரிவித்த சிவி சண்முகம்

அதற்காக ஆழ்ந்த வருத்தம் தெரிவித்ததாகவும் அவர் விளக்கம் அளித்துள்ளார்.  அந்த வார்த்தை முற்றிலும் தவறுதலாகவே பயன்படுத்தப்பட்டதாகவும், எந்தவிதமான நோக்கத்துடனும் கூறப்படவில்லை எனவும், இதனால் ஏற்பட்ட தவறுக்கு மனமார்ந்த வருத்தம் தெரிவிப்பதாக சி.வி.சண்முகம் கூறியுள்ளார்.