Chennai Returns Normalcy: வந்தது சூரியன்.. மெல்ல மெல்ல இயல்பு நிலைக்கு திரும்பும் சென்னை.!

மாணிக்கம் நகர் சுரங்கப்பாதையில் தேங்கிய மழைநீர் வெளியேற்றப்பட்டு போக்குவரத்து சீர் செய்யப்பட்டுள்ளது.

திறக்கப்பட்ட பூ கடை (புகைப்படம்: ANI)

சென்னையில் மழை வெள்ளத்தால் பாதிக்கப்பட்ட பகுதிகளில் மீட்புப் பணிகளை சென்னை மாநகராட்சி அதிகாரிகள் துரிதப்படுத்தியுள்ளனர். இதனையடுத்து, நகரின் பல்வேறு பகுதிகளில் இயல்பு வாழ்க்கை திரும்பத் தொடங்கியுள்ளது.   

Water stagnation is cleared and traffic at Manikam Nagar Subway commenced smoothly.👇
Division-5. Zone-1 #ChennaiRains#ChennaiCorporation pic.twitter.com/whTHPixQ9A

— Greater Chennai Corporation (@chennaicorp) November 12, 2021

மாணிக்கம் நகர் சுரங்கப்பாதையில் தேங்கிய மழைநீர் வெளியேற்றப்பட்டு போக்குவரத்து சீர் செய்யப்பட்டுள்ளது.

To enable smooth commutation in #Chennai, major roads are focused and water logging is being cleared. In many places GCC staff worked all night to clear water logging.
Dewatering at Ashok Pillar 👇#ChennaiRains#ChennaiCorporation pic.twitter.com/EHjnoY0gL4

— Greater Chennai Corporation (@chennaicorp) November 12, 2021

அசோக் பில்லர் பகுதியில் இரவு முழுவதும் தூய்மைப் பணியாளர்கள் வெள்ளம் நீர் வெளியேற்ற பணிகளை மேற்கொண்டனர். இதன் காரணமாக, சாலைகளில் தேங்கிய மழைநீர் வெளியேற்றப்பட்டு வருகிறது.

Thanks to volunteers and #GCC team who got in touch with this old age home. Dinner was provided for the 20 old people and 10 children here. Breakfast will also be provided in the morning.
Two 100 HP motors are deployed to pump out water. #ChennaiRains#ChennaiCorporation https://t.co/9nTSLqzT4G

— Greater Chennai Corporation (@chennaicorp) November 11, 2021

Thanks to the great work of @Ahmedshabbir20, through whom we got to know of this little Old Age Home in Seethamal Colony. RDC Central Abdul Sheik Rahaman IAS,&his team, Jayachandran DRO&CO, along with Fire&Rescue personnel ensured that they received breakfast today.#ChennaiRains https://t.co/aVW9juD0sO pic.twitter.com/1Ho5i1Znnw

— Greater Chennai Corporation (@chennaicorp) November 12, 2021

சீதாம்மாள் காலணியில் அமைந்துள்ள முதியோர் நல்வாழ்வு மையத்தில் மழைநீர் தேங்கியிருந்தது. நால்புறமும் மழைநீர் சூழ்ந்ததால், அவர்களுக்கு உணவு கிடைப்பதில் சிக்கல் ஏற்பட்டது. இந்த தகவலை பத்தரிகையாளர் மூலம் அறிந்த சென்னை பெருநகர மாநகராட்சி, இரண்டு 100 குதிரை திறன் பம்புகள் மூலம் மழைநீரை முழுமையாக அப்புறப்படுத்தியது. நல்வாழ்வு மையத்தில் உள்ள அனைவருக்கும் தற்போது உணவுகள் சென்றடைவதாக அதிகாரிகள் தெரிவித்தனர்.

பெருநகர சென்னை மாநகராட்சி, திரு.வி.க.நகர் மண்டலம், பெரம்பூர் பேரக்ஸ் சாலையில் இன்று மழையின் காரணமாக சாய்ந்த மரம் உடனடியாக மாநகராட்சி பணியாளர்களால் அப்புறப்படுத்தப்பட்டு வருகிறது.#ChennaiRains #ChennaiCorporation pic.twitter.com/Lm3vWp1Vpw

— Greater Chennai Corporation (@chennaicorp) November 11, 2021

இதற்கிடையே, கனமழை எச்சரிக்கை காரணமாக சென்னை விமான நிலையத்தில் 5 மணி நேரமாக நிறுத்தி வைக்கப்பட்டிருந்த விமான சேவை சீரடைந்தது.

Tamil Nadu | Shops re-open, traffic movement resumes as life starts returning to normal in Chennai following incessant rains; Visuals from Teynampet pic.twitter.com/mG056P0wv0

— ANI (@ANI) November 12, 2021

தேனாம்பேட்டையில் இயல்பு வாழ்க்கை திரும்பி கொண்டிருப்பதாக ஏஎன்ஐ செய்தி நிறுவனம் தெரிவித்துள்ளது. தமிழகத்தில் மழை நிவாரணப் பணிகள் போர்க்கால அடிப்படையில் தொடர்ந்து மேற்கொள்ளப்பட்டு வருவதாக வருவாய் மற்றும் பேரிடர் மேலாண்மைத் துறை அமைச்சர் கேகேஎஸ்எஸ்ஆர் ராமச்சந்திரன் தெரிவித்தார்.

வங்ககடலில் நிலை கொண்டிருந்த காற்றழுத்த தாழ்வு மண்டலம் சென்னை அருகே கரையை கடந்த நிலையில், தெற்கு அந்தமான் கடல் பகுதியில் நாளை மறுநாள் சனிக்கிழமை மற்றொரு புதிய காற்றழுத்த தாழ்வுப் பகுதி உருவாகக்கூடும் என இந்திய வானிலை ஆய்வு மையம் தெரிவித்தது. இது,மேற்கு-வடமேற்காக நகர்ந்து அடுத்த 48 மணி நேரத்தில் ஆழ்ந்த காற்றழுத்த தாழ்வுப் பகுதியாக வலுப்பெறும் என்று அந்த மையம் எச்சரித்தது.