Chennai Rains: கடந்த 35 ஆண்டுகளில் சென்னையில் எப்போதெல்லாம் கொட்டித்தீர்த்தது தெரியுமா? முழு டேட்டா இதோ!
கடந்த 35 ஆண்டுகளில் சென்னை மாநகரில் 200 மி.மீ மழை எப்போதெல்லாம் பெய்துள்ளது என தமிழ்நாடு வெதர்மேன் பிரதீப் ஜான் தெரிவித்துள்ளார்.
கடந்த 35 ஆண்டுகளில் சென்னை மாநகரில் 200 மி.மீ மழை எப்போதெல்லாம் பெய்துள்ளது என தமிழ்நாடு வெதர்மேன் பிரதீப் ஜான் தெரிவித்துள்ளார்.
சென்னையில் நேற்று திடீரென கொட்டித்தீர்த்த கனமழையால், மாநகர் முழுதும் முடங்கியது. தெருக்கள் பல மழை நீரில் மூழ்ந்தன. சாலைகள் வெள்ளத்தில் மூழ்கின.போக்குவரத்து ஸ்தம்பித்தது. மின் வினியோகம் பாதித்தது. இப்படி பல்வேறு சிரமங்களை பொதுமக்கள் சந்திக்க, முன்னெச்சரிக்கை அறிவிப்பு வெளியாகாததும் ஒரு காரணமாக கூறப்பட்டது. இந்நிலையில், நேற்று திருச்சியில் திமுக நிகழ்ச்சியில் பங்கேற்ற முதல்வர் ஸ்டாலின், உடனே சென்னை திரும்பினார். நள்ளிரவில் மழை பாதிப்புகள் குறித்து ஆய்வு மேற்கொண்டார். உடனடியாக மழை நீரை வெளியேற்றும் நடவடிக்கைகளை துரிதப்படுத்திய முதல்வர் ஸ்டாலின், இன்று காலை அப்பணிகளை ஆய்வு செய்ய புறப்பட்டார்.
மேலும், கனமழை பாதிப்பு காரணமாக, சென்னை, திருவள்ளூர், செங்கல்பட்டு, காஞ்சிபுரம் மாவட்டத்தின் கல்லூரிகள், அரசு அலுவலங்களுக்கு விடுமுறை அறிவித்து முதல்வர் ஸ்டாலின் உத்தரவிட்டுள்ளார்.
சென்னை ஆழ்வார்பேட்டையில் ஆய்வு மேற்கொண்ட முதல்வர் ஸ்டாலின், பின்னர் செய்தியாளர்களை சந்தித்தபோது, “பேய் மழை பெய்திருக்கிறது. திருச்சியில் இருந்ததும், நேரடியாக சென்று ஆலோசனை நடத்தினேன். நீரை வெளியேற்றும் பணிகள் இன்று முடிந்துவிடும். வானிலை அறிக்கை பெறுவதில் இயந்திரங்கள் மாற்ற வேண்டியது மத்திய அரசின் வேலை. மீண்டும் அதை நினைவூட்டுகிறேன். மீண்டும் தேங்கிய இடத்திலேயே மழை நீர் தேங்க காரணம், 10 ஆண்டுகளாக குட்டிச்சுவர் ஆக்கி வைத்திருக்கிறார்கள். அடுத்த மழை வருவதற்குள் அனைத்தையும் சரி செய்து விடுவோம்” என்றார்.
இதனிடையே வழக்கமாக தமிழ்நாட்டில் 9 சதவீதம் மழை, டிசம்பர் மாதத்தில் பெய்யும். ஆனால் ,இம்முறை 6 சதவீதம் மழை மட்டுமே பதிவாகியுள்ளது. ஆனால், நவம்பரில் அதிக மழை கொட்டியுள்ளது எனத் தெரிவிக்கப்பட்டுள்ளது. நவம்பர் மாதத்தில் மட்டும் சென்னையில் 100 செ.மீ., மழை பதிவாகியுள்ளது.
Occurrence of 200 mm rainfall events in Chennai City (Nungambakkam station) has increased in the last 35 recent years.
— Pradeep John (Tamil Nadu Weatherman) (@praddy06) December 31, 2021
The years shaded are ones having two 200 mm events in year. pic.twitter.com/fDCnwIXMwH
2015 ம் ஆண்டை விட இந்த ஆண்டு அதிக மழை பதிவாகியுள்ளதாக தகவல் வெளியாகியுள்ளது. கடந்த 35 ஆண்டுகளில் சென்னை மாநகரான நுங்கம்பாக்கத்தில் 200 மி.மீ மழை எப்போதெல்லாம் பெய்துள்ளது என தமிழ்நாடு வெதர்மேன் பிரதீப் ஜான் தெரிவித்துள்ளார். இந்த வருடத்தில் மட்டும் இரண்டு 200 மி.மீ மழை நிகழ்வுகளை சந்தித்துள்ளது என குறிப்பிட்டுள்ளார்.
இதுகுறித்து அவர் தனது ட்விட்டர் பக்கத்தில் கடந்த 200 ஆண்டுகளில் சென்னையில் 24 மணி நேர மழையில் 200 மி.மீ மழை பதிவான நாட்களை பட்டியலிட்டுள்ளார். அதன்படி
21st October 1840 - 550 (மில்லி மீட்டரில்)
24th October 1857 - 400
25th November 1970 - 452
14th June 1990 - 348
13th November 1985 - 329
2nd December 2015 - 294
17th February 1904 - 294
22 October 1969 - 280
27 October 2005 - 273
10th December 1901 - 262
12th November 1005 - 249
10th November 2016 - 247
13 November 1984 - 240
22nd May 1952 - 244
16 November 1922 - 236
3 December 2005 - 234
25 October 1902 - 233
7 November 2021 - 215
17 May 1943 - 215
26 December 1978 - 203
31 December 2021 - 201
தலைப்பு செய்திகள்
ட்ரெண்டிங் செய்திகள்
