Reliance Jio | தமிழ்நாடு மாநிலம் முழுவதிலும் கூடுதலாக 20MHZ அலைக்கற்றை - ஜியோ அறிவிப்பு

ஜியோ நிறுவனம் 850MHZ 1800MHZ மற்றும் 2300MHZ பேண்டுகளில் இந்த அலைக்கற்றைகளை பெற்றிருந்தது.

ரிலையன்ஸ் ஜியோ

இந்திய அரசின் தொலை தொடர்புத்துறையால் சமீபத்தில் நடத்தி முடிக்கப்பட்ட அலைக்கற்றை செயல் நடவடிக்கையின்போது இந்தியாவில் உள்ள அனைத்து 22 சர்க்கிள்களிலும் அலைக்கற்றையை பயன்படுத்துவதற்கான உரிமையை தான் வெற்றிகரமாக பெற்றிருப்பதாக மார்ச் மாதத்தில் ரிலையன்ஸ் ஜியோ இன்போகாம் லிமிடெட் அறிவித்திருந்தது. ஜியோ நிறுவனம் 850MHZ 1800MHZ மற்றும் 2300MHZ பேண்டுகளில்  இந்த அலைக்கற்றைகளை பெற்றிருந்தது.

தமிழ்நாட்டில் கூடுதலாக 850MHZ பேண்டில் 5MHZ 1800மMHZ பேண்டில் 5MHZ மற்றும் 2300MHZ 10MHZஅலைக்கற்றைகளை ஜியோ நிறுவனம் ஏலத்தில் பெற்றிருந்தது குறிப்பிடத்தக்கது.

இப்போது தமிழ்நாடு மாநிலம் முழுவதிலும் அமைந்துள்ள 22,000 தொலைத்தொடர்பு அமைவிடங்கள் அனைத்திலும் மேற்குறிப்பிட்ட மூன்று அலைக்கற்றைகளில் கூடுதலாக பெறப்பட்டிருக்கும் அலைக்கற்றைகளில் பயன்பாட்டு நடவடிக்கையை ஜியோ தொடங்கியிருக்கிறது. இதன் மூலம் 850, 1800, 2300mah களின் பயன்பாட்டிற்கு கிடைக்கக்கூடிய மொத்த அலைக்கற்றை அகலம் ஐம்பது சதவீதம் அளவிற்கு முன்னேற்றம் பெறும். 

மிகப்பெரிய அளவிலான இந்த அலைக்கற்றை அளவு அதிகரிப்பு தமிழ்நாட்டில் ஒட்டுமொத்த ஜியோ சந்தாதாரர்களுக்கு தொலைத்தொடர்பு வலையமைப்பு அனுபவத்தை மேலும் பன்மடங்கு மேம்படுத்துவதற்கு நிச்சயமாக உதவும். இந்த நடவடிக்கையானது ஜியோ வலையமைப்பின் செயல்திறனை 50 சதவீதம் அளவிற்கு உயர்த்தி இருப்பதோடு தமிழ்நாட்டில் மிக அதிக வேகம் இருப்பதையும் மற்றும் மேம்படுத்தப்பட்ட வலையமைப்பு அனுபவம் வாடிக்கையாளர்களுக்கு கிடைக்கப் பெறுவதையும் சாத்தியமாக்குகிறது.

தற்போதுள்ள பெருந்தொற்று சூழல், கட்டுப்படுத்தப்பட்டுள்ள போக்குவரத்து மற்றும் பொதுமுடக்கத்தை கருத்தில் கொண்டு பார்க்கையில், கூடுதல் அலைக்கற்றை சேர்க்கப்பட்டு இருப்பது உரிய நேரத்தில் எடுக்கப்பட்ட சரியான நடவடிக்கையாக இருக்கிறது. வீட்டில் இருந்து பணியாற்றும் பணியாளர்களுக்கும், ஆன்லைன் லைன் மாணவர்கள் வகுப்பில் பங்கேற்கவும் வீட்டிலிருந்தே பிசினஸ் நடவடிக்களை தொழில் முனைவோர் மேற்கொள்ளவும் இது உதவும். வீடுகளில் பாதுகாப்பாக இருந்து கொண்டே தங்களது அனைத்து நடவடிக்கைகளையும் மக்கள் சிரமமின்றி எளிதாக டிஜிட்டல் முறையில் மேற்கொள்வதை இது எளிதாக்கும். 

இந்த இணைப்பு வசதியும் அனுபவமும் கோவிட் பெருந்தொற்றை கட்டுப்படுத்துவதற்காக தளராமல் செயலாற்றிகொண்டிருக்கின்ற மருத்துவத் துறை பணியாளர்கள் மற்றும் முன் களப்பணியாளர்களுக்கு மிகப்பெரிய உதவியாக இருக்கும்.

TRAI அமைப்பின் சமீபத்திய தரவின் படி தமிழ்நாட்டில் ஏறக்குறைய 2.5 கோடி சந்தாதாரர் அடித்தளத்தையும், வாடிக்கையாளர் சந்தையில் 30.3 சதவீத பங்கினையும் ஜியோ கொண்டிருக்கிறது. 4ஜி டவர்களுக்கு அதிகரித்துவரும் தேவையின் காரணமாக, 2021-ஆம் ஆண்டில் தனது 4ஜி வலையமைப்பை 20% அளவிற்கு ஜியோ விரிவாக்கம் செய்திருந்தது. மாநிலம் முழுவதிலும் பயன்பாட்டில் உள்ள தொலைத்தொடர்பு அமைவிடங்கள் அடிப்படையில் ஜியோ தொடர்ந்து முதலிடம் வகித்து வருவது. தற்போது, இம்மாநிலத்தில் 22,000 என்ற எண்ணிக்கைக்கும் அதிகமாக வலையமைப்பு அமைவிடங்களை கொண்டிருப்பதான் வழியாக தமிழ்நாட்டின் மிகப்பெரிய 4ஜி வலையமைப்பாக ஜியோ திகழ்கிறது.

சமீபத்தில் நடைபெற்ற அலைக்கற்றை ஏலத்தில் ரூபாய் 57 ஆயிரத்து 123 கோடி மதிப்பில் 20 ஆண்டுகள் கால அளவிற்கு 488.35MHZ (850MHZ, 1800MHZ, 2300MHZ உட்பட) என்ற மொத்த அலைக்கற்றையை 22 சரக்கிள்களில் ஜியோ பெற்றது. இதன் மூலம் தனது மொத்த அலைக்கற்றை அளவை 1717MHZ ஆக, அதாவது 55% அளவிற்கு மிகக் கணிசமான ஜியோ உயர்த்தி இருக்கிறது. இந்தியா முழுவதிலும் ஏறக்குறைய 426 மில்லியன் சந்தாதாரர்களை ஜியோவில் தற்போது கொண்டிருக்கிறது. புதிதாக பெறப்பட்டிருக்கும் கூடுதல் அலைக்கற்றை மூலம் தனது தற்போதைய பயனாளிகளுக்கு இன்னும் சிறப்பான சேவைகளை வழங்கும் தனது வலையமைப்பு திறனை ரிலையன்ஸ் ஜியோ இன்னும் மேம்படுத்தும். டிஜிட்டல் சேவைகளைப் பெறுபவர்களாக இன்னும் கூடுதலாக 300 மில்லியன் பயனாளிகளை சேர்த்துக் கொள்வதற்கும் மற்றும் 5ஜி சேவைகளுக்கான மாற்றத்தை நோக்கி வலுவாகப்  பயணிப்பதற்கும் இந்த மேம்பாட்டு நடவடிக்கை ரிலையன்ஸ் ஜியோவுக்கு பெரிதும் உதவும் என்று தெரிவிக்கப்பட்டுள்ளது