சேலம் மாவட்ட வரைவு வாக்காளர் பட்டியல் வெளியீடு... எத்தனை வாக்காளர்கள் இடம் பெற்றுள்ளனர்
சேலத்தில் அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் வரைவு வாக்காளர் பட்டியலை மாவட்ட ஆட்சியர் பிருந்தா தேவி வெளியிட்டார்.
இந்திய தேர்தல் ஆணையத்தின் உத்தரவின் பேரில் தமிழ்நாடு முழுவதும் வரைவு வாக்காளர் பட்டியல் இன்று வெளியிடப்பட்டது. அதன் ஒரு பகுதியாக சேலத்தில் அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் வரைவு வாக்காளர் பட்டியலை மாவட்ட ஆட்சியர் பிருந்தா தேவி வெளியிட்டார்.
இதில், சேலம் மாவட்டத்தில் உள்ள கெங்கவல்லி சட்டமன்ற தொகுதியில் 110879 ஆண் வாக்காளர்களும், 116930 பெண் வாக்காளர்களும், 9 இதர வாக்காளர்கள் என மொத்தம் 227818 உள்ளனர். ஆத்தூர் சட்டமன்ற தொகுதியில் 116206 ஆண் வாக்காளர்களும், 123441 பெண் வாக்காளர்களும், 18 இதர வாக்காளர்கள் என மொத்தம் 239665 உள்ளனர். ஏற்காடு சட்டமன்ற தொகுதியில் 138072 ஆண் வாக்காளர்களும், 144401 பெண் வாக்காளர்களும், 16 இதர வாக்காளர்கள் என மொத்தம் 282489 உள்ளனர். ஓமலூர் சட்டமன்ற தொகுதியில் 152359 ஆண் வாக்காளர்களும், 145595 பெண் வாக்காளர்களும், 13 இதர வாக்காளர்கள் என மொத்தம் 297967 உள்ளனர். மேட்டூர் சட்டமன்ற தொகுதியில் 138957 ஆண் வாக்காளர்களும், 135974 பெண் வாக்காளர்களும், 18 இதர வாக்காளர்கள் என மொத்தம் 274949 உள்ளனர். எடப்பாடி சட்டமன்ற தொகுதியில் 145386 ஆண் வாக்காளர்களும், 141731 பெண் வாக்காளர்களும், 22 இதர வாக்காளர்கள் என மொத்தம் 287139 உள்ளனர். சங்ககிரி சட்டமன்ற தொகுதியில் 136507 ஆண் வாக்காளர்களும், 134101 பெண் வாக்காளர்களும், 19 இதர வாக்காளர்கள் என மொத்தம் 270627 உள்ளனர்.
சேலம் (மேற்கு) சட்டமன்ற தொகுதியில் 149998 ஆண் வாக்காளர்களும், 151596 பெண் வாக்காளர்களும், 77 இதர வாக்காளர்கள் என மொத்தம் 301671 உள்ளனர். சேலம் (வடக்கு) சட்டமன்ற தொகுதியில் 130988 ஆண் வாக்காளர்களும், 138058 பெண் வாக்காளர்களும், 47 இதர வாக்காளர்கள் என மொத்தம் 269093 உள்ளனர். சேலம் (தெற்கு) சட்டமன்ற தொகுதியில் 122235 ஆண் வாக்காளர்களும், 128154 பெண் வாக்காளர்களும், 57 இதர வாக்காளர்கள் என மொத்தம் 250446 உள்ளனர். வீரபாண்டி சட்டமன்ற தொகுதியில் 130187 ஆண் வாக்காளர்களும், 129439 பெண் வாக்காளர்களும், 23 இதர வாக்காளர்கள் என மொத்தம் 259649 உள்ளனர். சேலம் மாவட்டத்தில் உள்ள 11 சட்டமன்ற தொகுதிகளில் 14,71,774 ஆண் வாக்காளர்களும், 14,89,420 பெண் வாக்காளர்களும், 319 இதர வாக்காளர்களும் என மொத்தம் 29,61,513 வாக்காளர்கள் இடம் பெற்றுள்ளனர்.
தொடர்ந்து வாக்காளர் பட்டியலில் பெயர் சேர்த்தல், பெயர் நீக்கல் மற்றும் திருத்தங்களை மேற்கொள்ள வரும் 29ம் தேதி முதல் நவம்பர் 28ம் தேதி வரை விண்ணப்பிக்கலாம் என தெரிவித்துள்ள ஆட்சியர் வாக்காளர் பட்டியலில் பெயர் விடுபட்டோர் மற்றும் 18 வயது நிறைவடைந்தவர்கள் விண்ணப்பிக்க ஏதுவாக நவம்பர் 16 மற்றும் 17 ம் தேதிகள், நவம்பர் 23 மற்றும் 24 ஆம் தேதிகள் அனைத்து வாக்குப்பதிவு மையங்களிலும் சிறப்பு முகாம்கள் நடத்தப்பட உள்ளதாக தெரிவித்தார். தொடர்ந்து ஜனவரி 6ஆம் தேதி இறுதி வாக்காளர் பட்டியல் வெளியிடப்பட உள்ளது.
மேலும் இணையதளம் மூலம் Voters.eci.gov.in மற்றும் www.elections.tn.gov.in என்ற முகவரியிலும் Voter helpline app என்ற கைபேசி செயலி மூலமாகவும் விண்ணப்பிக்கலாம் என அறிவிக்கப்பட்டுள்ளது.
இதைத்தொடர்ந்து, அங்கீகரிக்கப்பட்ட அரசியல் கட்சிகள் சார்பில் மாவட்டத்தில் உள்ள அனைத்து கல்லூரிகளிலும் வாக்காளர் இணைப்பு முகாமினை நடத்த வேண்டும் என கோரிக்கை வைக்கப்பட்டது. அதற்கு உடனடியாக பரிசீலத்தில் நடவடிக்கை எடுக்கப்படும் என மாவட்ட ஆட்சியர் பிருந்தா தேவி தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
