EPS Twitter : ட்விட்டரில் கட்சியின் பதவிப்பொறுப்பை மாற்றினார் இ.பி.எஸ்...! அதிர்ச்சியில் ஓ.பி.எஸ். ஆதரவாளர்கள்..!

எடப்பாடி பழனிசாமி தனது ட்விட்டர் பக்கத்தில் பதவியின் பொறுப்பை தலைமை நிலைமை செயலாளர் என்று மாற்றியிருப்பது ஓ.பி.எஸ். ஆதரவாளர்கள் மத்தியில் அதிர்ச்சியை ஏற்படுத்தியுள்ளது.

எடப்பாடி பழனிசாமி டுவிட்டர் பக்கம்

அ.தி.மு.க.வில் ஒற்றைத் தலைமை விவகாரம் பூதாகரமாக வெடித்து எடப்பாடி பழனிசாமி மற்றும் ஓ.பன்னீர்செல்வம் இடையே கடுமையான மோதல் நிலவி வருகிறது. இந்த சூழலில், எடப்பாடி பழனிசாமி தன்னுடைய அதிகாரப்பூர்வ ட்விட்டர் பக்கத்தில் அ.தி.மு.க.வின் இணை ஒருங்கிணைப்பாளர் என்ற பதவியின் பெயரை நீக்கிவிட்டு, தலைமை நிலைய செயலாளர் என்று பதிவிட்டுள்ளார். எடப்பாடி பழனிசாமியின் இந்த செயல்பாடு ஓ.பன்னீர்செல்வத்திற்கும் அவரது ஆதரவாளர்கள் மத்தியிலும் கடும் அதிர்ச்சியை ஏற்படுத்தியுள்ளது.

இந்த நிலையில், எடப்பாடி பழனிசாமியின் தீவிர ஆதரவாளர் சிவி சண்முகம் ஓ.பன்னீர்செல்வம் அ.தி.மு.க.வின் பொருளாளர் என்றும். எடப்பாடி பழனிசாமி தலைமை நிலைய செயலாளர் என்றும் அறிவித்தார்.  ஆனால், அவரது அறிவிப்பை ஓ.பன்னீர்செல்வம் தரப்பினர் நிராகரித்தனர். இருப்பினும், எடப்பாடி பழனிசாமி ஆதரவாளர்கள் தங்களது கருத்தில் உறுதியாக இருப்பதுடன்  வரும் 11-ந் தேதி திட்டமிட்டபடி பொதுக்குழு நடக்கும் என்றும் அறிவித்தனர்.

மேலும் படிக்க : Thirumavalavan MP : ”எல்.முருகனும், திரௌபதி முர்முவும் கூண்டுக்கிளி, கோயில் யானை போலத்தான் செயல்படமுடியும்” : திருமா காட்டம்!

இந்த சூழலில், உள்ளாட்சி பதவிகளுக்கான இடைத்தேர்தலில் போட்டியிடுவதற்காக அ.தி.மு.க. சின்னமான இரட்டை இலையை வழங்கக்கோரும் படிவத்தில் கையெழுத்திட தயாரா? என்று ஓ.பன்னீர்செல்வம் எழுதிய கடிதத்திற்கு எடப்பாடி பழனிசாமி “அன்புள்ள அண்ணா, நீங்கள் ஒருங்கிணைப்பாளரே இல்லை” என்று எழுதிய கடிதம் பெரும் பரபரப்பை ஏற்படுத்தியது. இந்த பரபரப்பு அடங்குவதற்குள் எடப்பாடி பழனிசாமி தன்னுடைய பதவியை தலைமை நிலைய செயலாளர் என்று பதிவிட்டிருப்பது குறிப்பிடத்தக்கது.

பொதுக்குழுவிற்கு எதிராக ஓ.பன்னீர்செல்வத்தின் ஆதரவாளர்கள் தீவிர எதிர்ப்பு தெரிவித்து வரும் நிலையில், எடப்பாடி பழனிசாமியின் ஆதரவாளர்கள் நடைபெற உள்ள பொதுக்குழுவில் எடப்பாடி பழனிசாமியை ஒற்றைத் தலைமையாக அறிவிப்பதில் உறுதியாக உள்ளனர். நாளுக்கு நாள் அ.தி.மு.க தலைமையில் நடைபெற்று வரும் மோதலினால் தொண்டர்கள் கலக்கம் அடைந்துள்ளனர். தொடர்ந்து ஓ.பி.எஸ்., இ.பி.எஸ். மோதல் முற்றி வரும் நிலையில் வானகரத்தில் பொதுக்குழு நடத்துவதற்கான ஏற்பாடுகளை எடப்பாடி பழனிசாமி ஆதரவாளர்கள் தீவிரமாக ஈடுபட்டு வருகின்றனர்.  

மேலும் படிக்க : PM Modi Hyderabad Visit: பிரதமர் வருகைக்கு எதிர்ப்பு; ஹைதராபாத்தில் வைக்கப்பட்ட மணி ஹைஸ்ட் பேனரால் பரபரப்பு

மேலும் படிக்க : Caveat petition: இபிஎஸ் தரப்பு தொடர்ந்த அதிமுக பொதுக்குழு வழக்கில் உச்சநீதிமன்றத்தில் கேவியட் மனு

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண