Priya vs Pallavi: அசிங்கப்படுத்திய மேயர் பிரியா; பதிலடி கொடுத்த எம்எல்ஏ பல்லவி- பள்ளிகளில் அடுத்தடுத்து பரபரப்பு!

சென்னை மாநகராட்சி பள்ளி கட்டிடத் திறப்பு விழாவில் மேயருக்கும் எம்எல்ஏவுக்கும் இடையில் ஏற்பட்ட மோதல் பேசுபொருளாக மாறி உள்ளது.

Written By : க.சே.ரமணி பிரபா தேவி | Updated at : 04 Jun 2026 01:03 PM (IST)

DMK vs TVK Mayor Priya MLA Pallavi Clash at School Campus What Happened Priya vs Pallavi: அசிங்கப்படுத்திய மேயர் பிரியா; பதிலடி கொடுத்த எம்எல்ஏ பல்லவி- பள்ளிகளில் அடுத்தடுத்து பரபரப்பு!

பள்ளி விழா வீடியோ

Source : சிறப்பு ஏற்பாடு

பள்ளிக் கட்டிட திறப்பு விழாவில், தன்னை அசிங்கப்படுத்திய மேயர் பிரியாவுக்கு எம்எல்ஏ பல்லவி அழகான பதிலடி கொடுத்துள்ளதாக சமூக வலைதளங்களில் பகிரப்பட்டு வருகிறது.

தமிழ்நாடு முழுவதும் கோடை விடுமுறைக்குப் பிறகு பள்ளிகள் திறக்கப்பட்டு, புதிய கல்வி ஆண்டு இன்று (ஜூன் 4) தொடங்கி உள்ளது. இந்த நிலையில் புளியந்தோப்பு பகுதியில் உருதுப் பள்ளி ஒன்றின் கட்டிடத் திறப்பு விழாவில் மேயர் பிரியா, எம்எல்ஏ பல்லவி, மாநகராட்சி அதிகாரிகள் உள்ளிட்ட பலர் கலந்துகொண்டனர்.

கையை நீட்டிய பல்லவி, கொடுக்க மறுத்த பிரியா

அப்போது உருதுப்பள்ளி கட்டிட திறப்பு விழாவில் குத்துவிளக்கு ஏற்றப்பட்டது. இதில் முதல் திரியை மேயர் ஏற்றினார். இரண்டாவது திரி ஏற்ற மெழுகுவர்த்தியை வாங்க எம்எல்ஏ பல்லவி கையை நீட்டினார். எனினும் கொடுக்க மறுத்து, மாநகராட்சி இணை ஆணையர் கற்பகத்திடம் கொடுத்தார் மேயர் பிரியா. எம்எல்ஏ பல்லவி கையை நீட்டியும் கொடுக்கவில்லை.

இதனால் அங்கிருந்து கிளம்பிச் சென்றார் பல்லவி. தொடர்ந்து அவரை சமாதானப்படுத்தி ஐஐஏஸ் அதிகாரிகள், அடுத்த நிகழ்ச்சிக்கு அழைத்து வந்தனர். இரண்டாவது நிகழ்ச்சியான அரசு தொடக்கப் பள்ளி கட்டிடத் திறப்பு விழாவில் மேயர் பிரியா குத்துவிளக்கை ஏற்றிவிட்டு எம்எல்ஏ பல்லவியிடம் கொடுத்தார்.

மேயர் VS தவெக எம்எல்ஏ...

பள்ளிக் கட்டடம் திறப்பு விழாவில் மேயரின் செயலால் வெளியேறிய தவெக எம்எல்ஏhttps://t.co/wupaoCzH82 | #Chennai #MayorPriya #MLAPallavi #tamilnadu #tamilnews #abpnadu pic.twitter.com/eMi6SSVlKY
— ABP Nadu (@abpnadu) June 4, 2026

வாங்க மறுத்த எம்எல்ஏ பல்லவி

எனினும் அதை வாங்க எம்எல்ஏ பல்லவி மறுத்துவிட்டார். தொடர்ந்து மேயர் பிரியா இணை ஆணையர் கற்பகத்திடம் மெழுகுவர்த்தியை ஏற்றுமாறு கூற அவர் தயங்கி நின்றார். எம்எல்ஏ பல்லவியிடம் அவர் மெழுகுவர்த்தியை நீட்ட, அவர் நீங்களே ஏற்றுங்கள் என்று கூறினார். மேயர் பிரியாவும் கற்பகத்தை ஏற்றுமாறு கூறினார்.

அசிங்கப்படுத்தினாரா மேயர் பிரியா?

தொடர்ந்து மேயர் பிரியா தரப்பும் எம்எல்ஏ பல்லவி தரப்பும் வேகமாகக் கிளம்பிச் சென்றனர். அசிங்கப்படுத்திய மேயர் பிரியாவை, அழகாக ஹேண்டில் செய்தார் எம்எல்ஏ பல்லவி என்று தவெக தரப்பு பேசி வரும் நிலையில், இதை இவ்வளவு பெரிய பிரச்சினையாக எம்எல்ஏ பல்லவி கருதியிருக்க வேண்டியதில்லை, முதல் நிகழ்ச்சியில் புரோட்டோகால்படியே மேயர் பிரியா அவ்வாறு நடந்துகொண்டார் என திமுகவினர் களமாடி வருகின்றனர்.

இதுதொடர்பான வீடியோக்கள் இணையத்தில் வைரலாகி வருகின்றன.

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.