Mayiladuthurai Power Shutdown (09.07.2026) : மயிலாடுதுறை மக்களே அலர்ட்! நாளை 8 மணி நேரம் இந்த பகுதிகளில் பவர் கட்! உங்க ஊர் இருக்கான்னு பாத்துக்கோங்க!

நீடூர் துணை மின் நிலையத்தில் மாதாந்திர பராமரிப்பு பணி மேற்கொள்ள உள்ளதால் நாளை (ஜூலை 9) மின் விநியோகம் இருக்காது என மின்வாரிய அதிகாரிகள் தகவல் தெரிவித்துள்ளனர்.

செயற்கை நுண்ணறிவு சித்தரிப்பு படம்

Source : AI

மயிலாடுதுறை: பொதுமக்களின் கவனத்திற்கு, மயிலாடுதுறை நகர் மற்றும் அதன் சுற்றுவட்டாரப் பகுதிகளில் நாளை மின் விநியோகம் தடை செய்யப்பட உள்ளதாக மின்வாரியம் தரப்பில் அதிகாரப்பூர்வமாக அறிவிக்கப்பட்டுள்ளது. மயிலாடுதுறை கோட்ட மின்சார வாரிய உதவி செயற் பொறியாளர் வெளியிட்டுள்ள செய்திக்குறிப்பில் இந்தத் தகவல் தெரிவிக்கப்பட்டுள்ளது.

தமிழ்நாடு மின் உற்பத்தி மற்றும் பகிர்மான கழகத்தின் மயிலாடுதுறை நகர், இயக்குதல் மற்றும் பராமரிப்பு பிரிவின் உதவி செயற் பொறியாளர் பொறிஞர் G.ரமேஷ் , வெளியிட்டுள்ள செய்திக்குறிப்பில் அனுப்பியுள்ளார். அதில், நீடூர் துணை மின் நிலையத்தில் மேற்கொள்ளப்பட உள்ள மிக முக்கியமான மாதாந்திர பராமரிப்பு பணிகள் காரணமாக, குறிப்பிட்ட சில பகுதிகளில் மின் விநியோகம் தற்காலிகமாக நிறுத்தப்படும் என விளக்கமளித்துள்ளார்.

மின் நிறுத்தம் செய்யப்படும் நேரம்

நாளை : 09.07.2026 வியாழக்கிழமை அன்று, காலை 09.00 மணி முதல் மாலை 05.00 மணி வரை என மொத்தம் 8 மணி நேரத்திற்கு மின் விநியோகம் முழுமையாக நிறுத்தப்படும். எனவே, பொதுமக்கள் மற்றும் வணிகர்கள் தங்களுக்குத் தேவையான அத்தியாவசியத் தேவைகளை முன்கூட்டியே திட்டமிட்டுக் கொள்ளுமாறு அறிவுறுத்தப்படுகிறார்கள்.

மின் விநியோகம் தடைபடும் பகுதிகள்

நீடூர் துணை மின் நிலையத்திலிருந்து மின்சாரம் பெறும் கீழே குறிப்பிட்டுள்ள கிராமங்கள் மற்றும் அதனைச் சுற்றியுள்ள அத்தனை பகுதிகளிலும் நாளை மின்சாரம் இருக்காது.

 * நீடூர்

 * மல்லியக்கொல்லை

 * வில்லியநல்லூர்

 * கொண்டல்

 * பாலாக்குடி

 * தாழஞ்சேரி

 * கொற்கை

 * அருண்மொழிதேவன்

 * கங்கணம்புத்தூர்

 * மேலாநல்லூர்

 * நடராஜபுரம்

 * கீழமருதாந்தநல்லூர்

 * மேலமருதாந்தநல்லூர்

 * பொன்மாசநல்லூர்

 * மாப்படுகை

 * ஆனந்தக்குடி

 * சோழப்பேட்டை

 * மணலூர்

மற்றும் மேலே குறிப்பிட்டுள்ள முக்கிய ஊர்கள் தவிர, இவற்றுக்கு அருகில் அமைந்துப் பாரம்பரிமாக மின் இணைப்பு பெற்றுள்ள அனைத்து சுற்றுவட்டாரக் கிராமப் பகுதிகளுக்கும் இந்த மின் தடை பொருந்தும் என அறிவிக்கப்பட்டுள்ளது.

பொதுமக்களுக்கு மின்வாரியத்தின் வேண்டுகோள்

இந்த மாதாந்திர மின் பராமரிப்புப் பணியானது, தடையில்லா சீரான மின்சாரத்தை இப்பகுதி மக்களுக்கு வழங்குவதற்காகவும், மழைக்காலங்கள் மற்றும் அவசரக் காலங்களில் மின்கசிவு, மின்கம்பங்கள் சேதமடைதல் போன்ற விபத்துகளைத் தவிர்ப்பதற்காகவும் முன்கூட்டியே திட்டமிட்டு நடத்தப்படும் வழக்கமான பணிகளுள் ஒன்றாகும்.

மின்கம்பங்களில் படர்ந்துள்ள மரக்கிளைகளை அகற்றுவது, பழுதடைந்த மின் கம்பிகளை மாற்றுவது மற்றும் துணை மின் நிலைய டிரான்ஸ்ஃபார்மர்களில் உள்ள தொழில்நுட்பக் கோளாறுகளைச் சரிசெய்வது போன்ற பணிகள் இந்த நேரத்தில் மேற்கொள்ளப்பட உள்ளன.

முக்கிய குறிப்பு: காலை 9 மணி முதல் மாலை 5 மணி வரை மின்சாரம் இருக்காது என்பதால், இப்பகுதி மக்கள் தங்களுக்குத் தேவையான குடிநீர் வசதிகள், மொபைல் போன் சார்ஜ் செய்தல் மற்றும் மின்சாரம் சார்ந்த அன்றாட வீட்டு உபயோகப் பணிகளை காலை 9 மணிக்கு முன்பாகவே முடித்துக் கொள்ளுமாறு கேட்டுக் கொள்ளப்படுகிறார்கள். மின்வாரிய ஊழியர்களின் இந்தத் தொழில்நுட்பப் பணிகளுக்குப் பொதுமக்கள் அனைவரும் முழு ஒத்துழைப்பு நல்குமாறு உதவி செயற் பொறியாளர் பொறிஞர் G.ரமேஷ் கேட்டுக் கொண்டுள்ளார்.

துணை மின் நிலையப் பராமரிப்புப் பணிகள் அனைத்தும் மாலை 5 மணிக்குள் நிறைவடைந்தவுடன், திட்டமிட்டபடி அனைத்துப் பகுதிகளுக்கும் உடனுக்குடன் மின் விநியோகம் மீண்டும் சீராக வழங்கப்படும் எனத் தெரிவிக்கப்பட்டுள்ளது.