இவர் உத்தரவிட்டால் இந்து முன்னணி நடத்தும் முருகன் மாநாட்டில் நாங்கள் பங்கேற்போம் - செல்லூர் ராஜூ

அமைச்சர் மூர்த்தி மேற்கு தொகுதி மக்களுக்கு சின்ன கேரியர் கொடுப்பதாக சொல்கிறார்கள். பெரிய ஹாட் பாக்ஸாக கொடுக்க சொல்லுங்கள் என செல்லூர் ராஜூ கிண்டல்.

செல்லூர் ராஜூ

Source : whats app

தி.மு.க., தான் யார் அந்த சார் என்பதை சொல்ல மறுக்கின்றனர் - செல்லூர் ராஜூ

 

மதுரை மேற்கு சட்டமன்ற தொகுதிக்குட்பட்ட கரிசல்குளம் அரசு ஆரம்ப சுகாதார நிலையத்தில், ரூபாய் 15 லட்சம் மதிப்பீட்டில் கூடுதல் கட்டிடத்திற்கான பூமி பூஜை நடைபெற்றது. இதில் அதிமுக முன்னாள் அமைச்சர் செல்லூர் கே.ராஜூ பங்கேற்று துவக்கி வைத்தார். தொடர்ந்து செய்தியாளர்களை சந்தித்து பேசுகையில்..,” அ.தி.மு.க., ஆட்சி காலத்தில் நடைபெற்ற சம்பவங்களுக்கு எங்கள் முதலமைச்சர் முறையாக நடவடிக்கை எடுத்து, சிபிஐ -க்கு உத்தரவிட்டார். பொள்ளாச்சி வழக்கில் சி.பி.ஐ க்கு உத்தரவிட்டு. "யார் அந்த சார்" என்பதை எங்கள் ஆட்சியில் கண்டுபிடித்து தண்டனை வாங்கிக் கொடுத்துள்ளோம். தி.மு.க., அரசாங்கம் எந்த ஒரு சம்பவத்திற்கும் உத்தரவிடுவது கிடையாது. தி.மு.க., தான் யார் அந்த சார் என்பதை சொல்ல மறுக்கின்றனர்.

 

என்ன கூட்டணி இருந்தாலும் மக்கள் தான் எஜமானர்கள்.

 

இந்து முன்னணி நடத்தும் முருகன் மாநாட்டில் E.P.S உத்தரவிட்டால் நாங்கள் பங்கேற்போம். திருமாவளவன் - வைகைச் செல்வம் சந்திப்பு ஒரு அரசியல் பண்பாடு. திமுக கூட்டணி  வலுவாக இல்லை என்று யார் சொல்கிறார்கள். கூட்டணி வலுவாக இல்லை என்று நாங்கள் சொல்லவில்லையே.  முதலமைச்சர், துணை முதலமைச்சருக்கு செல்வாக்கு உள்ளது. சாலையில் சென்றால் கூட்டம் கூடுகிறது. அப்படி இருக்கும்போது எங்கள் கூட்டணி STRONG காக உள்ளது என்று ஏன் சொல்ல வேண்டும். அவங்களுக்கு தன்.., பயம் இருப்பதால் தான் அப்படி சொல்கிறார்கள். என்ன கூட்டணி இருந்தாலும் மக்கள் தான் எஜமானர்கள். அ.தி.மு.க., தலைமையில் தான் ஆட்சி என்று அமித்ஷா, நயினார் நாகேந்திரன் சொல்லிவிட்டார்கள்.

 

விஜய் அ.தி.மு.க., உங்கள் கூட்டணிக்கு வராதது வருத்தமளிக்கிறதா?

 

மக்கள் தான் கூட்டணி, மக்களோடு கூட்டணி தான் நாங்கள் வைத்துள்ளோம். தேர்தல் நெருங்கும் போது தான் சொல்ல முடியும்.

 

மதுரை மேற்கு தொகுதியில் அமைச்சர் மூர்த்தி பணியில் தீவிரம் காட்டுகிறாரே.

 

அமைச்சர் மூர்த்தி அவருடைய பாக்கெட்டில் இருந்தா கொடுக்கிறார்கள். மேற்கு தொகுதி மக்கள் இதன் மூலம் பயன் அடைகிறார்களா தானே? சின்ன கேரியர் கொடுப்பதாக சொல்கிறார்கள். பெரிய ஹாட் பாக்ஸ் ஆக கொடுங்கள் என்றார்.

இதையும் படிக்க

மதுரை மின் தடை: நாளை (17.06.2025) பராமரிப்பு பணி காரணமாக இப்பகுதிகளில் மின்சாரம் இருக்காது!

பல மடங்கு வாடகை உயர்வு , கடைகளை காலி செய்து வயிற்றில் அடிக்கும் திமுக அரசு - இபிஎஸ் கண்டனம்