பரபரப்பு.. மதுரை உசிலம்பட்டி அருகே பட்டாசு ஆலையில் பயங்கர வெடிவிபத்து.. உயிரிழப்பு எண்ணிக்கை 5-ஆக உயர்வு

உசிலம்பட்டி அருகே பட்டாசு ஆலை வெடி விபத்தில் 5 பேர் உயிரிழப்பு. 10-க்கும் மேற்பட்டோர் படுகாயமடைந்த நிலையில், சிகிச்சைக்கு அனுப்பப்பட்டு, போலீசார் தொடர் விசாரணை.

உசிலம்பட்டியில் பட்டாசு வெடி விபத்து

மதுரை மாவட்டம் உசிலம்பட்டி அருகே வடக்கம்பட்டியை அடுத்துள்ள அழகுசிறையில், அனுசியா வெள்ளையப்பனுக்கு சொந்தமான பட்டாசு ஆலையில் திடீர் வெடிவிபத்து ஏற்பட்டது. இதில் இரண்டு கட்டிடங்களில் பணியாற்றி வந்த வடக்கம்பட்டியைச் சேர்ந்த அம்மாவாசி, வல்லரசு, கோபி மற்றும் புளியகவுண்டன்பட்டி, அழகுசிறையைச் சேர்ந்த பிரேமா என்ற 5 பேர் உடல் சிதறி சம்பவ இடத்திலேயே பரிதாபமாக உயிரிழந்த நிலையில் தற்போது பலி எண்ணிக்கை 5-ஆக அதிகரித்துள்ளது.

#madurai | உசிலம்பட்டி அருகே பட்டாசு ஆலை வெடி விபத்து - 5 பேர் சம்பவ இடத்திலேயே உடல் சிதறி பலி - மேலும் 10க்கும் மேற்பட்டோர் படுகாயமடைந்த நிலையில் தொடர் விசாரணை மேற்கொண்டு வருகின்றனர். தொடர்ந்து உசிலம்பட்டி பகுதியில் பட்டாசு விபத்து ஏற்படுவது சோகத்தை ஏற்படுத்தியுள்ளது.#Usilampati pic.twitter.com/dUoyGP48T1

— arunchinna (@arunreporter92) November 10, 2022

மேலும், அழகுசிறையைச் சேர்ந்த அங்கம்மாள், கருப்பசாமி, நாகலட்சுமி, மகாலெட்சுமி, ஜெயப்பாண்டி, பச்சையக்காள், கருப்பசாமி, அன்னலட்சுமி, மாயத்தேவர், பாண்டியம்மாள், பேச்சியம்மாள் உள்ளிட்ட 13 பேர் படுகாயமடைந்த நிலையில் மதுரை ராஜாஜி அரசு மருத்துவமனையில் தீவிர சிகிச்சை பெற்று வருகின்றனர்.

தகவலறிந்து விரைந்து வந்து உசிலம்பட்டி, திருமங்கலம் தீயணைப்புத்துறை அலுவலர்கள் மற்றும் திருமங்கலம், சிந்துபட்டி காவல் நிலைய போலீசார் சிதறிய உடல்களை மீட்டு உடற்கூறாய்விற்காக உசிலம்பட்டி அரசு மருத்துவமனைக்கு அனுப்பி வைத்துவிட்டு இந்த சம்பவம் தொடர்பாக தொடர் விசாரணை மேற்கொண்டு வருகின்றனர்.

 

இதைப் படிக்க மிஸ் பண்ணாதீங்க பாஸ் - தேனி : லோயர்கேம்ப் மின்உற்பத்தி நிலையத்தில் 4 ஜெனரேட்டர் மூலம் மொத்தம் 135 மெகாவாட் மின்உற்பத்தி

---

 

மேலும் செய்திகள் படிக்க - Rain : மதுரையில் வெளுக்கத் தொடங்கிய வடகிழக்கு பருவமழை..! பல்வேறு பகுதிகளில் கொட்டித் தீர்த்தது..!

---

 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண