மதுரை கார் ஷோரூமில் தீ விபத்தால் பரபரப்பு.. ஊழியர்கள் அதிர்ஷ்டவசமாக தப்பினர், பெரும் சேதம் தவிர்ப்பு?
இந்த விபத்தில் ஷோபாக்கள், டிவி, ஷோரூம் மேற்கூரை ஆகியவை தீயில் எரிந்து கருகியது. நல்வாய்ப்பாக தீ பரவியது உடனடியாக அணைக்கப்பட்டதால் பெரும் சேதம் தவிர்க்கப்பட்டது.
மதுரை காமராஜர் சாலையில் கார் ஷோரூமில் தீ விபத்து - ஷோரூம் முழுவதும் கரும்புகை சூழ்ந்ததால் பரபரப்பு - நல்வாய்ப்பாக தப்பிய பணியாளர்கள்.
ஹீண்டாய் கார் விற்பனை ஷோரும் செயல்பட்டு வருகிறது
மதுரை மாநகர் காமராஜர் சாலை பங்கஜம் காலனி பகுதியில் உள்ள சிட்டி சென்டர் வணிக வளாகத்தில் peeyesyem (பிஎஸ்எம்) என்ற பெயரிலான ஹீண்டாய் கார் விற்பனை ஷோரும் செயல்பட்டு வருகிறது. இங்கு இன்று மாலை திடிரென மின்கசிவு ஏற்பட்டு ஷோரூமில் தீ விபத்து ஏற்பட்டது. இதனால் ஷோரும் மூழுவதுமாக கரும்புகை சூழ்ந்தது. இதையடுத்து அங்கிருந்த பணியாளர்கள் அவசர அவசரமாக வெளியேறினர். மேலும் கரும்புகையானது அடுத்தடுத்த பகுதிக்கு பரவிய நிலையில் வணிக வளாகத்தில் அருகில் உள்ள கடைகளில் இருந்தவர்கள் வெளியேறினர். மேலும் வணிக வளாகத்தின் மேல் இருந்த குடியிருப்புவாசிகள் கீழே நடந்த தீ விபத்தால் அச்சத்துடன் இருந்தனர்.
காவல்துறையினர் வழக்குப்பதிவு செய்து விசாரணை நடத்திவருகின்றனர்.
மேலும் ஷோ ரூமிற்குள் இருந்த ஷோபா உள்ளிட்டவைகளை தீப்பற்றி எரிய தொடங்கிய நிலையில் அருகில் உள்ள கட்டிடங்களில் இருந்து அவசர தீயணைப்பு கருவிகளை கொண்டுவந்து தீயை அணைத்தனர். தொடர்ந்து கரும்புகை சூழ்ந்த நிலையில் தீயணைப்புத்துறையினருக்கு தகவல் அளிக்கப்பட்டது. பின்னர் சம்பவ இடத்திற்கு வந்த அனுப்பானடி தீயணைப்புத்துறையினர் தண்ணீரை பீய்ச்சியடித்து தீ மற்றும் கரும்புகையை கட்டுப்படுத்தினர். கார் ஷோரூம் முழுவதும் தீ பற்றி எரியத் தொடங்கி கரும்புகை சூழ்ந்ததால் விற்பனைக்காக வைக்கப்பட்டிருந்த கார்கள் வெளியில் எடுத்துச் செல்லப்பட்டது. இந்த தீ விபத்து குறித்து தெப்பக்குளம் காவல்துறையினர் வழக்குப்பதிவு செய்து விசாரணை நடத்தி வருகின்றனர்.
பெரும் சேதம் தவிர்க்கப்பட்டது.
மதுரை காமராஜபுரம் பிரதான சாலையில் அமைந்துள்ள வணிகவளாகத்தில் உள்ள கார்ஷோருமில் ஏற்பட்ட தீ விபத்தால் அப்பகுதியில் சிறிது நேரம் பரபரப்பு ஏற்பட்டது. இந்த விபத்தில் ஷோபாக்கள், டிவி, ஷோரூம் மேற்கூரை ஆகியவை தீயில் எரிந்து கருகியது. நல்வாய்ப்பாக தீ பரவியது உடனடியாக அணைக்கப்பட்டதால் பெரும் சேதம் தவிர்க்கப்பட்டது.
தலைப்பு செய்திகள்
ட்ரெண்டிங் செய்திகள்
