திருமணத்திற்கு வந்தவருக்கு அடித்த ஜாக்பாட் - இன்ப அதிர்ச்சி கொடுத்த மணமக்கள்..!

மதுரையில் திருமணத்திற்கு வந்தவருக்கு 70 ஆயிரம் மதிப்புள்ள இருச்சக்கர வாகனத்தை பரிசாக அளித்து இன்ப அதிர்ச்சி கொடுத்த மணமக்கள்.

திருமணத்திற்கு பரிசு

விக்னேஷ்சிவன் – நயன்தாரா காதல் திருமணம் இன்று மகாபலிபுரத்தில் நடைபெற்றது. இன்று முழுக்க இது தான் ஹாட் டாப்பிக். இந்திய திரையுலகின் பிரபல நடிகையும், லேடி சூப்பர் ஸ்டாருமான நயன்தாரா. இவர் நீண்ட நாட்களாக விக்னேஷ்சிவனை காதலித்து வந்தார். இந்த நிலையில், விக்னேஷ்சிவன் – நயன்தாரா மிக பிரம்மாண்டமாக நடைபெற்றது. இந்த திருமணத்தில் திரைப்பிரபலங்கள், அரசியல் பிரபலங்கள் உள்பட பலரும் கலந்துகொண்டனர். இப்படி வெட்டிங் ஒருபக்கம் இருக்க,  மதுரையில் திருமணத்திற்கு வந்தவருக்கு 70 ஆயிரம் மதிப்புள்ள இருச்சக்கர வாகனத்தை பரிசாக அளித்து இன்ப அதிர்ச்சி கொடுத்துள்ளனர் மணமக்கள்.

மதுரை எல்லீஸ் நகர் பகுதியில் அமைந்துள்ள தனியார் திருமணம் மண்டபத்தில் நடைபெற்ற திருமண விழாவில் மணமக்கள் வாசுதேவன் - ஜோதி பிரியா இருவருக்கும் திருமணம்  நடைபெற்றது. இந்த திருமணத்திற்கு ஏராளமான உறவினர்கள் வருகை தந்து மணமக்களை வாழ்த்தினர்.

#மதுரை எல்லீஸ் நகர் பகுதியில் அமைந்துள்ள திருமண மண்டபத்தில் வாசுதேவன் - ஜோதி பிரியா என்ற தம்பதிக்கு திருமணம் நடைபெற்றது. திருமணத்திற்கு வந்தவருக்கு 70 ஆயிரம் மதிப்புள்ள இருச்சக்கர வாகனத்தை பரிசாக அளித்து இன்ப அதிர்ச்சி கொடுத்த மணமக்கள். Further reports to follow - @abpnadu |.. pic.twitter.com/geleNjxttJ

— Arunchinna (@iamarunchinna) June 9, 2022

இருவீட்டாரின் சார்பிலும் திருமணத்திற்கு வருகை தந்த உறவினர் ஒருவருக்கு குலுக்கல் முறையில் 70 ஆயிரம் ரூபாய் மதிப்புள்ள ஸ்கூட்டி என்னும் இரண்டு சக்கர வாகனம் வழங்கப்படும் என இன்ப அதிர்ச்சி தரும் விதத்தில் தெரிவித்திருந்தனர்.

இதனடிப்படையில் திருமண வீட்டிற்கு வருகை தந்த அனைவரும் தங்களது பெயர்களை எழுதி டோக்கன் கொடுத்தனர். பின்பு மணமக்கள் முன்னிலையில் டோக்கன்கள் குலுக்கப்பட்டது திருமணத்திற்கு வந்த கே.கே.நகர் பகுதியைச் சேர்ந்த அக்கிம் என்பவருக்கு இரண்டு சக்கர வாகனம் பரிசாக வழங்கப்பட்டது.

கொரோனா தாக்கத்தின் போது பலரும் திருமணம் உள்ளிட்ட சுப நிகழ்ச்சிகளை எளிமையாக நடத்தி வந்தனர். இந்நிலையில் கொரோனா தளர்வுக்கு பின் மீண்டும் பிரமாண்ட கல்யாணங்கள் நடைபெற்று வருகிறது. இந்நிலையில்  திருமணத்திற்கு வந்தவருக்கு 70 ஆயிரம் மதிப்புள்ள இருச்சக்கர வாகனத்தை பரிசாக அளித்து இன்ப அதிர்ச்சி கொடுத்தது. திருமணத்தில் பெரும் மகிழ்ச்சியை ஏற்படுத்தியது. திருமணத்தில் பரிசு பெற்ற அக்கிம் என்பவர் தனது மகிழ்ச்சியை வெளிப்படுத்தினார்.

 

இதைப் படிக்க மிஸ் பண்ணாதீங்க பாஸ் - Madurai: நீங்கல்லாம் தளபதியை பற்றி பேசலாமா? மதுரை ஆதீனத்தை கண்டித்து விஜய் ரசிகர்கள் போஸ்டர்!