![ABP Premium](https://cdn.abplive.com/imagebank/Premium-ad-Icon.png)
வேட்புமனு தள்ளுபடி செய்யப்பட்டதை ரத்து செய்யக்கோரிய வழக்கு நீதிமன்றத்தில் தள்ளுபடி
அரசியலமைப்புச்சட்டப்பிரிவு 226ன் கீழ் உள்ள அதிகாரங்களை தேர்தல் நேரத்தில் முழுமையாக பயன்படுத்தலாம் என்றாலும் அந்த அதிகாரத்தை பயன்படுத்தி என்னென்ன செய்யக்கூடாது என்பதும் நன்கு வரையறுக்கப்பட்டுள்ளது
![வேட்புமனு தள்ளுபடி செய்யப்பட்டதை ரத்து செய்யக்கோரிய வழக்கு நீதிமன்றத்தில் தள்ளுபடி local body election nomination case and Tamilnadu gold loan case dismissed வேட்புமனு தள்ளுபடி செய்யப்பட்டதை ரத்து செய்யக்கோரிய வழக்கு நீதிமன்றத்தில் தள்ளுபடி](https://feeds.abplive.com/onecms/images/uploaded-images/2021/06/17/455712fc8d20a7ee0c32174a499f7565_original.jpg?impolicy=abp_cdn&imwidth=1200&height=675)
விவசாய நகைக்கடன் தள்ளுபடி தொடர்பான தமிழக அரசின் அரசாணையை ரத்து செய்யக்கோரிய வழக்கு தள்ளுபடி
தூத்துக்குடி மாவட்டம் திருச்செந்தூரை சேர்ந்த லிங்கராஜ் உயர்நீதிமன்ற மதுரைக் கிளையில் பொதுநல வழக்கினைத் தாக்கல் செய்திருந்தார். அதில், "2021 சட்டமன்றத் தேர்தலின்போது திமுகவின் தேர்தல் அறிக்கையில் 5 சவரன் விவசாய நகை கடன் தள்ளுபடி செய்யப்படும் என தெரிவிக்கப்பட்டிருந்தது. அதனடிப்படையில் கடந்த 2021 நவம்பர் 1ஆம் தேதி 5 சவரன் விவசாய நகை கடன் தள்ளுபடி தொடர்பான அரசாணையும் வெளியிடப்பட்டது.
இது அரசுக்கு கூடுதல் சுமையாகவே அமையும். கூட்டுறவு வங்கிகளில் நகையை அடகு வைத்தவர்களுக்கு மட்டுமே நகைக்கடன் தள்ளுபடி செய்யப்படும் என அறிவிக்கப்பட்டுள்ள நிலையில், தமிழகத்தின் அனைத்து ஊர்களிலும் கூட்டுறவு வங்கி இல்லாததால், பலர் பொதுத்துறை வங்கிகளிலேயே நகையை அடகு வைத்துள்ளனர். அதோடு, வட்டியை முறையாக கட்டாதவர்களுக்கே இந்த தள்ளுபடி பொருந்தும் எனவும் தெரிவிக்கப்பட்டுள்ளது.
கூட்டுறவுத்துறை முறைகேடுகள் தொடர்பாக ஏராளமான புகார்களும் உள்ளன. ஆகவே, 5 சவரன் விவசாய நகைக்கடன் தள்ளுபடி தொடர்பான தமிழக அரசின் அரசாணையை செயல்படுத்த இடைக்கால தடை விதிப்பதோடு, இதனை ரத்து செய்து உத்தரவிட வேண்டும்" என கூறியிருந்தார். இந்த வழக்கை விசாரித்த நீதிபதிகள் பரேஷ் உபாத்யாய், கிருஷ்ணன் ராமசாமி அமர்வு, இந்த விவகாரத்தில் நீதிமன்றம் தலையிட இயலாது எனக்கூறி வழக்கை தள்ளுபடி செய்து உத்தரவிட்டனர்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)