எடப்பாடி பழனிசாமி தூண்டுதல் போரில் தன் மீது தாக்குதல் நடத்தியதாக ராஜேஸ்வரன் புகார்

அதிமுக தொண்டர்கள் இந்த தகவல் தெரிந்து முன்னாள் அமைச்சர்கள் செல்லூர் ராஜு, உதயகுமார் உள்ளிட்டோர் முன்னிலையில் அமமுக கட்சியைச் சேர்ந்த நபரை சரமாரியாக தாக்கத் தொடங்கினர்.

ராஜேஸ்வரன்

தமிழ்நாட்டின் முன்னாள் முதலமைச்சரும், அ.தி.மு.க. இடைக்கால பொதுச்செயலாளருமானவர் எடப்பாடி பழனிசாமி மதுரை, சிவகங்கையில் நடைபெறும் பல்வேறு நிகழ்ச்சிகளில் பங்கேற்பதற்காக இன்று காலை மதுரை வந்தார். எடப்பாடி பழனிச்சாமி சென்னையிலிருந்து விமானம் மூலம் காலை 11 மணியளவில் மதுரை வந்தடைந்தார்.

 

மதுரை விமான நிலையத்தில் எடப்பாடி பழனிச்சாமியை அவதூறாக பேசிய அமமுக கட்சி சேர்ந்த நபர்; முன்னாள் அமைச்சர்கள் முன்னிலையில் அமமுக நபரை தாக்கிய அதிமுகவினர்- அதிமுகவினரிடமிருந்து புகார் வரும் பட்சத்தில் விசாரணைக்கு வர வேண்டும் என எழுதி வாங்கிய அனுப்பி வைத்த அவனியாபுரம் போலீசார்..! pic.twitter.com/AKSTVmmqas

— arunchinna (@arunreporter92) March 11, 2023

பேருந்தில் பயணித்த பயணி:

எடப்பாடி பழனிசாமி வந்த விமானத்தில் ஏராளமான பயணிகள் அவருடன் பயணித்தனர். விமானம் மதுரை விமான நிலையத்தில் தரையிறங்கிய பிறகு, எடப்பாடி பழனிசாமி உள்பட பலரும் டாக்ஸிங் பேருந்து எனப்படும் விமானத்தில் இருந்து விமான நிலையத்திற்கு அழைத்துச் செல்லும் பேருந்தில் சென்று கொண்டிருந்தனர்.

துரோகத்தின் அடையாளம்:

அப்போது, அவருடன் பயணித்த பயணி ஒருவர் தன்னுடைய செல்போன் மூலமாக ஃபேஸ்புக்கில் லைவ் சென்றார். அப்போது, அவர் தன்னுடைய லைவ்-வில் பேசியதாவது,” இப்போது நம்முடன் நமது எதிர்க்கட்சித் தலைவர் அண்ணன் துரோகத்தின் அடையாளம் எடப்பாடியாருடன் பயணித்துக் கொண்டிருக்கிறேன். அண்ணன் எடப்பாடியார், துரோகத்தின் அடையாளம், சின்னம்மாவிற்கு துரோகம் செய்தவர், 10.5 சதவீதத்தை தென்நாட்டு மக்களுக்கு எதிராக வாக்களித்தவர்” என்று பேசினார்.

அப்போது, எடப்பாடி பழனிசாமியுடன் பாதுகாப்பிற்கு வந்த போலீஸ் அந்த நபரிடம் இருந்து செல்போனை பறித்தார். இதனால், அந்த பேருந்தில் பெரும் பரபரப்பு ஏற்பட்டது. பின்னர், அவரிடம் நடத்தப்பட்ட விசாரணையில் அவர் சிங்கப்பூரிலிருந்து சென்னை வழியாக. மதுரை விமான நிலையத்திற்கு வந்தவர் என்றும், சிவகங்கை மாவட்டம் சிங்கம்புணரி அருகே உள்ள வையாபுரிபட்டியைச் சேர்ந்த யோகேஸ்வரன் மகன் ராஜேஸ்வரன் என்பதும் தெரியவந்தது.

 

 

 மதுரை விமான நிலைய வளாகத்தில் எடப்பாடி பழனிசாமி வரவேற்பதற்காக கூடியிருந்த அதிமுக தொண்டர்கள் இந்த தகவல் தெரிந்து முன்னாள் அமைச்சர்கள் செல்லூர் ராஜு, உதயகுமார் உள்ளிட்டோர் முன்னிலையில் அமமுக கட்சியைச் சேர்ந்த நபரை சரமாரியாக தாக்கத் தொடங்கினர். இந்த நிலையில் விமான நிலைய பாதுகாப்பு போலீசார் அவரை அழைத்துச் சென்று விசாரணை மேற்கொண்டனர். இந்த நிலையில் விமான நிலைய பாதுகாப்பு போலீசார் புகார்கள் எதுவும் வராத நிலையில் அவரை விசாரணை மேற்கொண்டு வந்தனர். இந்த தகவல் அறிந்து மதுரை விமானத்தில் கூடிய அமமுகவினர் விடுதலை செய்யுமாறு போலீசாரிடம் வாக்குவாது ஈடுபட்டனர்.

 

இந்த நிலையில்,  மதியம் 4 மணி ஆகியும்  ராஜேஸ்வரனிடம் மீது புகார் கொடுக்கப்பட்டால் விசாரணைக்கு வர வேண்டும் என எழுதி வாங்கிக்கொண்டு விமான நிலையத்தில் அவனியாபுரம் போலீசார் அவரை விடுவித்தனர். அவருக்கு அமமுக தொண்டர்கள் சால்வை அணிவித்து வாழ்த்து தெரிவித்தனர். ராஜேஸ்வரன் அம்மா மக்கள் முன்னேற்ற கழகம் வெளிநாடு வாழ் நலப்பிரிவு மாவட்ட செயலாளர் என்பது குறிப்பிடத்தக்கது.

 

மேலும் ராஜேஸ்வரன் அவனியாபுரம் காவல் நிலையத்தில் எடப்பாடி பழனிசாமி மற்றும் அவரது பாதுகாவலர் கிருஷ்ணன், மற்றும் அடையாளம் தெரிந்த பெயர் தெரியாத ஐவர் உட்பட ஏழு பேர் மீது புகார் அளித்தார் போலீசார் விசாரிப்பதாக உறுதி அளித்த என் பேரில் ராஜேஸ்வரன் அங்கிருந்து புறப்பட்டு சென்றார். ராஜேஸ்வரனுக்கு துணையாக அமமுக அம்மா பேரவை மாநில  செயலாளர் டேவிட் அண்ணாத்துரை மற்றும்  அமமுக .நிர்வாகிகள் அவனியாபுரம் காவல் நிலையத்தில் புகார் அளித்தனர்.

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண