தனக்கு முதல் பரிசு அறிவிக்க வேண்டும்; அலங்காநல்லூர் ஜல்லிக்கட்டில் 2வது இடம் பிடித்த அபி சித்தர் வழக்கு

அலங்காநல்லூர் ஜல்லிக்கட்டு விழா கமிட்டி தரப்பில் பதில் மனு தாக்கல் செய்ய உயர் நீதிமன்ற மதுரை கிளை உத்தரவு.

உயர்நீதிமன்ற மதுரைக் கிளை

அலங்காநல்லூர் ஜல்லிக்கட்டில் இரண்டாம் இடம் பிடித்த அபி சித்தர் தனக்கு முதல் பரிசு அறிவிக்க உத்தரவிட கோரி மனு தாக்கல்.

 

தன்னைவிட ஒரு காளை  குறைவாக அடக்கிய வீரர் கார்த்திக்கை முதல் பரிசு பெற்றதாக அறிவித்தது செல்லாது என்பது அபி சித்தர் குற்றச்சாட்டு.

 

மதுரை ஜல்லிக்கட்டு

தமிழர் திருநாளாக தை மாதம் முதல் நாள் பொங்கல் பண்டிகை உலகெங்கும் வாழும் தமிழர்களால் கொண்டாடப்படுகிறது. பொங்கல் பண்டிகை என்றாலே கரும்புகள், சொந்த ஊர் திரும்பும் மக்கள், கோயிலில் குவியும் மக்கள் ஆகியோருக்கு நிகராக மக்கள் நினைவுக்கு வருவது ஜல்லிக்கட்டு. ஜல்லிக்கட்டு போட்டி என்றாலே அனைவருக்கும் நினைவுக்கு வருவது மதுரை மாவட்டத்தில் நடைபெறும் ஜல்லிக்கட்டு போட்டிகளே. மதுரையில் நடைபெறும் அவனியாபுரம், பாலமேடு, அலங்காநல்லூர் ஜல்லிக்கட்டு போட்டிகள் உலகப் புகழ் பெற்றது ஆகும். இங்கு நடைபெறும் போட்டிகளை காண தென் தமிழகத்தின் பல்வேறு மாவட்டங்களில் இருந்து மக்கள் திரளாக படையெடுத்து செல்வார்கள். இந்நிலையில் இந்தாண்டு கூடுதல் விருந்தாக கீழக்கரை பிரமாண்ட மைதானத்திலும் ஜல்லிக்கட்டு போட்டி நடைபெற்று முடிந்தது. இந்த சூழலில் அலங்காநல்லூர் ஜல்லிக்கட்டில் இரண்டாம் இடம் பிடித்த அபி சித்தர் தனக்கு முதல் பரிசு அறிவிக்க உத்தரவிட கோரி மனு தாக்கல் செய்துள்ளார். 

அபிசித்தர் தனது மனுவில் 

 

சிவகங்கை மாவட்டம்  பூவந்தியை சேர்ந்த மாடுபிடிவீரர் அபி சித்தர் உயர்நீதிமன்ற மதுரைக்கிளையில் தாக்கல் செய்த மனு..,” பொங்கல் பண்டிகையையொட்டி உலகப்புகழ்பெற்ற அலங்காநல்லூர் ஜல்லிக்கட்டு போட்டி ஜனவரி 17ம் தேதி நடைபெற்றது. ஜல்லிக்கட்டு போட்டியில் முறையாக ஆன்லைனில் பதிவு செய்து, உடல் தகுதி சோதனையில் கலந்து கொண்டு 2வது சுற்றில் மாடுபிடி வீரராக கலந்து கொண்டேன். 3வது சுற்று வரை 11 காளைகளை அடக்கி விழாக்கமிட்டியால் இறுதிச்சுற்றில் விளையாட வைப்பதாக கூறி வெளியேற்றப்பட்டேன். பின்பு கடைசி சுற்றில் 7 மாடுகளை பிடித்தேன். மொத்தமாக 18 காளைகளை அடக்கினேன். 

 

 

விழா கமிட்டினர் பதில் மனு

 

ஆனால் விழா கமிட்டி கருப்பாயூரணியை சேர்ந்த மாடுபிடி வீரரான கார்த்திக் 18 காளைகளை அடக்கியதாக கூறி முதல் பரிசை அவருக்கு அறிவித்தனர். இதுகுறித்து விழா கமிட்டியரிடம் முறையிட்டும் எனக்கு தகுந்த நீதி கிடைக்கவில்லை. என்னை விட கார்த்திக் என்பவர் 1 காளை குறைவாகவே பிடித்தார். நான் 18 காளைகளை அடக்கியதற்கான வீடியோ ஆராரங்கள் தன்னிடம் உள்ளது. ஜல்லிக்கட்டு போட்டியில் பரிசு அறிவிப்பில் குழப்பம் மற்றும் சில காரணங்களுக்காக கார்த்திக் முதல்பரிசு பெற்றவராக அறிவிக்கப்பட்டுள்ளார்.  எனவே அதிக காளைகளை அடக்கிய என்னை முதல்பரிசு பெற்ற வீரராக அறிவிக்க வேண்டும் என மனு செய்திருந்தார். இந்த மனு நீதிபதிகள் கிருஷ்ணகுமார் மற்றும் விஜயகுமார் ஆகியோர் அடங்கிய அமர்வில் விசாரணைக்கு வந்தது. விசாரணை செய்த நீதிபதிகள் மனு குறித்து அலங்காநல்லூர் ஜல்லிக்கட்டு விழா கமிட்டினர் பதில் மனு தாக்கல் செய்ய உத்தரவிட்டு வழக்கு விசாரணை ஒத்தி வைத்தனர்.

 

 

மேலும் செய்திகள் படிக்க - உசிலம்பட்டி அருகே பழமை வாய்ந்த ஜமீன் ஜல்லிக்கட்டு போட்டிக்கான மூகூர்த்த கால் நடும் விழா