UP government on Women Teachers: 3 நாள்கள் 'பீரியட் லீவ்' கேட்கும் பெண் ஆசிரியர்கள்!

மாதவிடாய் நின்ற பெண்கள், வலி மற்றும் ரத்தப்போக்கு ஆகியவற்றை அனுபவிக்கிறார்கள். இவை இரண்டும் அவர்களின் மன மற்றும் உடல் நிலையை பாதிக்கின்றன.

மாதிரிப்படம்

உத்தரபிரதேச பெண் ஆசிரியர்கள் ஒவ்வொரு மாதமும் மூன்று நாட்கள் மாதவிடாய் விடுப்பு என்று கோரிக்கை விடுத்துள்ளனர். பீகார் போன்ற மாநிலங்களில் பெண் ஆசிரியர்களுக்கு கிடைக்கும் வசதியை அவர்கள் மேற்கோள் காட்டியுள்ளனர்.

இதுதொடர்பாக, உத்தரப்பிரதேச மகளிர் ஆசிரியர் சங்கம், உ.பி. மகளிர் ஆணையத்தின் உறுப்பினர் அனாமிகா சவுத்ரியிடம் தங்கள் கோரிக்கையை சமர்ப்பித்துள்ளது. மேலும், துணை முதல்வர் கேசவ் பிரசாத் மரியாவையும் அணுக திட்டமிட்டுள்ளது. அவர்களின் கோரிக்கையை முதலமைச்சர் யோகி ஆதித்யநாத்திடம் கொண்டு செல்வதாக அனாமிகா சவுத்ரி உறுதியளித்துள்ளார்.

மாதவிடாய் நின்ற பெண்கள், வலி மற்றும் இரத்தப்போக்கு ஆகியவற்றை அனுபவிக்கிறார்கள் என்ற உண்மையை அடிக்கோடிட்டுக் காட்டிய பெண் ஆசிரியர்கள்,  இவை இரண்டும் அவர்களின் மன மற்றும் உடல் நிலையை பாதிக்கின்றன என்றும் கூறினார்கள்.

இதுக்குறித்து சங்கத்தின் பிரயாகராஜ் பிரிவின் மூத்த துணைத் தலைவர் பூனம் குப்தா கூறுகையில், பீகார் அரசு இந்த விடுப்பை பெண் ஊழியர்களுக்கு கடந்த 30 ஆண்டுகளாக நீட்டித்து வருவதாக தெரிவித்தார்.

உ.பி. அரசும், பெண் ஆசிரியர்கள் மற்றும் ஊழியர்களுக்கு மாதத்திற்கு கொடுக்கும் விடுப்புடன் சேர்த்து மூன்று நாட்கள் விடுப்பை நீட்டிக்க வேண்டும் என்று நாங்கள் விரும்புகிறோம் என்று அவர் கூறினார்.

மேலும், “உ.பி. அரசு பெண் ஆசிரியர்கள் மற்றும் ஊழியர்களுக்காக மாதத்திற்கு மூன்று நாட்கள் கால அவகாசத்தை நீட்டிக்க வேண்டும் என்று நாங்கள் விரும்புகிறோம். அனைத்து பிரிவுகளும் தங்கள் மாவட்டங்களில் தேர்ந்தெடுக்கப்பட்ட எம்.எல்.ஏ.க்கள் மற்றும் அமைச்சர்களுக்கு இதுதொடர்பாக மனுக்களை சமர்ப்பிக்கின்றன. அசாம்கர், பரேலி அல்லது லக்னோவாக இருந்தாலும், ஒவ்வொரு எம்.எல்.ஏ மற்றும் அமைச்சருக்கும் எங்கள் கோரிக்கைகள் குறித்து தெரியப்படுத்துவதே திட்டமாகும். துணை முதல்வர் கேசவ் பிரசாத் மவுரியாவிடமும் மனுவை அளிக்க திட்டமிட்டுள்ளோம்.

இந்திய உணவு விநியோக சேவையான ஜொமாடோ பெண் ஊழியர்களுக்கு ஆண்டுக்கு 10 நாட்கள் 'பீரியட் லீவ்' வழங்க முடிவு செய்துள்ளது என்பது குறிப்பிடத்தக்கது. பல தனியார் நிறுவனங்கள் பெண் தொழிலாளர்களுக்கு இந்தியாவில் கூட 'பீரியட் லீவ்' கொடுக்கின்றன. இந்த விடுப்பை பெரும்பாலான இடங்களில் யாரும் தவறாக பயன்படுத்துவதில்லை. இன்று, பெண் ஆசிரியர்கள் தங்கள் மாதவிடாய் சுழற்சியின் மிகவும் வேதனையான நாளில் வேலைக்கு வர வேண்டியிருக்கிறது. இந்த விடுப்பால்  வலியையும் அசகெளரியத்தையும் அகற்ற முடியாது. ஆனால் அது அவர்களுக்கு மிகவும் சங்கடமான நாட்களில் ஒரு இடைவெளி கொடுக்கக்கூடும்” என்று பூனம் குப்தா கூறினார்.