Morning Headlines: மீண்டும் ரோடு ஷோ நடத்தும் பிரதமர் மோடி.. தமிழ்நாட்டில் மழை.. இன்றைய முக்கிய செய்திகள்!

Morning Headlines May 8: இந்தியாவில் இதுவரை நடந்த முக்கிய நிகழ்வுகளை இங்கே காணலாம்.

இன்றைய முக்கியச் செய்திகள்

• உலகம் முழுவதும் கோவிஷீல்ட் தடுப்பூசியை திரும்பப் பெற அஸ்ட்ராஜெனிகா திட்டம் 

கொரோனாவுக்கான கோவிஷீல்ட் தடுப்பூசி போட்டுக் கொண்டவர்களுக்கு பக்க விளைவுகள் ஏற்பட வாய்ப்புள்ளதாக அஸ்ட்ராஜெனிகா நிறுவனம் சமீபத்தில் தெரிவித்திருந்தது. இது பொதுமக்களிடையே பெரும் பீதியை உண்டாக்கிய நிலையில் வணிக காரணங்களுக்காக கோவிஷீல்ட் தடுப்பூசியை திரும்ப பெறுவதாக அந்நிறுவனம் அறிவித்துள்ளது. இதுதொடர்பாக தொடரப்பட்ட வழக்கை உச்சநீதிமன்றம் விரைவில் விசாரிக்க உள்ளது குறிப்பிடத்தக்கது. மேலும் படிக்க

• தமிழ்நாட்டின் பல்வேறு இடங்களில் கோடை மழை - பொதுமக்கள் மகிழ்ச்சி 

தமிழ்நாட்டில் கத்திரி வெயில் அதன் கோரமுகத்தை காட்டி வரும் நிலையில் சென்னை உட்பட பல்வேறு மாவட்டங்களில் சில இடங்களில் கோடை மழை பெய்ததால் மக்கள் மகிழ்ச்சியடைந்தனர். சென்னையில் இன்று அதிகாலை 4.30 மணியளவில் நல்ல மழை பெய்தது. இதனால் வெப்பம் நீங்கி குளிர்ச்சியான சூழல் நிலவி வருகிறது. இதனிடையே சென்னை வானிலை ஆய்வு மையம் இன்று முதல் தமிழ்நாட்டில் படிப்படியான வெப்பநிலை குறையும் என தெரிவித்துள்ளது. மேலும் படிக்க

• ஐபிஎல் தொடர்: இன்றைய ஆட்டத்தில் ஹைதராபாத் - லக்னோ அணிகள் மோதல் 

ஐபிஎல் தொடரில் இன்று நடக்கும் ஆட்டத்தில் சன் ரைசர்ஸ் ஹைதராபாத், லக்னோ சூப்பர் ஜெயன்ட்ஸ் அணிகள் மோதுகின்றது. இப்போட்டி இரு அணிகளுக்கும் பிளே ஆஃப் வாய்ப்பை தக்க வைக்க வேண்டிய மிக முக்கியமான போட்டியாகும். ஹைதராபாத்தில் உள்ள ராஜீவ் காந்தி மைதானத்தில் இரவு 7.30 மணிக்கு இந்த போட்டியானது நடைபெறுகிறது. இப்போட்டியை ஸ்டார் ஸ்போர்ட்ஸ் சேனலிலும், ஒடிடி தளமான ஜியோ சினிமா செயலியிலும் ரசிகர்கள் கண்டுகளிக்கலாம்.

• 4 ஆம் கட்ட வாக்குப்பதிவு - தீவிர பிரச்சார மோடில் பிரதமர் மோடி

நாடாளுமன்ற தேர்தலின் 4 ஆம் கட்ட வாக்குப்பதிவு மே 13 ஆம் தேதி நடக்கவுள்ள நிலையில் பிரதமர் நரேந்திர மோடி ஆந்திராவின் அன்னமய்யா மாவட்டத்தில் இன்று தேர்தல் பரப்புரையில் ஈடுபடுகிறார். இதனைத் தொடர்ந்து விஜயவாடாவில் ரோடு ஷோ நடத்தவுள்ளார். இதனை முன்னிட்டு அப்பகுதிகளில் பலத்த பாதுகாப்பு ஏற்பாடுகள் செய்யப்பட்டுள்ளது.மேலும் படிக்க