5G : நாளை நாடு முழுவதும் 5ஜி சேவையைத் தொடங்கி வைக்கிறார் பிரதமர் மோடி!

கொரோனா பின்னடைவுக்குப் பிறகு இந்திய மொபைல் காங்கிரஸ் ஆனது ஒரு ஆன்-கிரவுண்ட் நிகழ்விற்குத் திரும்புகிறது, மேலும் காங்கிரஸின் இந்த ஆண்டின் தீம் 'புதிய டிஜிட்டல் யுனிவர்ஸ்'

5ஜி

பிரதமர் நரேந்திர மோடி நாளை, அக்டோபர் 1ம் தேதி, புதுதில்லியில் நடைபெறும் இந்திய மொபைல் காங்கிரஸின் ஆறாவது ஆண்டுக்கான நிகழ்வில்  இந்தியாவில் 5ஜியை அதிகாரப்பூர்வமாக அறிமுகப்படுத்துகிறார். பிரதமர் அலுவலக அறிவிப்பின்படி, பிரகதி மைதானத்தில் காலை 10 மணிக்கு பிரதமர் உரையாற்றுவார், இது காங்கிரஸின் நான்கு நாள் நிகழ்வையும் தொடங்கி வைக்கும் வகையில் இருக்கும். கொரோனா பின்னடைவுக்குப் பிறகு இந்திய மொபைல் காங்கிரஸ் ஆனது ஒரு ஆன்-கிரவுண்ட் நிகழ்விற்குத் திரும்புகிறது, மேலும் காங்கிரஸின் இந்த ஆண்டின் தீம் 'புதிய டிஜிட்டல் யுனிவர்ஸ்'. டிஜிட்டல் தொழில்நுட்பத்தின் விரைவான பொருந்திப் போதல் மற்றும் அதிவேகத் தொழில்நுட்பப் பரவலில் இருந்து உருவாகும் வாய்ப்புகளை விவாதிக்க மற்றும் வெளிப்படுத்த முன்னணி சிந்தனையாளர்கள், தொழில்முனைவோர், கண்டுபிடிப்பாளர்கள் மற்றும் அரசாங்க அதிகாரிகளை இது ஒன்றிணைக்கும்.

முன்னதாக, 5G அறிவிப்பின் போது மேடையில் பிரதமர் மோடியுடன் ரிலையன்ஸின் முகேஷ் அம்பானி, ஏர்டெல்லின் சுனில் மிட்டல் மற்றும் வோடபோன் இந்தியா தலைவர் ரவீந்தர் தக்கர் ஆகியோர் கலந்து கொள்வார்கள் என்று ஒரு அறிக்கை கூறுகிறது. அவர்கள் நாட்டில் 5G வெளியீட்டு தேதியை மற்றும் அதன் விலை விவரங்கள் , 5G திட்டங்கள் பற்றிய விவரங்கள் ஆகியவற்றைக் குறித்துப் பகிர்வார்கள் எனக் கூறப்படுகிறது.

தனது டிஜிட்டல் இந்தியா தொலைநோக்குப் பார்வையை மீண்டும் மீண்டும் வலியுறுத்தி வரும் பிரதமர் மோடி, இந்த ஆண்டு தனது சுதந்திரதின உரையின் போது 5ஜி பற்றி பேசினார். ஆகஸ்ட் 15 அன்று பேசுகையில், இணையம் தற்போதுள்ள 4G ஐ விட பத்து மடங்கு வேகத்தை வழங்கும் என்று கூறினார். இந்திய கிராமங்கள் ஆப்டிகல் ஃபைபருக்கான ஆக்சஸைப் பெறும், விரைவில் இணையம் நாட்டின் தொலைதூரப் பகுதிகளையும் அடையும்.

சமீபத்திய பிரதமர் அலுவலக வெளியீடு கூட, "5G தொழில்நுட்பம் தடையற்ற கவரேஜ், அதிக தரவு வீதம்,  தாமதமற்ற விநியோகம் மற்றும் மிகவும் நம்பகமான தகவல்தொடர்புகளை வழங்கும். இது ஆற்றல் திறன், ஸ்பெக்ட்ரம் செயல்திறன் மற்றும் நெட்வொர்க் செயல்திறனை அதிகரிக்கும்" எனக் குறிப்பிட்டிருந்தது.

இதற்கிடையில், இந்திய மொபைல் காங்கிரஸின் 2022 5G ஐச் சுற்றியுள்ள தலைப்புகளை உள்ளடக்கிய பல்வேறு பேனல்கள் மற்றும் ஸ்டால்களை கொண்டிருக்கும். Mobipro Innovation Pvt Ltd நிறுவனத்தின் கீழ் உள்ள இந்திய மொபைல் காங்கிரஸானது ஆசியாவிலேயே மிகப்பெரிய தொலைத்தொடர்பு, ஊடகம் மற்றும் தொழில்நுட்பக் குழுக்களின் ஒருங்கிணைவு ஆகும். இதை தொலைத்தொடர்புத் துறை (DoT) மற்றும் இந்தியாவின் செல்லுலார் ஆபரேட்டர்கள் சங்கம் (COAI) இணைந்து ஏற்பாடு செய்துள்ளது. முன்னதாக செப்டம்பரில், மின்னணு மற்றும் தகவல் தொழில்நுட்ப அமைச்சர் அஷ்வினி வைஷ்ணவ், இந்த மாதம் இந்தியாவில் 5G வெளிவரும் என்றும், இந்த ஆண்டு இறுதிக்குள் வேகமான இணைய சேவை பல இந்திய நகரங்கள் மற்றும் நகரங்களை சென்றடையும் என்றும் கூறினார். இந்த சேவைகள் அடுத்த ஆண்டு விரிவடையும். ரிலையன்ஸ் ஜியோ தனது 5ஜி சேவை தீபாவளிக்குள் குறைந்தது நான்கு நகரங்களில் வெளியாகும் என்றும் கூறியிருந்தது.