PM Modi: ஆதித்யா எல்.1 வெற்றி - இஸ்ரோ விஞ்ஞானிகளுக்கு பிரதமர் மோடி பாராட்டு
PM Modi: ஆதித்யா L1 விண்கலம் வெற்றிகரமாக விண்ணில் செலுத்தப்பட்டதற்கு பிரதமர் நரேந்திர மோடி இஸ்ரோ விஞ்ஞானிகளுக்கு வாழ்த்து தெரிவித்துள்ளார்.
சூரியன் குறித்து ஆய்வு செய்வதற்காக விண்ணில் செலுத்தப்பட்ட ஆதித்யா L1 விண்கலம் புவி வட்டப்பாதையில் வெற்றிகரமாக நிலை நிறுத்தப்பட்டதற்கு இஸ்ரோ விஞ்ஞானிகளை பிரதமர் நரேந்திர மோடி பாராட்டியுள்ளார்.
பிரதமர் மோடி வாழ்த்து
ஆதித்யா L-1 வெற்றிகரமாக விண்ணில் செலுத்தப்படது தொடர்பாக நரேந்திர மோடியின் பதிவில்” சந்திரயான் -3 யை தொடர்ந்து விண்வெளி ஆராய்ச்சியி இந்தியாவின் பயணம் வெற்றியுடன் தொடர்கிறது. சூரியனை ஆய்வு செய்வதில் இந்தியாவின் முதல் முயற்சியாக ஆதித்யா எல்.1 வெற்றிகரமாக விண்ணில் செலுத்தப்பட்டுள்ளது. இஸ்ரோ விஞ்ஞானிகளுக்கு என் பாரட்டுகள். இப்படியான தொடர் முயற்சிகள் மூலம் மானுடத்தின் வளர்ச்சிக்காக பிரபஞ்சம் குறித்த புரிதல்களுக்கு வழிவகுக்கும்.” என்று குறிப்பிட்டுள்ளார்.
சூரியனை ஆய்வு செய்யும் ஆதித்யா எல் 1 விண்கலம் ஆந்திரா மாநிலம் ஸ்ரீஹரிக்கோட்டாவில் இருந்து வெற்றிகரமாக விண்ணில் செலுத்தப்பட்டது. விண்கலம் மூன்றாம் நிலையை அடைந்துள்ள நிலையில், செய்லபாடுகள் திருப்திகரமாக உள்ளது என இஸ்ரோ விஞ்ஞானிகள் தெரிவித்துள்ளனர். சுமார் 2,298 கி.,மீ. உயரத்தில் இருந்து ஆதித்யா விண்கலம் தனித்து தனது பயணத்தை தொடங்கியுள்ளதாக இஸ்ரோ தலைவர் சோம்நாத் தெரிவித்துள்ளார்.
ஆதித்யா எல்.1 வெற்றி
சுமார் 125 நாட்கள் சூரியனை நோக்கி பயணித்து, பூமியிலிருந்து 15 லட்சம் கிலோ மீட்டர் தூரத்தில் நிலை நிறுத்தப்பட உள்ளது. அங்கிருந்து சூரியன் தொடர்பான பல்வேறு ஆய்வுகளை ஆதித்யா எல்.1 விண்கலம் செய்ய உள்ளது. 1,485 கிலோ எடை கொண்ட ஆதித்யா எல்1 விண்கலம் சூரியனின் வெப்பசூழல், கதிர்வீச்சு உள்ளிட்டவை குறித்து ஆய்வு மேற்கொள்ளும் என இஸ்ரோ தெரிவித்துள்ளது. ஜப்பான், அமெரிக்கா மற்றும் ஐரோப்பிய கூட்டமைப்பு நாடுகள் மட்டுமே இதுவரை சூரியனை ஆய்வு செய்ய விண்கலங்களை அனுப்பியுள்ளன. அந்த வரிசையில் தற்போது இந்தியாவும் இணைந்துள்ளது. அதோடு, நிலவு மற்றும் செவ்வாய் கிரகத்தை தொடர்ந்து சூரியனையும் ஆய்வு செய்த நாடாக இந்தியா உருவெடுத்துள்ளது.
ஆய்வுகள் என்ன?
பெங்களூவில் உள்ள ஐ.ஐ.எம். கல்வி நிறுவனம் வடிவமைத்த 7 ஆய்வுக்கருவிகள் பொருத்தப்பட்டு உள்ளன. இந்தக் கருவிகள் சூரியனின் வெப்பம், காந்த துகள்கள் வெளியேற்றம், விண்வெளியின் காலநிலை, விண்வெளியில் உள்ள துகள்கள் ஆகியவை குறித்து ஆய்வுசெய்ய உள்ளது.
தொழில்நுட்ப விவரங்கள்
சூரியனின் ஒளி மண்டலம், நிற மண்டலம், சூரியனின் வெளிப்புற அடுக்குகள், ஒளி வட்டம் ஆகியவற்றை பற்றி ஆய்வு செய்ய இதில் விஇஎல்சி (Visible Emission Line Coronagraph) என்ற தொலைநோக்கி, எஸ்யுஐடி ( Solar Ultraviolet Imaging Telescope) என்ற தொலைநோக்கி, ஏ ஸ்பெக்ஸ் (Aditya Solar wind Particle Experiment) என்ற சூரிய காற்றின் தன்மைகளை ஆய்வு செய்யும் கருவி, சூரிய சக்தியை ஆராயும் பிஏபிஏ ( Plasma Analyser Package for Aditya ), சூரியனின் எக்ஸ்ரே கதிர்கள் மற்றும் வெப்பத்தை கண்காணிக்கும் சோலெக்ஸ் ( Solar Low Energy X-ray Spectrometer), சூரியனின் வெளிப்புற அடுக்குகளில் ஏற்படும் டைனமிக் மாற்றங்களை ஆராயும் ஹெல் 10எஸ் ( High Energy L1 Orbiting X-ray Spectrometer), கிரகங்களுக்கு இடையேயான காந்த புலதன்மையை அளவிடும் மேக்னோ மீட்டர் என்ற ஆகிய கருவிகள் உள்ளன. இந்த வெற்றியை நாடே கொண்டாடி வருகிறது
தலைப்பு செய்திகள்
ட்ரெண்டிங் செய்திகள்
