மணிப்பூர்: திடீரென துப்பாக்கிச்சூடு நடத்திய சிஆர்பிஎஃப் வீரர்! 2 வீரர்கள் பலி - 8 பேர் காயம்: நடந்தது என்ன?
மணிப்பூர் முகாமில் சிஆர்பிஎஃப் வீரர் ஒருவர் துப்பாக்கிச் சூடு நடத்தி 2 பேரை கொன்றுவிட்டு தானும் தற்கொலை செய்து கொண்டார்.
மணிப்பூர் முகாமில் சிஆர்பிஎஃப் வீரர் ஒருவர் துப்பாக்கிச் சூடு நடத்தி 2 பேரை கொன்றுவிட்டு தானும் தற்கொலை செய்து கொண்டார்.
மணிப்பூரில் உள்ள ஒரு முகாமில் வியாழக்கிழமை ஒரு சிஆர்பிஎஃப் ஜவான் தனது சக ஊழியர்கள் இருவரைக் கொன்றதாகவும், எட்டு பேரைக் காயப்படுத்தியதாகவும் கூறப்படுகிறது. பின்னர் அவரும் தற்கொலை செய்து கொண்டார் என அதிகாரிகள் தெரிவிக்கின்றனர்.
இந்த சம்பவம் இரவு 8.20 மணியளவில் இம்பால் மேற்கு மாவட்டத்தில் அமைந்துள்ள லம்பேலில் உள்ள மத்திய ரிசர்வ் போலீஸ் படை (CRPF) முகாமில் நடந்துள்ளது.
குற்றம் சாட்டப்பட்ட ஹவில்தார் சஞ்சய் குமார் தனது துப்பாக்கியால் சுட்டதில் ஒரு கான்ஸ்டபிள் மற்றும் ஒரு சப்-இன்ஸ்பெக்டர் சம்பவ இடத்திலேயே கொல்லப்பட்டனர். பின்னர் அவர் தன்னைத்தானே சுட்டுக் கொண்டு இறந்துவிட்டதாக அறிவிக்கப்பட்டுள்ளது. குற்றம் சாட்டப்பட்டவர் படையின் 120வது பட்டாலியனைச் சேர்ந்தவர். துப்பாக்கிச் சூட்டில் எட்டு சிஆர்பிஎஃப் வீரர்கள் காயமடைந்துள்ளனர், மேலும் அவர்கள் இம்பாலில் உள்ள பிராந்திய மருத்துவமனையில் சிகிச்சைக்காக அனுமதிக்கப்பட்டுள்ளனர்.
சம்பவத்திற்கான காரணம் விசாரிக்கப்பட்டு வருகிறது, மேலும் படையிடமிருந்து உடனடியாக எந்த அதிகாரப்பூர்வ தகவலும் இல்லை.
Suicidal Trigger Warning..
வாழ்க்கையில் கவலைகளும், துன்பங்களும் வந்து கொண்டுதான் இருக்கும். அவைகளை தற்காலிகமாக்குவதும், நிரந்தரமாக்குவதும் நாம் கையாளும் விதத்தில் தான் உள்ளது. தற்கொலை என்பது எதற்கும் தீர்வு ஆகாது. வாழ்க்கைக்கான நோக்கத்தைப் பற்றிய தெளிவும் அதை அடைவதற்கான வழிகளையும் கண்டறிய துவங்கினால் வாழ்க்கை சுவாரஸ்யமானதாக இருக்கும். அப்படி தங்களுக்கு மன அழுத்தம் ஏற்பட்டாலோ தற்கொலை எண்ணம் உண்டானாலும் அதனை மாற்ற கீழ்காணும் எங்களுக்கு அழைக்கவும். மாநில உதவி மையம் : 104.
சினேகா தன்னார்வ தொண்டு நிறுவனம், எண்; 11, பார்க் வியூவ் சாலை, ஆர்.ஏ. புரம், சென்னை - 600 028.தொலைபேசி எண் - (+91 44 2464 0050, +91 44 2464 0060)
தலைப்பு செய்திகள்
ட்ரெண்டிங் செய்திகள்
