Breaking News Tamil LIVE: ராஜீவ்காந்தி படுகொலை வழக்கு : விடுதலை செய்யக்கோரி சாந்தன் ஆளுநருக்கு கடிதம்..
Breaking News Tamil LIVE Updates: தமிழ்நாடு உள்பட நாடு முழுவதும் நடைபெறும் பல்வேறு முக்கிய நிகழ்வுகளை கீழே உடனுக்குடன் ஏபிபி நாடு லைவ் ப்ளாக்கில் காணலாம்.
LIVE
Background
தமிழ்நாட்டு முதலமைச்சர் மு.க.ஸ்டாலின் இன்று சிவகங்கையில் பல்வேறு நலத்திட்ட பணிகளை தொடங்கி வைக்க உள்ளார். நேற்று மதுரையில் அவர் பல்வேறு நலதிட்ட பணிகள் தொடர்பாக ஆய்வு நடத்தினார். அத்துடன் மதுரையில் கட்டப்பட்டு வரும் நூலக பணிகளையும் அவர் ஆய்வு செய்தார்.
சிதம்பரம் நடராஜர் கோயில் விவகாரம்:
கடலூர் மாவட்டம் சிதம்பரத்தில் உள்ள நடராஜர் கோயிலின் வரவு - செலவு கணக்கு விவரங்களை ஆய்வு செய்ய வந்த அறநிலையத்துறை குழுவுக்கு தீட்சிதர்கள் எதிர்ப்பு தெரிவித்த நிலையில் அமைச்சர் சேகர் பாபு செய்தியாளர்களுக்கு அளித்த பேட்டியில், “சிதம்பரம் நடராஜர் கோயில் பொதுக்கோயில் என்று உயர்நீதிமன்றம் தெரிவித்துள்ளது. பொதுக்கோயிலில் புகார்கள் எழும்போது இந்து சமய அறநிலையத்துறை சட்டத்தின்படி கோயிலுக்கு சென்று விசாரிக்கலாம். மடியிலே கனமில்லை என்றால், வழியிலே பயமில்லை என்பார்கள். எந்தவிதமான பிரச்சினை இல்லை என்றால் ஆய்வு செய்ய வருபவர்களுக்கு ஒத்துழைப்புதான் மனுநீதி, மனுதர்மம் ஆகும். உரிய சட்டத்தின்படி வந்திருக்கும் புகார்களின் அடிப்படையில் அறநிலையத்துறையின் குழுவினர் ஆய்வுக்கு சென்றிருக்கிறார்கள். சட்டத்தை மீறி எந்தவிதமான செயலிலும் ஈடுபடமாட்டோம் என்று உறுதியளித்திருக்கிறோம்” என்று கூறினார்.
மேலும், சிதம்பரம் நடராஜர் கோயிலில் ஆய்வு செய்வது தொடர்பாக சட்ட ஆலோசனை செய்து நடவடிக்கை எடுக்கப்படும் என்றும், முதலமைச்சர் கவனத்துக்கு கொண்டு சென்று அடுத்தக்கட்ட நடவடிக்கை எடுக்கப்படும் என்றும், கோயிலில் சட்டப்படி உறுதியாக ஆய்வு நடத்தப்பட்டு, பக்தர்களின் புகார் தொடர்பாக நிச்சயம் விசாரணை மேற்கொள்ளப்படும்” எனவும் அமைச்சர் கூறினார்.
இதனிடையே, அறநிலையத்துறை கேள்விகளுக்கு சிதம்பரம் நடராஜர் கோயில் தீட்சிதர்கள் மாலை 4 மணிக்கு பதிலளிக்கின்றனர். காலையில் ஆய்வுக்கு ஒத்துழைப்பு தர மறுத்த நிலையில் மாலையில் வழக்கறிஞர் மூலம் பதில் அளிக்க இருக்கின்றனர்.
உதய சூரியன் சின்னத்தை முடக்க வேண்டும்... தேர்தல் ஆணையத்திற்கு சுப்பிரமணியன் சுவாமி கடிதம்
பிராமணர்களுக்கு எதிராக செயல்படுவதால், திமுக கட்சி அங்கீகாரத்தை ரத்து செய்து, உதய சூரியன் சின்னத்தை முடக்க வேண்டும்...
தேர்தல் ஆணையத்திற்கு சுப்பிரமணியன் சுவாமி கடிதம்
ராஜீவ்காந்தி படுகொலை வழக்கு : விடுதலை செய்யக்கோரி சாந்தன் ஆளுநருக்கு கடிதம்..
ராஜீவ்காந்தி படுகொலை வழக்கு : விடுதலை செய்யக்கோரி சாந்தன் ஆளுநருக்கு கடிதம்..
24 மணி நேரமும் கடைகளை திறந்து வைக்கலாம் - தமிழ்நாடு அரசு அரசாணை
தமிழ்நாட்டில் வணிக நிறுவனங்கள் 24 மணி நேரமும் திறந்து வைக்கலாம் என தமிழ்நாடு அரசு அரசாணை வெளியிட்டுள்ளது.
கிரிக்கெட்டில் இருந்து ஓய்வு பெறுவதாக மிதாலி ராஜ் அறிவிப்பு!
மகளிர் கிரிக்கெட் அணியின் கேப்டன் மிதாலி ராஜ் டெஸ்ட், டி20 உள்ளிட்ட அனைத்து வகை கிரிக்கெட் போட்டிகளில் இருந்தும் ஓய்வு பெறுவதாக அறிவிப்பு.
கோயிலுக்காக முறைகேடாக பண வசூலித்த வழக்கு - யூடியூபர் கார்த்திக் கோபிநாத்-க்கு ஜாமீன்
அறநிலையத்துறைக்கு சொந்தமான கோயில் பெரியரில் ரூ. 36 லட்சம் வசூலித்த வழக்கில் கைது செய்யப்பட்ட யூடியூபர் கார்த்திக் கோபிநாத்-க்கு பூந்தமல்லி நீதிமன்றம் ஜாமீன் வழங்கி உத்தரவிட்டுள்ளது.
தலைப்பு செய்திகள்
ட்ரெண்டிங் செய்திகள்
