Breaking LIVE: கள்ளக்குறிச்சி மாணவி மரண வழக்கு : வன்முறை குறித்து சிறப்பு புலனாய்வுக்குழு விசாரணை

Breaking Live :தமிழ்நாடு உள்பட இந்தியா முழுவதும் கடந்த 24 மணிநேரத்தில் நடைபெற்ற பல்வேறு முக்கிய நிகழ்வுகளை தலைப்புச்செய்திகளாக கீழே காணலாம்.

Background

சென்னையில் 61வது நாளாக பெட்ரோல், டீசல் விலையில் இன்றும் மாற்றமில்லாமல் விற்பனையாகிறது. 

சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தை கண்டு வருகிறது. கடந்த 2021 ஆம் ஆண்டு  நவம்பர் 4 ஆம் தேதி பெட்ரோல் விலை லிட்டருக்கு ரூ 5ம், டீசல் விலை ரூ 10ம் மத்திய அரசால் குறைக்கப்பட்டது. அன்றைய தினம் தமிழகத்தில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43 க்கும் விற்பனையானது. இதனைத் தொடர்ந்து 5 மாநில தேர்தல் நடைபெற்றதால் இதன் விலை உயர்த்தப்படாமல் இருந்தது.

கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில் உக்ரைன் போர் உள்ளிட்ட பல காரணங்களால் கச்சா எண்ணெய் விலை அதிகரித்ததால் 137 நாட்களுக்குப் பின் மார்ச் 22 ஆம் தேதி ஒரு லிட்டர் பெட்ரோல் விலை உயர்ந்து ரூ.110ஐ எட்டியது. இதனால் அத்தியாவசிய பொருட்களும் விலை உயர்ந்ததால் பொதுமக்கள் அதிர்ச்சியடைந்தனர். இதன் விலையை குறைக்க வேண்டும் என பலரும் கோரிக்கை விடுத்தனர்.

இதனிடையே மத்திய நிதியமைச்சர் நிர்மலா சீதாராமன் கடந்த மே 21 ஆம் தேதி பெட்ரோல் மற்றும் டீசலுக்கான கலால் வரியைக் குறைத்தார். இதன் காரணமாக பெட்ரோல் மற்றும் டீசல் விலையில் கடந்த மாதம் 22 ஆம் தேதி மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8ம், டீசல் விலை ரூபாய்க்கு 6ம் கலால் வரி குறைப்பால் இறக்கம் கண்டது. இந்நிலையில் மாற்றம் செய்யப்பட்ட பெட்ரோல், டீசல் விலை 60வது நாளாக விலை மாற்றமின்றி விற்பனை செய்யப்படுகிறது. 

 

அதன்படி இன்று ( ஜூலை 20) ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் மாற்றமில்லாமல் விற்பனையாகிறது. முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருள்களின் விலை ஏறியது. தற்போது பெட்ரோல் விலை குறைந்த நிலையில் ஏற்றிய விலையைக் குறைப்பார்களா என்று பொதுமக்கள் கேள்வி எழுப்பி வருகின்றனர். அதேசமயம் தொடர்ந்து 2 மாதங்களாக பெட்ரோல், டீசல் விலை எவ்வித மாற்றமில்லாமல் விற்பனையாகி வருவதால் வாகன ஓட்டிகள், பொதுமக்கள் மகிழ்ச்சியடைந்துள்ளனர் என்பது குறிப்பிடத்தக்கது. 

16:41 PM (IST)  •  21 Jul 2022

இலங்கையின் புதிய அதிபராக பதிவியேற்றார் ரணில் விக்கரமசிங்கே

134 எம்.பி.க்களின் ஆதரவுடன் இலங்கையின் புதிய அதிபராக ரணில் விக்கரமசிங்கே பதிவியேற்றார்

Sri Lanka swears in new president amid worst economic crisis in decades https://t.co/2kyg5UQqJI pic.twitter.com/t4vizD6Itv

— Reuters (@Reuters) July 21, 2022

15:55 PM (IST)  •  21 Jul 2022

வேதாந்தா விண்ணப்பத்தை பரிசீலிக்க உத்தரவு

ஸ்டெர்லைட் ஆலையின் கழிவுகளை அகற்ற அனுமதி கோரிய விண்ணப்பத்தை தமிழக சுற்றுச்சூழல் துறை செயலர் 3 மாதத்தில் பரிசீலித்து உரிய முடிவெடுக்க உத்தரவு.

15:50 PM (IST)  •  21 Jul 2022

செஸ் ஒலிம்பியாட் : மாமல்லபுரத்திற்கு இலவச பேருந்து

செஸ் ஒலிம்பியாட் தொடரையொட்டி தமிழ்நாடு சுற்றுலா வளர்ச்சிக் கழகம் சார்பில் 5 பேருந்துகள் இலவசமாக இயக்கப்பட உள்ளன

15:44 PM (IST)  •  21 Jul 2022

கள்ளக்குறிச்சி : சிறப்பு புலனாய்வு குழு விசாரணை

கள்ளக்குறிச்சி தனியார் பள்ளியில் காவல்துறை சிறப்பு புலனாய்வு குழு நேரில் விசாரணை. சேலம் டிஐஜி பிரவீன் குமார் அபிநபு தலைமையிலான காவல் அதிகாரிகள் ஆய்வு. பள்ளியில் ட்ரோன் கேமராவை பறக்கவிட்டு காட்சிகள் பதிவி செய்யப்படுகின்றன.

15:38 PM (IST)  •  21 Jul 2022

கள்ளக்குறிச்சி மாணவி மரண வழக்கு : வன்முறை குறித்து சிறப்பு புலனாய்வுக்குழு விசாரணை

கள்ளக்குறிச்சி மாணவி மரண வழக்கு : வன்முறை குறித்து சிறப்பு புலனாய்வுக்குழு விசாரணை