Breaking News LIVE: சமூகநீதி பற்றி எடப்பாடி பழனிசாமி பாடம் எடுக்க வேண்டாம்- டி.ஆர்.பாலு கண்டனம்

Breaking News LIVE: தமிழ்நாடு உள்பட இந்தியா முழுவதும் அடுத்தடுத்து நடக்கும் ப்ரேக்கிங் செய்திகளை உடனுக்குடன் தெரிந்துக்கொள்ள...

Background

சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தை கண்டு வருகிறது. கடந்த 2021 ஆம் ஆண்டு  நவம்பர் 4 ஆம் தேதி பெட்ரோல் விலை லிட்டருக்கு ரூ 5ம், டீசல் விலை ரூ 10ம் மத்திய அரசால் குறைக்கப்பட்டது. அன்றைய தினம் தமிழகத்தில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43 க்கும் விற்பனையானது. இதனைத் தொடர்ந்து 5 மாநில தேர்தல் நடைபெற்றதால் இதன் விலை உயர்த்தப்படாமல் இருந்தது.

கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில் உக்ரைன் போர் உள்ளிட்ட பல காரணங்களால் கச்சா எண்ணெய் விலை அதிகரித்ததால் 137 நாட்களுக்குப் பின் மார்ச் 22 ஆம் தேதி ஒரு லிட்டர் பெட்ரோல் விலை உயர்ந்து ரூ.110ஐ எட்டியது. இதனால் அத்தியாவசிய பொருட்களும் விலை உயர்ந்ததால் பொதுமக்கள் அதிர்ச்சியடைந்தனர். இதன் விலையை குறைக்க வேண்டும் என பலரும் கோரிக்கை விடுத்தனர்.

இதனிடையே மத்திய நிதியமைச்சர் நிர்மலா சீதாராமன் கடந்த மே 21 ஆம் தேதி பெட்ரோல் மற்றும் டீசலுக்கான கலால் வரியை குறைத்தார். இதன் காரணமாக பெட்ரோல் மற்றும் டீசல் விலையில் கடந்த மாதம் 22 ஆம் தேதி மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8ம், டீசல் விலை ரூபாய்க்கு 6ம் கலால் வரி குறைப்பால் இறக்கம் கண்டது. இந்நிலையில் மாற்றம் செய்யப்பட்ட பெட்ரோல், டீசல் விலை 41வது நாளாக விலை மாற்றமின்றி விற்பனை செய்யப்படுகிறது. 

இன்றைய பெட்ரோல் டீசல் விலை

அதன்படி இன்று ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் விற்பனையாகிறது.

முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருட்களின் விலை ஏறியது. தற்போது பெட்ரோல் விலை குறைந்த நிலையில் ஏற்றிய விலையை குறைப்பார்களா என்று பொதுமக்கள் கேள்வி எழுப்பி வருவது குறிப்பிடத்தக்கது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண

21:05 PM (IST)  •  02 Jul 2022

சமூகநீதி பற்றி எடப்பாடி பழனிசாமி பாடம் எடுக்க வேண்டாம்- டி.ஆர்.பாலு கண்டனம்

தனக்கே தெரியாத சமூகநீதி பற்றி, திமுக-வுக்கு எடப்பாடி பழனிசாமி பாடம் எடுக்க வேண்டாம் என டி.ஆர்.பாலு கண்டனம் தெரிவித்துள்ளார். அதிமுக உட்கட்சி சண்டையில், தனது பதவியை காப்பாற்ற பாஜகவை எடப்பாடி பழனிசாமி தூக்கி சுமக்கிறார் எனவும் டி.ஆர்.பாலு தெரிவித்துள்ளார். 

19:58 PM (IST)  •  02 Jul 2022

கர்நாடக காங்கிரஸ் தலைவர்களுடன் ராகுல் ஆலோசனை

காங்கிரஸ் மூத்த தலைவர் ராகுல் காந்தி, டி.கே.சிவக்குமார், சித்தராமையா உள்ளிட்ட மூத்த காங்கிரஸ் தலைவர்களுடன் ஆலோசனை நடத்தினார். கர்நாடகாவில் அடுத்த ஆண்டு நடைபெறும் தேர்தலில் கூட்டுத் தலைமையின் கீழ் தேர்தலை சந்திக்க காங்கிரஸ் முடிவு என தகவல் வெளியாகியுள்ளது. 

16:05 PM (IST)  •  02 Jul 2022

ஹைதராபாத் சென்றார் பிரதமர் நரேந்திர மோடி

பாஜக செயற்குழு கூட்டத்தில் பங்கேற்பதற்காக, பிரதமர் நரேந்திர மோடி, ஹைதராபாத் சென்றடைந்தார். விமான நிலையத்தில் பிரதமர் நரேந்திர மோடியை, ஆளுநர் தமிழிசை உள்ளிட்டோர் வரவேற்றனர்.

15:59 PM (IST)  •  02 Jul 2022

நுபுர் சர்மாவுக்கு எதிராக லுக் அவுட் நோட்டீஸ்

முகமது நபி குறித்து அவதூறாக கருத்து தெரிவித்த முன்னாள் பாஜக செய்தி தொடர்பாளர் நுபுர் சர்மாவுக்கு எதிராக, மேற்கு வங்கத்தில் லுக் அவுட் நோட்டீஸ் பிறப்பிக்கப்பட்டுள்ளது.

15:14 PM (IST)  •  02 Jul 2022

சரவணா ஸ்டோர்ஸ் பேலசிற்கு சொந்தமான ரூபாய் 234 கோடி சொத்துக்கள் முடக்கம் - அமலாக்கத்துறை

சரவணா ஸ்டோர்ஸ் கோல்டு பேலசிற்கு சொந்தமான ரூபாய் 234 கோடி சொத்துக்களை அமலாக்கத்துறை முடக்கியுள்ளது.