Coimbatore Power Shutdown: கோவை மக்கள் கவனத்திற்கு அடுத்த 2 நாட்களுக்கு ‘பவர் கட்’ - எங்கெல்லாம் தெரியுமா..?

Coimbatore Power Shutdown (04-09-2024): கோவை மாவட்டத்தில் பல்வேறு பகுதிகளில் நாளை (04.09.24) மின் பாதையில் பராமரிப்பு பணிகள் நடைபெற உள்ளதால், பல இடங்களில் காலை 9 மணி முதல் மாலை 5 மணி வரை மின்சாரம் தடை செய்யப்பட உள்ளது.

கோவை மின்தடை

Source : Pixabay

Coimbatore Power Cut: தமிழ்நாட்டில் மின்வாரியத்தின் சார்பில் மாதந்தோறும் ஒரு முறை பராமரிப்பு பணிகள் நடைபெறுவது வழக்கம். இதன் காரணமாக, மாதத்தில் ஒருநாள் மின்தடை செய்யப்படுவது வழக்கம். கோவை மாவட்டத்திலும் ஒவ்வொரு பகுதிகளிலும் மாதத்தில் ஒரு நாள் பராமரிப்பு பணிகளுக்காக மின் தடை செய்யப்பட்டு வருகிறது. கோவை மாவட்டத்தில் பல்வேறு பகுதிகளில் நாளை (04.09.24) மின் பாதையில் பராமரிப்பு பணிகள் நடைபெற உள்ளதால், பல இடங்களில் காலை 9 மணி முதல் மாலை 5 மணி வரை மின்சாரம் தடை செய்யப்படுகிறது என மின்சார வாரியம் அறிவித்துள்ளது. அதன்படி, நாளை (04.09.24) கோவை வடக்கு மின் பகிர்மான கழகத்திற்கு உட்பட்ட எல்லப்பாளையம் பகுதியில் மின் தடை செய்யப்படும் என தெரிவிக்கப்பட்டுள்ளது. இதேபோல கோவை தெற்கு மின் பகிர்மான கழகத்திற்கு உட்பட்ட நீலாம்பூர், முதலிபாளையம், பூரண்டாம்பாளையம் ஆகிய பகுதிகளில் மின்தடை செய்யப்பட உள்ளது.

நாளை மறுநாள் மின்தடை

நாளை மறுநாள் (05.09.24) அன்று செங்கத்துறை, கவுந்தம்பாடி, ஏரோ நகர், மதியழன் நகர் ஆகிய பகுதிகளில் மின் தடை செய்யப்படும் என தெரிவிக்கப்பட்டுள்ளது.. அதேபோல கோவை வடக்கு மின் பகிர்மான கழகத்திற்கு உட்பட்ட சரவணம்பட்டி பகுதியிலும், கோவை தெற்கு மின் பகிர்மான கழகத்திற்கு உட்பட்ட மதுக்கரை, அறிவொளி நகர், சீரப்பாளையம் பாலத்துறை, ஏ.ஜி.பதி ஆகிய பகுதிகளிலும் மின் தடை செய்யப்படும் என மின்சார வாரியம் தெரிவித்துள்ளது. இதற்கேற்ப பொதுமக்கள் தங்களின் பணிகளை திட்டமிட்டு கொள்ளுமாறு மின்சார வாரியம் அறிவுறுத்தியுள்ளது. மின் தடை குறித்த அறிவிப்புகள் மின் நுகர்வோர்களின் செல்போன் எண்களுக்கும் குறுஞ்செய்தி மூலம் அனுப்பி வைக்கப்படும் எனவும் மின்சார வாரியம் தெரிவித்துள்ளது.