TN School Hall Ticket: 10, 11, 12ஆம் வகுப்பு தேர்வுகளுக்கான ஹால் டிக்கெட் நாளை வெளியீடு - பதிவிறக்கம் எப்படி?

10, 11 மற்றும் 12-ம் வகுப்பு பொதுத்தேர்வு எழுதும் மாணவர்களின் ஹால் டிக்கெட்டுகளை நாளை பகல் 2 மணி முதல் பதிவிறக்கம் செய்துகொள்ளலாம்.

By : க.சே.ரமணி பிரபா தேவி | Updated at : 21 Apr 2022 09:14 PM (IST)

Tamil Nadu School Board Hall ticket for class 10, 11, 12 students from Tomorrow April 22 Check Details TN School Hall Ticket: 10, 11, 12ஆம் வகுப்பு தேர்வுகளுக்கான ஹால் டிக்கெட் நாளை வெளியீடு - பதிவிறக்கம் எப்படி?

கோப்புப்படம்

10, 11 மற்றும் 12-ம் வகுப்பு பொதுத்தேர்வு எழுதும் மாணவர்களின் ஹால் டிக்கெட்டுகளை நாளை பகல் 2 மணி முதல் பதிவிறக்கம் செய்து கொள்ளலாம் என்று அரசுத் தேர்வுகள் இயக்ககம் அறிவித்துள்ளது.

இதுகுறித்து அரசுத் தேர்வுகள் இயக்ககம் தெரிவித்துள்ளபடி, ''நடைபெறவுள்ள மே 2022 பத்தாம் வகுப்பு பொதுத்தேர்வெழுத விண்ணப்பித்த தேர்வர்கள் நாளை 22.04.2022 (வெள்ளிக் கிழமை) பிற்பகல் 2 மணி முதல் என்ற இணையதளத்தின் வாயிலாக தேர்வுக்கூட நுழைவுச் சீட்டுகளைப் பதிவிறக்கம் செய்து கொள்ளலாம்.

10ஆம் வகுப்பு நுழைவுச் சீட்டுகளைப் பதிவிறக்கம் செய்யும் முறை:

தேர்வர்கள் www.dge.tn.gov.in என்ற இணையதளத்திற்குச் சென்று “HALL TICKET” என்ற வாசகத்தினை க்ளிக் செய்தால் தோன்றும் பக்கத்திலுள்ள “SSLC PUBLIC EXAMINATION MAY 2022 - HALL TICKET DOWNLOAD” என்ற வாசகத்தினை க்ளிக் செய்து தோன்றும் பக்கத்தில், தங்களது USER ID மற்றும் PASSWORD-ஐப் பதிவு செய்து, தேர்வுக்கூட நுழைவுச் சீட்டினைப் பதிவிறக்கம் செய்து கொள்ளலாம்.

மேலும்‌, மே 2022 பத்தாம்‌ வகுப்பு பொதுத் தேர்விற்கான பெயர்ப் பட்டியலில்‌ பள்ளி மாணவ / மாணவிகளின்‌ பெயர்‌, பிறந்த தேதி, மொழி ஆகிய திருத்தங்கள்‌ ஏதும் இருப்பின்‌, சம்பந்தப்பட்ட தேர்வு மையக் கண்காணிப்பாளர்களை அணுகி, தேர்வு மையத்திற்கான பெயர்ப் பட்டியலில்‌ உரிய திருத்தங்கள்‌ மேற்கொள்ளலாம்.

இதுகுறித்துச் சம்பந்தப்பட்ட பள்ளி தலைமை ஆசிரியர்‌ / முதல்வர்களிடம்‌ அறிவுறுத்துமாறு அனைத்து மாவட்டக் ‌கல்வி அலுவலர்களையும்‌ கேட்டுக் கொள்கிறேன்‌’’.

இவ்வாறு அரசுத் தேர்வுகள் இயக்குநர் சேதுராம வர்மா தெரிவித்துள்ளார்.

இதேபோல, 11 மற்றும் 12-ம் வகுப்பு பொதுத்தேர்வு எழுதும் மாணவர்களின் ஹால் டிக்கெட்டுகளைப் பள்ளிகள், நாளை பகல் 2 மணி முதல் பதிவிறக்கம் செய்துகொள்ளலாம் என்றும் அரசுத் தேர்வுகள் இயக்ககம் அறிவித்துள்ளது. இதற்கான ஹால்டிக்கெட்டுகள் http://dge.tn.gov.in இணையதளத்தில் இருக்கும் என்பது குறிப்பிடத்தக்கது.

முன்னதாக, மே மாதம் நடைபெற உள்ள 10-ம் வகுப்புத் தேர்வை எழுதும் தனித் தேர்வர்கள் ஏப்ரல் 20ஆம் தேதி முதல் பொதுத் தேர்வுக்கான ஹால்டிக்கெட்டைப் பதிவிறக்கம் செய்து வருகின்றனர்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.