Madras High Court: காவல் துணை ஆணையர்களுக்கு அதிகாரம் அளிக்கும் அரசாணையை ரத்து செய்து சென்னை உயர்நீதிமன்றம் உத்தரவு!
காவல் துணை ஆணையர்களுக்கு அதிகாரம் அளிக்கும் அரசாணையை ரத்து சென்னை உயர்நீதிமன்றம் செய்து உத்தரவிட்டுள்ளது.
நன்னடத்தையை மீறும் குற்றவாளிகளுக்கு சிறை தணடனை விதிக்க காவல் துணை ஆணையர்களுக்கு அதிகாரம் வழங்கும் அரசாணை செல்லாது என்று சென்னை உயர்நீதிமன்றம் உத்தரவு பிறப்பித்துள்ளது.
நீதித்துறை, வருவாய் துறை அதிகாரிகளின் அதிகாரத்தை காவல் துறையினர் பயன்படுத்த முடியாது என்று நீதிமன்றம் தெரிவித்துள்ளது. காவல் துணை ஆணையர்கள் பிறப்பித்த உத்தரவுகளுக்கு எதிரான வழக்கில் சென்னை உயர்நீதிமன்றம் உத்தரவிட்டுள்ளது.
தொடர் குற்றங்களில் ஈடுபடுவோர் ’ எந்த குற்றத்திலும் ஈடுபட மாட்டோம் என்று காவல் துறையினரிடம் நன்னடத்தை பிரமானம் அளிக்கும் நடைமுறை உண்டு.
இதை மீறுவோரை சிறையில் அடைப்பதற்கு காவல் துணை ஆணையினருக்கு அதிகாரம் வழங்கி தமிழ்நாடு அரசு அரசாணை வெளியிட்டிருந்தது.
2013- 2014 ஆம் ஆண்டுகளில் இரண்டு அரசாணைகளை பிறப்பித்திருந்தது. இதன்படி, நன்னடத்தை பிரமானத்தை மீறியவர்கள் சிறையில் அடைக்கப்பட்டிருந்தனர். அவர்கள் சென்னை உயர்நீதிமன்றத்தில் தமிழ்நாடு அரசின் உத்தரவை எதிர்த்து வழக்கு தொடர்ந்திருந்தனர். இந்த வழக்குகளில் இருவேறு நீதிபதிகள் வெவ்வேறாக தீர்ப்பு அளித்திருந்தனர். இது தொடர்பாக சட்ட கேள்விக்கு பதிலளிக்கும் வகையில் நீதிபதி சதீஷ்குமார், ஆனந்த் வெங்கடேஷ் அடங்கிய சிறப்பு அமர்வு அமைக்கப்பட்டது.
இந்த வழக்கை விசாரித்த சிறப்பு அமர்வு நன்னடத்த மீறியவர்களை சிறையில் அடைக்க காவல் துணை ஆணையர்களுக்கு அளிக்கப்பட்ட அதிகாரத்திற்கான அரசாணை இரண்டும் அரசியல் சாசனத்திற்கு எதிரானது என்று தெரிவித்தது.
இந்த இரண்டு அரசாணைகளும் அமலுக்கு வருவதற்கு முன்பு இருந்த நிலையே நீடிக்க வேண்டும் என்றும் உத்தரவுட்டுள்ளது.
நன்னடத்தை பிரமானத்தை மீறுவோர் மீது குற்றவியல் நீதிமன்றம் மட்டுமே நடவடிக்கை எடுக்க முடியும் என்றும் நீதிபதிகள் தங்கள் தீர்ப்பில் தெளிவுப்படுத்தியுள்ளனர்.
மேலும் வாசிக்க..
புதுச்சேரி பட்ஜெட்டில் என்னென்ன அறிவிப்புகள் - முழு விவரம் இதோ
ஆதிச்சநல்லூரில் விரைவில் அருங்காட்சியகம் அமைக்கப்படும் - மத்திய அரசு நாடாளுமன்றத்தில் தகவல்
தலைப்பு செய்திகள்
ட்ரெண்டிங் செய்திகள்
