AC EMU Train: உச்சத்தில் கோடை வெயில்! அதிகரிக்கப்பட்ட ஏசி ரயில் சேவை.. பயணிகள் நிம்மதி பெருமூச்சு
AC Train Timings: தெற்கு ரயில்வே சார்வில் புறநகர் ஏசி ரயில் சேவை சென்னை கடற்கரை முதல் செங்கல்பட்டு தொடங்கப்பட்டுள்ள நிலையில் தற்போது புதிய கால அட்டவணை வெளியிடப்பட்டுள்ளது.
ஏசி ரயில் சேவை:
தெற்கு ரயில்வே சார்வில் புறநகர் ஏசி ரயில் சேவை சென்னை கடற்கரை முதல் செங்கல்பட்டு வரை குளு குளு ஏசி ரயில் சேவை தொடங்கப்பட்டுசென்னையில் கோடைக்காலத்தை கருத்தில் கொண்டு மக்களிடையே நல்ல வரவேற்பை பெற்று வருகிறது, மேலும் ரயில் சேவையின் தரத்தை அதிகரிக்க பொதுமக்களிடம் ரயில்வே தரப்பில் இருந்து கருத்துக்கேட்கப்பட்டது.
இந்த கருத்துக்கேட்புக்கு பின்னர் ஏசி ரயில் சேவை அதிகரிக்கப்படும் என்று தெற்கு ரயில்வே அறிவித்துள்ளது, இது குறித்து தெற்கு ரயில்வே தெரிவித்துள்ளதாவது பயணிகளின் கருத்துகளின் அடிப்படையில் தென்னக ரயில்வே சென்னை புறநகர்ப் பகுதியில் ஏசி இஎம்யூ சேவைகளைத் திருத்துகிறது: திருத்தப்பட்ட ஏசி ஈமு அட்டவணையானது சேவை மேம்படுத்தலுக்கான பொதுமக்களின் கருத்துடன் சீரமைக்கப்பட்டுள்ளது.
புதிய அட்டவணை:
AC EMU சேவைகளின் நேர திருத்தம் 2 மே 2025 முதல் நடைமுறைக்கு வரும் தெற்கு ரயில்வே தெரிவித்துள்ளது, சென்னை கடற்கரை-தாம்பரம்-செங்கல்பட்டு பிரிவில் 19 ஏப்ரல் 2025 முதல் குளிரூட்டப்பட்ட EMU (AC EMU) சேவைகளை அறிமுகப்படுத்தியது, இது அலுவலகம் செல்பவர்கள், மாணவர்கள் மற்றும் புறநகர்ப் பயணிகளுக்கு, வசதியான பயண அனுபவத்தை வழங்குவதை நோக்கமாகக் கொண்டது. ஞாயிற்றுக்கிழமைகள் தவிர அனைத்து நாட்களிலும் இயக்கப்படும் புதிய சேவைகள், பயணிகளால் வரவேற்கப்பட்டு, குளிரூட்டப்பட்ட வசதியுடன் தினசரி புறநகர் பயணத்தை மேம்படுத்துகிறது.
சேவைகளை மேலும் மேம்படுத்துவதற்காக, தெற்கு ரயில்வே 2025 ஏப்ரல் 19 முதல் 24 வரை தீவிர கருத்து கேட்பை தொடங்கியது, கூகுள படிவம், வாட்ஸ் ஆப் (6374713251) மூலமாகவும், கருத்துக்கேட்டகப்பட்டது. இந்த முயற்சியானது, அலுவலகத்திற்குச் செல்வோர், பெண்கள் பயணிப்பவர்கள் மற்றும் பிறர் உட்பட, பயணிக்கும் பொதுமக்களின் பல்வேறு பிரிவுகளில் இருந்து 600க்கும் மேற்பட்ட கருத்துகளை பதிவுசெய்தது.
ரயில் எண். 49004 (செங்கல்பட்டு - சென்னை கடற்கரை) அலுவலகத்திற்குச் செல்பவர்களுக்கான இணைப்பைச் செயல்படுத்தும் நேரத்தை மேம்படுத்துவதற்கு பயணிகளின் கருத்துக்கள் வலுவான விருப்பத்தை சுட்டிக்காட்டின.
ஆரம்பகால போக்குவரத்து சேவையான ரயில் எண். 49002 (தாம்பரம் சென்னை கடற்கரை) 05:45 மணிக்கு இயக்கப்பட்டது, வழக்கமான அலுவலகம் மற்றும் கல்வி நேரத்துடன் நேரம் ஒத்துப்போகாததால் குறைந்த ஆதரவையே பெற்றது. கூடுதலாக, 18:00 முதல் 18:30 மணி வரை மாலை அலுவலக நேர நெரிசலை சிறப்பாகப் பூர்த்தி செய்யும் வகையில் சென்னை கடற்கரையிலிருந்து செல்லும் ரயில் சேவையின் நேரத்தை மாற்றியமைக்க கோரிக்கை இருந்தது.
பயணிகளின் கருத்தை பொறுத்து, தெற்கு ரயில்வே, பயணிகளின் தேவைகளுக்கு ஏற்றவாறு, 2 மே, 2025 (வெள்ளிக்கிழமை) முதல் AC EMU அட்டவணைகளை (மற்றும் ரயில் எண்கள்) திருத்தியுள்ளது. மாலை நேர AC EMU சேவைகள் பெரும்பாலான புறநகர் பயணிகளின் பயண முறைகளுக்கு ஏற்றவாறு நேரம் சீரமைக்கப்படுவதை உறுதிசெய்தது, இந்த கருத்து கேட்புகளுக்கு நல்ல ஒத்துழைப்பு அளித்த பயணிகளுக்கு நன்றியை தெரிவித்துக்கொள்கிறோம் என்று தெற்கு ரயில்வே தெரிவித்துள்ளது.
ரயில் அட்டவணை:
| ரயில் எண் | புறப்படும் இடம் | புறப்படும் நேரம் | சேரும் இடம் | சேரும் நேரம் |
| 49001 | தாம்பரம் | 06.50 am | செங்கல்பட்டு | 07.35 am |
| 49002 | செங்கல்பட்டு | 07.55 am | சென்னை கடற்கரை | 09.25 am |
| 49003 | சென்னை கடற்கரை | 09.41 am | தாம்பரம் | 10.36 am |
| 49004 | தாம்பரம் | 01.00 pm | சென்னை கடற்கரை | 01.55 pm |
| 49005 | சென்னை கடற்கரை | 14.30 pm | செங்கல்பட்டு | 16.00 pm |
| 49006 | செங்கல்பட்டு | 16.30 pm | சென்னை கடற்கரை | 18.00 pm |
| 49007 | சென்னை கடற்கரை | 18.17 pm | செங்கல்பட்டு | 19.50 pm |
| 49008 | செங்கல்பட்டு | 20.10 pm | தாம்பரம் | 20.50 pm |
Before You Go
விசாரணை கைதி மரணம் ”அடிச்சே கொன்னுட்டாங்க” பகீர் கிளப்பும் குடும்பத்தினர்
தலைப்பு செய்திகள்
ட்ரெண்டிங் செய்திகள்
