Ayudha Pooja 2023: காஞ்சிபுரத்தில் உயர்ந்த பூக்களின் விலை.. அடேங்கப்பா! வாங்க போட்டி போடும் மக்கள்..

Saraswati Puja 2023: பண்டிகையை கொண்டாடுவதற்காக காலை முதலே கூட்டம் கூட்டமாக பொதுமக்கள் மற்றும் சிறு வியாபாரிகள் பூக்களை வாங்கி செல்வதால் பூ வியாபாரிகள் மகிழ்ச்சி அடைந்துள்ளனர்.

ஆர்வமுடன் பூக்களை வாங்கும் மக்கள்

ஆயுத பூஜையும் விஜய தசமியும் ( Ayudha Pooja 2023 Tamil Nadu ) 

கல்விக்கு அதிபதியாக இருப்பவர் சரஸ்வதி என்று நம்பப்படுகிறது. விஜய தசமி நாளில் சரஸ்வதியை வழிபட்டு முதன்முதலில் படிப்பை தொடங்கும் ‘வித்யாரம்பம்’ நிகழ்வுகள் நடைபெறும். முந்தைய நாள் ஆயுத பூஜை. ‘செய்யும் தொழிலே தெய்வம்’ என்ற சொல்லாடல் இருக்கிறது இல்லையா. ஆம். தொன்மையான விசயங்களில் ஒன்று தொழில் செய்வதற்கு, உயிர் வாழ்வதற்கு ஆதாரமாக இருக்கும் ஆயுதங்களை பூஜித்து வழிபடுவது. இது பழங்காலத்தில் இருந்தே வழக்கமாக உள்ளது. 

 

காஞ்சிபுரம் பூக்கடை சத்திரம் பகுதி

 

இந்தியா முழுவதும் நவராத்திரியின் ஒன்பது நாட்களில், துர்கா தேவியின் ஒன்பது அவதாரங்கள் வழிபடுவதைச் முதன்மைப்படுத்துகிறது. தசரா அன்று ராவணனை ராமர் வென்றதைக் கொண்டாடுவதன் மூலம் முடிவடைகிறது. மறுபுறம், துர்கா தேவி அரக்கன் மகிஷாசுரனை வென்றதை, துர்கா பூஜையாக  கொண்டாடப்படுகிறது. துர்கா தேவியின் முதல் அவதாரமான ஷைல்புத்ரியை வழிபடுவதன் மூலம், நவராத்திரி தொடங்குகிறது, அதே சமயம் துர்கா மற்றும் மகிஷாசுரனுக்கு இடையே போர் தொடங்கிய நாளான ,மகாளயபட்சம் அன்று துர்கா பூஜை தொடங்குகிறது.

 

ஆர்வமுடன் பூக்களை வாங்கும் மக்கள்

தசரா அன்று ராவணன் உருவ பொம்மைகளை எரிப்பதன் மூலம் நவராத்திரி கொண்டாட்டம் முடிவடையும். துர்கா பூஜை சிந்தூர் விளையாட்டுடன் முடிவடைகிறது. அங்கு திருமணமான பெண்கள் சிலைகளை மூழ்கடிப்பதற்கு முன்பு, ஒருவருக்கொருவர் சிந்தூர் என்று சொல்லப்படும், குங்குமத்தைக் கொண்டு விளையாடுகிறார்கள். நவராத்திரி கொண்டாட்டத்தின் போது, ​​துர்கா தேவியின் பக்தர்கள் ஒன்பது நாட்களுக்கு இறைச்சி, முட்டை, வெங்காயம் மற்றும் பூண்டு போன்ற உணவுகளை சாப்பிடாமல் பக்தியுடன் விரதம் இருக்கிறார்கள். 

பொதுமக்கள் ஆர்வம்

மிகவும் முக்கியம் வாழ்ந்த இந்த விழாவை முன்னிட்டு காஞ்சிபுரத்தில், பூஜைக்கு தேவையான பூ மற்றும் பூஜை பொருட்களை வாங்க பொதுமக்கள் ஆர்வம் காட்டி வருகின்றனர்.  பூஜைக்கு மிக முக்கியமாக பயன்படுத்தப்படும் பூக்கள் வாங்க காஞ்சிபுரம் பூக்கடை சத்திரத்தில் காலை முதலே சிறு வியாபாரிகள் முதல் பொதுமக்கள் என ஏராளமானோர் பூக்களை வாங்கி செல்வதற்காக குவிந்து வருகின்றனர்.

 

ஆர்வமுடன் பூக்களை வாங்கும் மக்கள்

விலைப்பட்டியல் என்ன ?

மல்லி கிலோ 700 முதல் 800 ரூபாய்க்கும், ரோஜா பூ கிலோ 150 க்கு விற்கப்பட்ட நிலையில் 350 ரூபாய்க்கும், சம்பங்கி பூ 220, சாமந்தி பூ 250 வரை கணிசமாக விலை உயர்ந்துள்ளது. பூக்களின் விலையை பொருட்படுத்தாமல் பொதுமக்கள் ஆயுத பூஜை, விஜயதசமி, பண்டிகையை கொண்டாடுவதற்காக காலை முதலே கூட்டம் கூட்டமாக பொதுமக்கள் மற்றும் சிறு வியாபாரிகள் பூக்களை வாங்கி செல்வதால் பூ வியாபாரிகள் மகிழ்ச்சி அடைந்துள்ளனர்.

சிறப்பு பூஜைக்கு நல்ல நேரம் 

23-ம் தேதி (நாளை) திங்கள்கிழமை ஆயுத பூஜையும், அதற்கு  மறுநாள் (24.10.2023) விஜய தசமியும் கொண்டாடப்படுகிறது. 23-ம் தேதி அன்று காலை 9 மணி முதல் 10.30 மணி வரையிலும் மதியம் 12க்கு மேல் 1.30 க்குள் பூஜை செய்ய நல்ல நேரம் என ஜோதிட நிபுணர்கள் சொல்கின்றனர். மாலையில் 6 மணிக்கு மேல் 7.30 மணிக்குள் பூஜை செய்யலாம். அதனை தொடர்ந்து இரவு 8.30 மணி முதல் 9 மணி வரை பூஜை செய்து இறைவனை வணங்க நல்ல நேரம் ஆகும்.ஆயுத பூஜையன்று சரஸ்வதி தேவிக்கும், பார்வதி தேவிக்கும், லக்‌ஷ்மி தேவிக்கும் தான் முக்கியத்து