Onam Pookalam 2022 : அட ! ஓணம் பூக்கோலத்துல இத்தனை பூக்களை பயன்படுத்துறாங்களா?
துளசி பூ மற்றும் அதன் இலைகள் பூக்கோலத்திற்கு மிகவும் முக்கியமானது.
ஓணம் கேரள மக்களால் கொண்டாடப்படும் பாரம்பரிய பண்டிகைகளுள் ஒன்று. இந்த பண்டிகை உலகம் முழுவது உள்ள மலையாள சகோதரர்களால் கொண்டாடப்படுகிறது. அறுவடை நாளான ஓணம் பண்டிகை 10 நாட்கள் கொண்டாடப்படுகிறது. இந்த ஆண்டு ஆகஸ்ட் 30 ஆம் தேதி தொடங்கி செப்டம்பர் 8 ஆம் தேதி வரையில் ஓணம் பண்டிகை கொண்டாடப்படுகிறது. ஓணம் பண்டிகையில் உணவு , உடை என ஏகப்பட்ட சிறப்பம்சங்கள் உள்ளன. அந்த வகையில் பூக்கோலமும் மிக பிரதானமான ஒன்று . திருவிழாவின் முதல் நாளில், மலர் ரங்கோலி 'அத்தாப்பூ' என்று அழைக்கப்படுகிறது. அத்தப்பூக்களத்திற்குப் பயன்படுத்தப்படும் மலர்கள் பொதுவாக தனித்துவமானது. அவற்றின் வகைகளை இந்த தொகுப்பில் பார்க்கலாம்.
View this post on Instagram
செம்பருத்தி :
தென்னிந்தியாவில் பலருக்கும் பரீட்சியமான இந்த பூ இல்லாத மலர் கோலத்தை பார்க்கவே முடியாது. அடுக்கு செம்பருத்தி , ஒற்றை செம்பருத்தி என இரு வகைகளில் பூக்கும் இந்த பூ சிவப்பு, மஞ்சள் , வெள்ளை மற்றும் அடர் சிவப்பு நிறங்களில் பூக்கும்.
தும்பா:
தும்பா அல்லது சிலோன் ஸ்லிட்வார்ட் என்பது பூக்களம் தயாரிப்பதில் அவசியமான ஒரு சிறிய வெள்ளை மலர் ஆகும். முதல் நாள் அன்று ஓணம் பூக்களுக்குப் பயன்படுத்தப்படும் பூ இது மட்டுமே.
துளசி:
துளசி பூ மற்றும் அதன் இலைகள் பூக்கோலத்திற்கு மிகவும் முக்கியமானது. துளசியின் பச்சை நிறம் ரங்கோலியை பிரகாசமாக்குகிறது, அதே நேரத்தில் வாசனையையும் பரப்புகிறது.
சாமந்தி :
சாமந்தி மகிழ்ச்சியின் மலர்கள் என்று அழைக்கப்படுகின்றன. சிவப்பு, மஞ்சள், ஆரஞ்சு, வெள்ளை போன்ற பல்வேறு வண்ணங்களில் இந்த மலர்களை நீங்கள் காணலாம்.பூக்கோளத்தில் சாமாந்தியை பயன்படுத்தும் பொழுது உங்கள் ஓணம் பண்டிகையே நிறைவானதாக இருக்கும்.
சேத்தி :
காடுகளின் சுடர் என அழைக்கப்படும் பூதான் சேத்தி. சிறு சிறு மலர்கள் அடங்கிய பந்து போன்ற ஒரு வகை பூ. இது சிகப்பு , மஞ்சள் உள்ளிட்ட வண்ணங்களிலும் பூக்கும். இதுவும் மலர் கோலத்திற்கு உகந்தவை.
சங்குபுஷ்பம்
சங்குபுஷ்பம் மஞ்சள் நிற மையத்துடன் கூடிய அழகான நீல மலர் ஆகும். இது கேரளாவின் ஒவ்வொரு பகுதியிலும் காணப்படும் . ஓணத்தின் போது பூக்கும் இந்த பூ பூக்கோளத்தில் பயன்படுத்தப்படும் மிகவும் பிரபலமான பூக்களில் ஒன்று.
தலைப்பு செய்திகள்
ட்ரெண்டிங் செய்திகள்
