அரசு வேலை: சித்த மருத்துவர்களுக்கு சூப்பர் வாய்ப்பு! 27 காலிப்பணியிடங்கள், உடனே விண்ணப்பிங்க!
சித்த மருத்துவம் படித்தவர்களுக்கு தமிழ்நாடு அரசின் வேலைவாய்ப்பு.. தமிழ்நாடு மருத்துவப் பணியாளர் தேர்வு வாரியம் முக்கிய அறிவிப்பை வெளியிட்டுள்ளது.
தமிழ்நாடு அரசின் மருத்துவத்துறையில் 27 காலிப்பணியிடங்கள் நிரப்ப இருக்காங்க. இதற்காக வேலை வாய்ப்பு அறிவிப்பு வெளியாகி உள்ளது. தகுதியுள்ளவர்கள் உடனே விண்ணப்பித்து பயன் பெறலாம்.
சித்த மருத்துவம் படித்தவர்களுக்கு தமிழ்நாடு அரசின் வேலைவாய்ப்பு.. தமிழ்நாடு மருத்துவப் பணியாளர் தேர்வு வாரியம் முக்கிய அறிவிப்பை வெளியிட்டுள்ளது. இப்பணியிடங்களுக்கு விண்ணப்பிக்க என்ன செய்ய வேண்டும் என்று தெரிந்து கொள்ளுங்கள்.
தமிழ்நாட்டில் சுகாதாரத்துறையில் உள்ள காலிப்பணியிடங்கள் மருத்துவப் பணியாளர் தேர்வு வாரியம் மூலம் நிரப்பப்படுகிறது. அந்த வகையில், சித்தா பிரிவில் உதவி மருத்துவ அதிகாரி பணியிடங்களுக்கு மொத்தம் 27 காலிப்பணியிடங்களை நிரப்ப அறிவிப்பு வெளியாகியுள்ளது. தமிழ்நாடு மருத்துவ சேவைகளின் கீழ் இப்பணியிடங்கள் நிரப்பப்படுகிறது. சித்த மருத்துவம் படித்தவர்கள் இந்த வாய்ப்பை உடனே பயன்படுத்திகொள்ளலாம்.
உதவி மருத்துவ அதிகாரி (சித்தா) 27
இவை பொதுப்பிரிவில் - 6, பிசி - 6, பிசிஎம் - 1, எம்பிசி - 5, எஸ்சி - 4, எஸ்டி - 5 என நிரப்பப்படுகிறது.
இப்பணியிடங்களுக்கு 01.07.2025 தேதியின்படி விண்ணப்பிக்க எஸ்சி, எஸ்டி, எம்பிசி, பிசி, பிசிஎம் பிரிவினருக்கு அதிகப்படியான வயது வரம்பு கிடையாது. இதர பிரிவினர் 37 வயது வரையும், மாற்றுத்திறனாளிகள் 47 வயது வரையும் விண்ணப்பிக்கலாம்.
சித்தா உதவி மருத்துவ அதிகாரி பதவிக்கு டாக்டர். எம்ஜிஆ பல்கலைக்கழகத்தின் கீழ் அல்லது அங்கீகாரம் பெற்ற கல்வி நிறுவனத்தில் சித்தாவில் HPIM/ GCIM/ MD/ B.I.M/ L.I.M/ B.S.M.S ஆகியவற்றை முடித்தவர்கள் விண்ணப்பிக்கலாம். மேலும், மத்திய இந்திய மருத்துவ வாரியத்தில் கீழ் ‘A’ Class அல்லது ‘A ‘Special Class’ சித்தா டிப்ளமோ முடித்தவர்கள் விண்ணப்பிக்கலாம். விண்ணப்பதார்கள் கட்டாயம் இந்திய மருத்துவ வாரியம் அல்லது தமிழ்நாடு சித்த மருத்துவ கவுன்சிலில் பதிவு செய்திருக்க வேண்டும்.
மருத்துவப் பணியாளர் தேர்வு வாரியம் மூலம் நிரப்பப்படும் இப்பணியிடங்களுக்கு நிலை 22 கீழ் குறைந்தபட்சம் ரூ.56,100 முதல் அதிகப்படியாக ரூ.2,05,700 வரை சம்பளம் வழங்கப்படும் என தெரிவிக்கப்பட்டுள்ளது. இப்பணியிடங்களுக்கு கணினி வழி எழுத்துத் தேர்வு மூலம் மட்டுமே தகுதியானவர்கள் தெரிவு செய்யப்படுவார்கள். நேர்காணல் தேர்வு அல்லது வாய்வழி தேர்வு ஆகியவை கிடையாது. எழுத்துத் தேர்வில் பெற்ற மதிப்பெண்கள் அடிப்படையில் மட்டுமே தேர்வு செய்யப்படுவார்கள்.
தமிழ் வினாத்தாள் அமைக்கப்படும். நெகட்டிங் மதிப்பெண் கிடையாது. முதன்மை தாளில் பெற்ற மதிப்பெண்கள் அடிப்படையில் மட்டுமே தகுதியானவர்கள் தெரிவு செய்யப்படுவார்கள். தொடர்ந்து, சான்றிதழ் சரிபார்ப்பிற்கு அழைப்பு விடுக்கப்பட்டு, பணி நியமனம் வழங்கப்படும்.
இப்பணிக்கு விண்ணப்பிக்க விரும்பும் நபர்கள் https://mrb.tn.gov.in/ என்ற இணையதளத்தில் ஆன்லைன் வழியாக விண்ணப்பிக்க வேண்டும். தேர்வு கட்டணமாக ரூ.1000 செலுத்த வேண்டும். எஸ்சி, எஸ்டி பிரிவினர் ரூ.500 செலுத்த வேண்டும். மாநிலம் முழுவதும் பல்வேறு மாவட்டங்களில் தேர்வு மையம் அமைக்கப்படும். ஆன்லைன் வழியாக விண்ணப்பம் நேற்று 9-ம் தேதி முதல் தொடங்கிய நிலையில், வரும் 29ம் தேதி வரை விண்ணப்பிக்கலாம்.
தலைப்பு செய்திகள்
ட்ரெண்டிங் செய்திகள்
