Jipmer Recruitment 2024: ஜிப்மர் மருத்துவமனைகளில் அரசுப் பணி; ரூ.2.20 லட்சம் ஊதியம்; தகுதி, வயது… முழு விவரம் இதோ!
Jipmer Recruitment 2024 Notification: ஜிப்மர் புதுச்சேரி மற்றும் காரைக்கால் வளாகங்களில் குறிப்பிட்ட துறைகளுக்கான பேராசிரியர் பணியிடங்களுக்கு விண்ணப்பிக்கலாம் என்று தெரிவிக்கப்பட்டுள்ளது
ஜிப்மர் மருத்துவமனைகளில் அரசு பேராசிரியர், உதவிப் பேராசிரியர் பணியிடங்களை விண்ணப்பிக்க அழைப்பு விடுக்கப்பட்டுள்ளது. ஆர்வமும் தகுதியும் உடையவர்கள் அக்டோபர் 25ஆம் தேதி வரை விண்ணப்பிக்கலாம்.
காலி இடங்கள் எத்தனை?
ஜிப்மர் புதுச்சேரி மற்றும் காரைக்கால் மருத்துவக் கல்லூரி வளாகங்களில் குறிப்பிட்ட துறைகளுக்கான பேராசிரியர் பணியிடங்களுக்கு விண்ணப்பிக்கலாம் என்று தெரிவிக்கப்பட்டுள்ளது. புதுச்சேரி ஜிப்மரில் பேராசிரியர் பணிக்கு 26 காலி இடங்களும் உதவிப் பேராசிரியர் பணிக்கு 35 காலி இடங்களும் அறிவிக்கப்பட்டுள்ளன.
அதேபோல, காரைக்கால் ஜிப்மரில் பேராசிரியர் பணிக்கு 2 காலி இடங்களும் உதவிப் பேராசிரியர் பணிக்கு 17 காலி இடங்களும் அறிவிக்கப்பட்டுள்ளன.
வயது வரம்பு
பேராசிரியர் பணிக்கு நவம்பர் 21, 2024ஆம் நாளில் 58 வயதுக்கு மிகாமல் இருக்க வேண்டும். அதேபோல உதவிப் பேராசிரியர் பணிக்கு அதே நாளில் 50 வயதுக்கு மிகாமல் இருக்க வேண்டும்.
விண்ணப்பிப்பது எப்படி?
இந்தப் பணிகளுக்கு விண்ணப்பிக்க விரும்பும் தேர்வர்கள், இணைய வழியிலும் ஆஃப்லைன் மூலமாகவும் விண்ணப்பிக்க வேண்டும். ஆஃப்லைன் மூலமாக விண்ணப்பிக்கும்போது தேவையான ஆவணங்களை,
Assistant Administrative Officer,
Admn. 4 (Faculty Wing) Second Floor,
Administrative Block, JIPMER,
Dhanvantari Nagar, Puducherry 605 006 ஆகிய முகவரிக்கு அனுப்ப வேண்டும்.
அதேபோல மின்னணு ஆவணங்களை facrectt2024@jipmer.ac.in என்ற இ- மெயில் முகவரிக்கு அனுப்ப வேண்டும்.
ஊதிய விவரம்
7ஆவது ஊதியக் குழுவின்படி, பேராசிரியர் பணிக்கு ரூ.1,68,900 முதல் ரூ.2,20,400 வரை வழங்கப்படும்.
அதேபோல, உதவிப் பேராசிரியர் பணிக்கு ரூ.1,01,500 முதல் ரூ.1,67,400 வரை ஊதியம் வழங்கப்பட உள்ளது.
கூடுதல் விவரங்களுக்கு: https://jipmer.edu.in/
தலைப்பு செய்திகள்
ட்ரெண்டிங் செய்திகள்
