IB Recruitment 2022: மத்திய உளவுத் துறையில் 1,671 பணியிடங்கள்; 10-வது தேர்ச்சி பெற்றிருந்தால் போதும்; விவரம் இதோ!

மத்திய உளவுத்துறையின் வேலைவாய்ப்பு அறிவிப்பு. எப்படி விண்ணப்பிக்கலாம் என்பது குறித்த முழு விவரம் இங்கே கொடுக்கப்பட்டுள்ளது.

மத்திய உளவுத்துறையின் வேலைவாய்ப்பு அறிவிப்பு

இந்திய உளவுத்துறை அலுவலகத்தில் உதவி பாதுகாவலர் மற்றும் Multi-Tasking  உதவியாளர் பணியிடங்களை நிரப்புவதற்கான வேலைவாய்ப்பு அறிவிப்பு வெளியிடப்பட்டுள்ளது. இதற்கு விண்ணப்பிக்க பத்தாம் வகுப்பு தேர்ச்சி பெற்றிருந்தால் போதுமானது. வாய்ப்பை தவற விட்றாதீங்க மக்களே!

இதன் மூலம் நாட்டின் அகமதாபாத், அமிர்தரசரஸ், பெங்களூரு, போபால், புவனேஷ்வர்,சண்டிகர், சென்னை, டேராடூன், புது டெல்லி, ஹைதராபாத், இம்பால், ஜெய்ப்பூர், ஜம்மு, கல்கத்தா, லக்னோ, மும்பை, ராஞ்சி, நாக்பூர், பாட்னா, ஸ்ரீநகர், வாரணாசி, திருவனந்தபுரம், விஜயவாடா உள்ளிட்ட 37 மாநிலங்களில் உள்ள உளவுத்துறை அலுவகத்தில் காலியாக உள்ள உதவியாளர் பணி நிரப்பப்பட உள்ளது. 

இந்திய அரசின் உள்துறை அமைச்சகத்தின் கீழ் செயல்பட்டு வரும் உளவுத்துறையில் உதவி பாதுகாவலர் (Security Assistant/Executive (SA/Exe)) மற்றும்   Multi-Tasking உதவியாளர் (Multi-Tasking Staff/General) பணியிடங்கள் நிரப்பப்பட உள்ளன. மொத்தம் 1671 பணியிடங்கள் நிரப்பப்பட உள்ளன.

பணி விவரம்:

Security Assistant/Executive (SA/Exe) 

 Multi-Tasking Staff/General (MTS/Gen)

பணியிடங்களின் எண்ணிக்கை : 1,671

உதவி பாதுகாவலர்

எண்ணிக்கை-1521

கல்வித் தகுதி :

 
இந்த பணிக்கு விண்ணப்பிக்க 10 -ஆம் வகுப்பு தேர்ச்சி பெற்றிருக்க வேண்டும். விண்ணப்பிக்க விரும்புபவர்கள் மாநிலத்தின்அலுவல் மொழியில் நன்றாக பேசவும் எழுதவும் தெரிந்திருக்க வேண்டும்.

வயதுத் தகுதி :

 25.11.2022 அன்று 27 வயது வரை உள்ளவர்கள் விண்ணப்பிக்கலாம். பழங்குடியின/ பட்டியலின பிரிவினருக்கு வயது வரம்பில் 5 ஆண்டுகள் தளவு அளிக்கப்பட்டுள்ளது. 

 

 

மாத ஊதியம் விவரம்:

 இதற்கு ரூ. 21,700 முதல்  ரூ.69,100 வரை ஊதியம் அளிக்கப்பட உள்ளது.

 

Multi-Tasking Staff/General :

பணியிடங்கள் எண்ணிக்கை : 150

கல்வித் தகுதி : 

இந்த பணிக்கு விண்ணப்பிக்க 10 -ஆம் வகுப்பு தேர்ச்சி பெற்றிருக்க வேண்டும். விண்ணப்பிக்க விரும்புபவர்கள் மாநிலத்தின்அலுவல் மொழியில் நன்றாக பேசவும் எழுதவும் தெரிந்திருக்க வேண்டும்.

வயது வரம்பு:

25.11.2022 அன்று 18 வயது முதல் 25 வயது வரை உள்ளவர்கள் விண்ணப்பிக்கலாம். பழங்குடியின/ பட்டியலின உள்ளிட்ட பிரிவினருக்கு வயது வரம்பில் தளர்வு அளிக்கப்பட்டுள்ளது.

மாத ஊதிய விவரம்:

மாதத்திற்கு ரூ. 18, 000 முதல் ரூ.56, 900 வரை ஊதியம் வழங்கப்பட உள்ளது.

தேர்வு செய்யப்படும் முறை : 

இந்தப் பணியிடங்களுக்கு எழுத்துத் தேர்வு மற்றும் நேர்முகத் தேர்வு அடிப்படையில் தகுதியானவர்கள் நேர்முகத் தேர்வுக்கு அழைக்கப்படுவார்கள்.

எழுத்துத் தேர்வு இரண்டு பகுதிகளாக நடைபெறும். முதல் பகுதி 100 மதிப்பெண்களுக்கு நடைபெறும். இதில் ஆங்கிலம் (English language), திறனறிதல் (Reasoning ability) மற்றும் கணிதம் (Numerical ability) பொது அறிவு (General Awareness) பொதுப் பாடம் (General Studies) ஆகிய பிரிவுகளில் இருந்து தலா 20 கேள்விகள் என மொத்தம் 100 கேள்விகள் இடம்பெறும். ஒரு மணி நேரம் தேர்வு நடைபெறும்.

 

இரண்டாம் பகுதி மொழிபெயர்ப்பு கட்டுரை எழுதுதல். 500 வார்த்தைகள் கொண்ட கட்டுரையை ஆங்கிலத்தில் இருந்து உள்ளூர் மொழியிலும், உள்ளூர் மொழியிலிருந்து ஆங்கிலத்திலும் மொழிபெயர்க்க வேண்டும்.  40 மதிப்பெண்களுக்கு 1 மணி நேர கால அளவில் தேர்வு நடைபெறும்.

எப்படி விண்ணப்பிப்பது?

இந்த பணியிடங்களுக்கு விண்ணப்பிக்க https://www.mha.gov.in/ அல்லது https://www.ncs.gov.in/ என்ற இணையதள பக்கத்திற்குச் சென்று ஆன்லைன் மூலம் விண்ணப்பிக்க வேண்டும்.

விண்ணப்பிக்க கடைசி தேதி : 25.11.2022

விண்ணப்பக் கட்டணம்:

தேர்வுக் கட்டணம் ரூ.50, விண்ணப்பக் கட்டணம் ரூ. 450. பட்டியலின/ பழங்குடியின பிரிவினருக்கு தேர்வு கட்டணத்தில் விலக்கு உண்டு.

 

இந்த அறிவிப்பு தொடர்பாக மேலும் விவரங்கள் அறிய https://www.mha.gov.in/ என்ற இணையதளப் பக்கத்தினைப் பார்வையிடவும்.

அறிவிப்பின் முழுவிவரத்திற்கான லிங்க் -https://drive.google.com/file/d/1f0ta3q73VY89_4L1XxXm3stz5hsdGK08/view

---