Job Alert: +2 தேர்ச்சி போதும்; தேர்வு இல்லை - மாவட்ட குழந்தைகள் நலக்குழுவில் வேலை; விண்ணப்பிப்பது எப்படி?
Job Alert: கோயம்புத்தூர் மாவட்ட குழந்தைகள் நலக்குழுமத்தின் வேலைவாய்ப்பு அறிவிப்பின் விவரத்தை இங்கு காணலாம்.
கோயம்புத்தூர் மாவட்ட குழந்தைகள் நலக்குழுமத்தில் காலியாக உள்ள உதவியாளர் பணிக்கு ( temporary vacancy of Assistant cum Data Entry Operator post on purely Contract basis ) பணியிடத்தை தற்காலிக ஒப்பந்த அடிப்படையில் நிரப்ப வேலைவாய்ப்பு அறிவிப்பு வெளியாகி உள்ளது.
பணி விவரம்:
உதவியாளருடன் இணைந்த கணினி அறிவு தெரிந்தவர். ( Assistant cum Data Entry Operator )
கல்வித் தகுதி:
அரசு அங்கீகாரம் பெற்ற கல்வி நிறுவனத்தில் பன்னிரெண்டாம் வகுப்பு தேர்ச்சி பெற்றிருக்க வேண்டும். மேலும், கணினி கல்வியில் டிப்ளமோ அல்லது பட்ட படிப்பு முடித்திருக்க வேண்டும். DCA முடித்ததற்கான சான்றிதழ் இருக்க வேண்டும் என்று அதிகாரப்பூர்வ அறிவிப்பில் தெரிவிக்கப்பட்டுள்ளது. கணினி பயன்படுத்துவதில் நல்ல அனுபவம் இருக்க வேண்டும்.
வயது வரம்பு:
விண்ணப்பதாரர்கள் 10.09.2023 -இன் படி 40 வயதிற்கு உட்பட்டவர்களாக இருத்தல் வேண்டும்.
எப்படி விண்ணப்பிப்பது?
தகுதியுள்ள நபர்கள் பாஸ்போர்ட் சைஸ் புகைப்படத்துடன் வரும் 11.09.2023 அன்று மாலை 05.45 மணிக்குள் விண்ணப்பிக்க வேண்டும். விண்ணப்பங்களை https://Coimbatore.nic.in -என்ற இணையதளத்தில் பதிவிறக்கம் செய்து கொள்ள வேண்டும். பூர்த்தி செய்யப்பட்ட விண்ணப்பங்களுடன் தேவையான கல்வி சான்றிதழ்களின் நகல்களை இணைத்து நேரிலோ அல்லது அஞ்சல் வழியாகவோ சமர்ப்பிக்கலாம். இந்தப் பணிக்கு ஆஃப்லைனில் மட்டுமே விண்ணப்பிக்க வேண்டும்.
விண்ணப்பங்களை அனுப்ப வேண்டிய முகவரி :
மாவட்ட குழந்தைகள் பாதுகாப்பு அலுவலர்,
மாவட்ட குழந்தைகள் பாதுகாப்பு அலுவலகம்,
2-வது தளம், பழைய கட்டிடம்,
மாவட்ட ஆட்சியர் வளாகம்,
கோயம்புத்தூர் – 641 018.
விண்ணப்பிக்க கடைசி தேதி : 11.09.2023 மாலை 5.45 மணி வரை
****
தமிழ்நாடு மருத்துவ வாரியத்தில் உதவியாளர் பணியிடங்களை நிரப்புவதற்கான அறிவிப்பினை மருத்துவ பணியாளர் தேர்வு வாரியம் ( Tamil Nadu Medical Service Recruitment Board - MRB) அறிவிப்பு வெளியிடப்பட்டுள்ளது.
தமிழ்நாடு மருத்துவ சார்நிலைப் பணிகளில் அடங்கிய பணியிடங்கள் தற்காலிக அடிப்படையில் நிரப்பட உள்ளன. தகுதியுள்ளவர்கள் இதற்கு இன்று இரவுக்குள் விண்ணப்பிக்கலாம்.
பணி விவரம்:
ECG Technicain
மொத்த பணியிடங்கள் - 95
கல்வித் தகுதி :
இதற்கு விண்ணப்பிக்க அரசு மருத்துவக் கல்லூரி அல்லது மருத்துவக் கல்லூரி இயக்குநரகம் அங்கீகாரம் பெற்ற கல்வி நிறுவனங்களில் ஓராண்டுகால Medical Laboratory Technology படிப்புகளில் தேர்ச்சி பெற்றிருக்க வேண்டும். 10+2 என்ற வகையில் பள்ளிக்கல்வி பயின்றிருக்க வேண்டும்.
அதோடு, Electro Cardiogram / Treadmill Technician சான்றிதழ் படிப்பில் தேர்ச்சி பெற்றிருக்க வேண்டும்.
ஊதிய விவரம்:
இந்தப் பணியிடத்திற்கு ரூ. 19,500 முதல் ரூ. 62,000 வரை மாத ஊதியமாக வழங்கப்படும். (Pay Matrix Level-1)
பணிக்கு தேர்ந்தெடுக்கப்பட்டவுடன் முதல் இரண்டு ஆண்டுகளுக்கு ஆரம்ப கால ஊதியமாக ரூ.13,000 வழங்கப்படும், இரண்டு ஆண்டுக்கும் 5 சதவீத ஊதிய உயர்வு அளிக்கப்படும்.
இரண்டு ஆண்டு பணிக்கு பிறகு ரூ.19,500 மாத ஊதியமாக வழங்கப்படும்.
வயது வரம்பு விவரம் :
இந்த பணியிடங்களுக்கு 01/07/2023 18 வயது பூர்த்தியடைந்தவராக இருக்கலாம். வயது வரம்பில் அளிக்கப்பட்டுள்ள தளர்வுகளின் விவரத்தை அதிகாரப்பூர்வ அறிவிப்பில் காணலாம்.
தேர்வு செய்யப்படும் முறை :
இந்த பணியிடங்களுக்கு பத்தாம் வகுப்பு, 12 - ஆம் வகுப்பு மற்றும் சான்றிதழ் படிப்புகளில் பெற்ற மதிப்பெண்களின் அடிப்படையில் தகுதியானவர்கள் தேர்ந்தெடுக்கப்படுவார்கள். இதில் பத்தாம் வகுப்பு மதிப்பெண்கள் 20%- க்கும், 12 -ஆம் வகுப்பு மதிப்பெண்கள் 30%- க்கும், சான்றிதழ் படிப்பு மதிப்பெண்கள் 50%- க்கும் கணக்கிடப்படும். இதற்கு எழுத்து தேர்வு மற்றும் நேர்முகத் தேர்வு கிடையாது.
விண்ணப்பிக்கும் முறை :
இதற்கு விண்ணப்பிக்க https://mrbonline.in/ - என்ற இணையதள முகவரி மூலம் ஆன்லைனில் விண்ணப்பிக்க வேண்டும்.
விண்ணப்பக் கட்டணம் :
பொதுப் பிரிவினருக்கு ரூ. 600, பட்டியலின/ பழங்குடியின பிரிவினருக்கு ரூ. 300 விண்ணப்ப கட்டணமாக நிர்ணயிக்கப்பட்டுள்ளது.
விண்ணப்பிக்க கடைசி தேதி : 28.08.2023
இந்த அறிவிப்பு தொடர்பாக மேலும் விவரங்கள் அறிய https://www.mrb.tn.gov.in/pdf/2023/notification_ECG_2023.pdf - என்ற இணைப்பை க்ளிக் செய்து காணவும்.
தலைப்பு செய்திகள்
ட்ரெண்டிங் செய்திகள்
