குழந்தைகளுக்கு சாக்லெட் கொடுக்கலாமா? : மருத்துவர்கள் பரிந்துரைப்பது என்ன?

புதிய பெற்றோர்கள் தங்கள் குழந்தைகளின் முதல் வருட வளர்ச்சியின் போது உணவளிப்பதில் சிரமப்படுவதை நாம் அடிக்கடி பார்க்கிறோம்

குழந்தைகள்

புதிதாக குழந்தை பெற்றுக்கொண்டவர்களுக்கு அதனைக் கண்விழித்துப் பார்த்துக் கொள்வது என்பது ஒரு கடினமான பணியாக இருக்கலாம். பெற்றோர்கள் ஏற்கனவே தங்கள் வாழ்க்கையில் நிகழும் அனைத்து மாற்றங்களாலும் அதிகமாகிவிட்டாலும், அவர்களின் குழந்தை வளரும்போது அது மன அழுத்தத்தை ஏற்படுத்தும். அவர்கள் குழந்தைக்கு ஆரோக்கியமான உணவை வழங்குவதை உறுதி செய்வது மட்டுமல்லாமல், சில உணவுப் பொருட்கள் புதிதாகப் பிறந்த குழந்தைகளுக்கு தீங்கு விளைவிக்குமா என்பதையும் நினைவில் கொள்ள வேண்டும். குழந்தை எதும் சாப்பிடவேண்டும் எது சாப்பிடக்கூடாது என்பதைப் பார்த்துப் பார்த்து அளிக்க வேண்டும்.

புதிய பெற்றோர்கள் தங்கள் குழந்தைகளின் முதல் வருட வளர்ச்சியின் போது உணவளிப்பதில் சிரமப்படுவதை நாம் அடிக்கடி பார்க்கிறோம். திட உணவை உண்ணத் தொடங்கியவுடன் அவர்களுக்கு அனைத்து ஊட்டச்சத்துக்களையும் வழங்குவது அவசியம் என்றாலும், சென்ஸிட்டிவ்வான குழந்தைகளுக்கு அவை ஏற்படுத்தும் எதிர்விளைவுகள் குறித்து ஒருவர் கவனமாக இருக்க வேண்டும்.

குழந்தைகளுக்கு திட உணவை எப்போது கொடுக்க வேண்டும்?

முதல் சில மாதங்களுக்குப் பிறகு உடனடியாக திட உணவுகளை குழந்தைகளுக்கு அறிமுகப்படுத்த வேண்டாம். அதற்கு அவர்கள் தயாராக இல்லாமல் இருக்கலாம். குழந்தைக்கு தாய்ப்பால் கொடுக்க வேண்டும், மருத்துவரிடம் பேசிய பிறகு ஃபார்முலா பால் கொடுக்கலாம். உங்கள் குழந்தைகளுக்கு சத்தான உணவுப் பழக்கங்களை நீங்கள் புகுத்துவதை உறுதி செய்து கொள்ளுங்கள், அது அவர்களுக்கு நீண்ட காலத்திற்கு உதவும்.

பொதுவாக, பிறந்த ஆறு மாதங்களுக்குப் பிறகு குழந்தைகளுக்கு திட உணவுகளை கொடுக்கலாம். இருப்பினும், அவர்களின் வளர்ச்சியை ஒருவர் மனதில் கொள்ள வேண்டும்.

குழந்தைகள் உருளைக்கிழங்கு மற்றும் பழங்களை சாப்பிடலாமா? நன்றாக சமைத்த அல்லது மசித்த உருளைக்கிழங்கு, காய்கறிகள், சீஸ், வாழைப்பழங்கள் மற்றும் பட்டாணி ஆகியவற்றை சிறு குழந்தைகளுக்கு கொடுக்கலாம். இருப்பினும், கேரட் போன்ற பச்சை காய்கறிகளை அவர்களுக்கு உணவளிக்க வேண்டாம். பச்சைக் காய்கறிகளில் நைட்ரேட் அதிக அளவில் இருப்பதாகக் கூறப்படுகிறது, மேலும் அவை மூச்சுத் திணறலை ஏற்படுத்தும். அதற்கு பதிலாகப் பழங்களைச் சிறுதுண்டுகளாக நறுக்கிச் சாப்பிட வைக்கலாம்.

குழந்தைகள் உலர் பழங்களை சாப்பிடலாமா?
இல்லை, அவர்களுக்கு உலர் பழங்களான பாதாம், முந்திரி, திராட்சை, வேர்க்கடலை அல்லது உணவுக்குழாயில் சிக்கிக்கொள்ளும் வாய்ப்புள்ள வேறு எந்த பெரிய உணவு வகைகளையும் கொடுக்க பரிந்துரைக்கப்படவில்லை.

ஒரு வயது குழந்தைக்கு சாக்லேட் கொடுப்பது ஆரோக்கியமானதா?

சாக்லேட்டில் காஃபின் மற்றும் சர்க்கரை சேர்க்கப்பட்டுள்ளது இது குழந்தைகளுக்கு ஆரோக்கியமானதாக கருதப்படுவதில்லை. 2 வயதுக்குட்பட்ட குழந்தைகளை சாக்லேட்டுகளிலிருந்து விலக்கி வைக்க வேண்டும். சில சந்தர்ப்பங்களில், இது குழந்தைகளில் ஒவ்வாமையைத் தூண்டும்.

குழந்தைக்கு உணவளிக்க முட்டை பாதுகாப்பானதா?
உங்கள் குழந்தைக்கு முட்டையுடன் உணவளிக்கும் முன், ஒரு நிபுணரை அணுகவும், முட்டை ஒவ்வாமைக்கு வழிவகுக்கும்.

ஒரு குழந்தையின் உணவை நன்கு புரிந்து கொள்ள, ஒரு சுகாதார நிபுணரை அணுகுவது பரிந்துரைக்கப்படுகிறது. ஒவ்வொரு குழந்தைக்கும் ஊட்டச்சத்து தேவை வேறுபட்டது, எனவே அவர்களின் உணவு முறையும் தனிப்பட்டதாக இருக்க வேண்டும்.