Watch Video : புஷ்பா பாடலுக்கு நடனமாடிய நடிகை மீனா.. வைரலாகும் வீடியோ

அல்லு அர்ஜூன் நடித்துள்ள புஷ்பா 2 படத்தின் பாடலுக்கு நடிகை மீனா நடனமாடிய வீடியோ இணையதளத்தில் வைரலாகி வருகிறது

மீனா , புஷ்பா 2 , மீனா. (Image source: Twitter)

 நடிகை மீனா

’நெஞ்சங்கள்' திரைப்படத்தில் குழந்தை நட்சத்திரமாக அறிமுகமானார் நடிகை மீனா. அது அனைவரின் கவனத்தையும் ஈர்த்தது. நடிகர் ரஜினிகாந்த் கெளரவ வேடத்தில் நடித்த 'அன்புள்ள ரஜினிகாந்த்' திரைப்படம். அன்று  ரஜினிக்கே, குழந்தை நட்சத்திரமாக அறிமுகமாகி, பின்பு அவருடன் பல படங்களில்  ஜோடியாக நடித்து தமிழ் சினிமாவின் முன்னணி நடிகையானவர் மீனா.

ரஜினி , கமல், அஜித் , சூர்யா என தமிழ் சினிமாவின் அனைத்து முன்னணி நடிகர்களுடன் திரையில் தோன்றியுள்ளார். தமிழ், தெலுங்கு , மலையாளம் என பல மொழிகளில் கமர்ஷியல் மற்றும் எதார்த்த பாணியில் அமைந்த படங்களில் அசத்திய மீனா நடிப்பைத் தவிர்த்து ரியாலிட்டி ஷோவில் நடுவராகவும் இருந்து வருகிறார். மீனாவின் மகள் நைனிகா அட்லீ  இயக்கத்தில்  விஜய் நடித்த தெறி படத்தின் மூலம் குழந்தை நட்சத்திரமாக அறிமுகமானார். 

இரண்டாவது திருமணம் குறித்த சர்ச்சை

 கடந்த 2009 ஆம் ஆண்டு பெங்களூரைச் சேர்ந்த சாஃப்ட்வேர் இஞ்சினியர் வித்யாசாகரை திருமணம் செய்துகொண்டார் நடிகை மீனா. மகிழ்ச்சியான திருமண வாழ்க்கையை நடத்தி வந்த அவரது வாழ்க்கையில் எதிர்பாராத நிகழ்வு ஏற்பட்டது. கடந்த 2022-ஆம் ஆண்டு உடல் நலக் குறைவால் மீனாவின் கணவர் வித்யாசாகர் காலமானார்.

இதனைத் தொடர்ந்து தனது மகளுடன் மீனா வசித்து வருகிறார். இப்படியான நிலையில் நடிகை மீனா இரண்டாவது திருமணம் செய்துகொள்ள இருப்பதாக நீண்ட நாட்களாக தகவல்கள் வெளியாகியபடியே இருந்தன. ஏற்கனவே இது தொடர்பாக விளக்கமளித்த போதும் இந்த வதந்திகளுக்கு முடிவு இல்லை.

சமீபத்தில் இந்த வதந்திகள் இன்னும் அதிகரித்த நிலையில் இது தொடர்பாக நடிகை மீனா விளக்கமளித்திருந்தார் . தற்போது தான் இரண்டாம் திருமணம் செய்துகொள்ளும் மனநிலையிலையில் இல்லை என்றும் எதிர்காலத்தில் எடுக்கப்போகும் முடிவைப் பற்றி இப்போதே எப்படி சொல்ல முடியும் என்று அவர் தெரிவித்திருந்தார். 

புஷ்பா பாடலுக்கு நடனமாடிய மீனா

 

 

 

 

 

View this post on Instagram

 

 

 

 

 

 

 

 

 

 

 

A post shared by Meena Sagar (@meenasagar16)

 

 நடிப்பு தவிர்த்து நடிகை மீனா சிறப்பாக நடனமாடக்கூடியவரும் கூட. விஜயுடன் சரக்கு வெச்சிருக்கேன் , ரஜினிகாந்த் உடன் தில்லானா தில்லானா பாடல் என பல பாடல்களில் தனது நடனத்தால் ஆச்சரியப் படுத்தியிருக்கிறார். இப்படியான நிலையில் தனது இன்ஸ்டாகிராம் பக்கத்தில் அல்லு அர்ஜூன் நடித்த புஷ்பா படத்தின் பாடலுக்கு நடனமாடி வீடியோ வெளியிட்டுள்ளார்.

பனிப்பிரதேசத்தில் தற்போது தனது சுற்றுலாவைக் கொண்டாடி வரும் மீனா தனது விடுமுறை நாட்களை இப்படியான ஜாலி வீடியோ வெளியிட்டு மகிழ்ச்சியாக கொண்டாடி வருகிறார்.