Viduthalai: மற்றுமொரு புதிய சாதனையைப் படைத்துள்ளது வெற்றிமாறனின் விடுதலை.. கொண்டாடும் படக்குழு..

வெற்றிமாறன் இயக்கி சூரி விஜய்சேதுபதி ஆகியவர்கள் நடித்த விடுதலைத் திரைப்படம் மிகக் குறைவான நேரத்தில் 50 மில்லியன் ஸ்ட்ரிமிங்க் மினிட்ஸை எட்டி புதிய சாதனையைப் படைத்துள்ளது

விடுதலை போஸ்டர். image source: twitter

வெற்றிமாறன் இயக்கி விஜய் சேதுபதி, சூரி ஆகியவர்கள் நடித்துள்ள விடுதலைத் திரைப்படம் சில வாரங்கள் முன்பு ஜீ ஃபைவில் வெளியானது. இந்நிலையில் விடுதலைத் திரைப்படம் மிகக் குறைந்த நேரத்தில் 50 மில்லியன் ஸ்ட்ரீமிங் மினிட்ஸைக் எட்டியுள்ளதாக ஆர்.எஸ் இன்ஃபோடெய்ன்மெண்ட் நிறுவனம் தகவல் வெளியிட்டுள்ளது.

இயக்குனர் வெற்றிமாறன் இயக்கி விஜய் சேதுபதி,சூரி,கெளதம் மேனன்,ராஜீவ் மேனன், பவானி ஷ்ரி ஆகியவர்கள் நடித்தப் படம் விடுதலை.இந்தப் படத்தின் வழியாக நடிகர் சூரி முதல் முதலாக கதாநாயகனாக அறிமுகமானார்.எழுத்தாளர் ஜெயமோகனின் கதையை மையமாக கொண்டு எடுக்கப் பட்டத் திரைப்பட விடுதலை. வேல்ராஜ் இந்த படத்திற்கு ஒளிப்பதிவு செய்திருந்தார். இசைஞானி இளையராஜா இந்த படத்திற்கு இசை அமைத்திருந்தார். கடந்த மார்ச் மாதம் 31-ஆம் தேதி திரைக்கு வந்த விடுதலைப் படம் ரசிகர்களிடம் பெரும் பாராட்டுக்களைப் பெற்றது. கதாநாயகனாக நடித்த சூரியின் நடிப்பு அனைவரையும் கவர்ந்தது.

இதனால் விடுதலை படத்தின் இரண்டாம் பாகத்தை மிக ஆர்வத்துடன் எதிர்பார்த்துக் காத்திருக்கிறார்கள் ரசிகர்கள். கடந்த ஏப்ரல் 28 ஆம் தேதி விடுதலைப் படத்தில்  இடம்பெறாத காட்சிகள் சிலவற்றை சேர்த்த இயக்குனர் பிரதி  zee5 ஓடிடி தளத்தில் வெளியானது. வெளியான மிகக் குறைவான நேரத்திற்குள்ளாக 50 மில்லியன் ஸ்ட்ரீமிங்க மினிட்ஸை எட்டி புதிய சாதனையைப் படைத்துள்ளது இந்தப் படம்.(ஸ்ட்ரிமீங் மினிட்ஸ் என்பது ஒரு படம் மொத்தம் எத்தனை நிமிடங்கள் பார்வையாளர்களால் பார்க்கப்படுகிறது என்பதை குறிப்பது.) இந்தத் தகவலை அதிகாரப்பூர்வமாக தங்களது ட்விட்டர் தளத்தில் வெளியிட்டுள்ளது ஆர்.எஸ்.இன்ஃபோடெய்ன்மெண்ட் நிறுவனம்.

பொல்லாதவன் திரைப்படத்தின் மூலம் தமிழ் சினிமாவிற்கு அறிமுகமானவர் இயக்குனர் வெற்றிமாறன். இவர் இயக்கிய ஆடுகளம் திரைப்படம் மொத்தம் ஆறு தேசிய விருதுகளைப் பெற்று சாதனைப் படைத்தது. இதற்கடுத்ததாக வெற்றிமாறன் இயக்கிய படம் விசாரணை. இந்தப் படம் வெனீஸ் திரைப்பட விழாவில் விருது வாங்கியது.அதே நேரத்தில் இந்தியா சார்பில் ஆஸ்கர் விருதுகளுக்கு தேர்வு செய்யப் பட்டு வெளிவந்தது. பின்பு மீண்டும் தனுஷை வைத்து வெற்றிமாறன்  இயக்கியப் படம் வடசென்னை.இதற்கு அடுத்ததாக  எழுத்தாளர் பூமணியின் நாவலை மையமாக வைத்து இவர் எடுத்த படம் அசுரன் இரண்டு தேசிய விருதுகளை வென்றது. இப்படியான பல சாதனைகளை வெற்றிமாறன் நிகழ்த்தியுள்ளார். இந்த பட்டியலில் தற்போது மேலுமொரு சாதனை இணைந்துக் கொள்கிறது.  

தற்போது சூர்யாவை வைத்து வாடிவாசல் படத்தை இயக்கி வருகிறார்.சிசு செல்லப்பாவின் வாடிவாசல் நாவலை மையமாகக் கொண்டு எடுக்கப் படும் படம் வாடிவாசல். தற்போது இந்த படத்தின் கிராஃபிக்ஸ் காட்சிகளை வடிவமைக்க லண்டன் சென்றுள்ளார் வெற்றிமாறன். வாடிவாசல் படத்தைத் தொடர்ந்து வெற்றிமாறன் வடசென்னை படத்தின் இரண்டாம் பாகத்தினை எடுக்கலாம் என எதிர்பார்க்கப்படுகிறது.