Varisu : வாரிசு படத்தின் சூப்பர் அப்டேட் உண்மையா? - தயாரிப்பாளர் தில் ராஜூ தகவலால் ரசிகர்கள் மகிழ்ச்சி!

தமிழ் மற்றும் தெலுங்கில் உருவான விஜய் நடித்துள்ள 'வாரிசு' திரைப்படம் இந்தியிலும் வெளியாக உள்ளது எனும் தகவல் வெளியாகியுள்ளது. ஆனால் பொங்கலுக்கு வெளியாகுமா இல்லையா எனும் தகவல் இதுவரையில் வெளியாகவில்லை.

வாரிசு இந்தி வர்ஷன்

ஸ்ரீ வெங்கடேஸ்வரா கிரியேஷன்ஸ் சார்பில் பிரபல தெலுங்கு தயாரிப்பாளர் தில் ராஜூ தயாரிப்பில் வம்சி பைடிபள்ளி இயக்கத்தில் நடிகர் விஜய் நடித்துள்ள திரைப்படம் 'வாரிசு'. தமிழ் மற்றும் தெலுங்கில் உருவாகியுள்ள இப்படம் பொங்கலுக்கு வெளியாக தயாராக உள்ளது. முன்னதாக படம் வெளியாவதில் ஏற்பட்ட சில சர்ச்சைகள் முடிவுக்கு வந்தது விஜய் ரசிகர்களை மகிழ்ச்சியில் ஆழ்த்தியது. இதனைத் தொடந்து வாரிசு திரைப்படம் குறித்த மேலும் ஒரு புதிய அப்டேட் ஒன்று தற்போது வெளியாகி சந்தோஷத்தை இரட்டிப்பாகியுள்ளது.  

 

 

இந்தியில் வாரிசு :

தமிழ் மற்றும் தெலுங்கில் பொங்கலுக்கு வெளியாகும் என கூறப்பட்ட 'வாரிசு' திரைப்படம் இந்தியிலும் வெளியாக உள்ளது எனும் அதிகாரப்பூர்வமான தகவலை தயாரிப்பாளர் தில் ராஜு சமீபத்தில் ஒரு நேர்காணலில் தெரிவித்து இருந்தார். இருப்பினும் இதுவரை வாரிசு படத்தின் இந்தி போஸ்டரும் வெளியாகவில்லை. மேலும் வாரிசு படத்தின் இந்தி வெர்ஷன் பொங்கலுக்கு வெளியாகிறதா  இல்லையா என்பது குறித்து எந்த ஒரு தகவலும் சொல்லப்படவில்லை. விரைவில் வாரிசு படத்தின் இந்தி டப்பிங் குறித்த தகவல் விரைவில் வெளியாகும் என எதிர்பார்க்கப்படுகிறது. 

 

Upcoming all #ThalapathyVijay films will release in Hindi
(just like #Master and #Beast). #Varisu will also be released in Hindi.

PS : #Thalapthy67 will have a grand Hindi release with good promotions

— Rajasekar (@sekartweets) November 28, 2022

 

செகண்ட் சிங்கிள் எதிர்பார்த்து ரசிகர்கள் ஆர்வம் :

நடிகை ராஷ்மிகா மந்தனா ஹீரோயினாக நடித்துள்ள இப்படத்தில் பிரகாஷ்ராஜ், சரத்குமார், பிரபு, ஷாம், சங்கீதா, ஜெயசுதா, உள்ளிட்ட மிகப்பெரிய நட்சத்திர பட்டாளமே நடித்துள்ளது. தமன் இசையமைப்பில் இப்படத்தின் ஃபர்ஸ்ட்  சிங்கிள் பாடலான 'ரஞ்சிதமே ரஞ்சிதமே..." பாடல் வெளியாகி பட்டி தொட்டியெல்லாம் ஹிட் அடித்துள்ள நிலையில் நடிகர் சிலம்பரசன் பாடியுள்ள இப்படத்தின் செகண்ட் சிங்கிள் பாடல் கூடிய விரைவில் வெளியாகவுள்ளது. சிம்பு பாடிய இந்த பெப்பியான பாடல் டிசம்பர் 4 ஆம் தேதி வெளியாகும் என எதிர்பார்க்கப்படுகிறது.  இந்நிலையில் வாரிசு படத்தின் இரண்டாவது சிங்கிள் பாடல் குறித்து விஜய் - சிம்பு ரசிகர்கள் இணையத்தில் உற்சாகமாகக் கொண்டாடி வருகின்றனர்.

 

BREAKING: #Varisu is currently planned to hit the screens on 11th January 2023 💥#Thunivu is expected to release 12thJan2023 with 1 AM show.#Varisu #VarisuPongal @actorvijay @r_mithran pic.twitter.com/pjYQXvUD92

— Harish N S (@Harish_NS149) November 28, 2022

 

வாரிசு படத்தின் இசை வெளியீட்டு விழாவை டிசம்பர் 24 ஆம் தேதி சென்னையில் மிகவும் பிரமாண்டமாக நடத்த திட்டமிட்டுள்ளனர் படக்குழுவினர். வாரிசு திரைப்படம் ஜனவரி 11ம் தேதி வெளியாகும் என்றும் நடிகர் அஜித் நடித்துள்ள 'துணிவு' திரைப்படம் ஜனவரி 12ம் தேதி வெளியாகும் எனவும் தகவல்கள் தெரிவித்துள்ள நிலையில் இந்த ரிலீஸ் தேதி குறித்த அதிகாரபூர்வமான தகவல் இதுவரையில் வெளியாகவில்லை.