Valimai Netflix Deal: வலிமைக்கு ரூ.300 கோடி வரை பேரம்.. விடாமல் துரத்தும் நெட்ஃப்ளிக்ஸ்! நோ சொன்ன அஜித்!?

வலிமை படத்தை நெட்ஃப்ளிக்ஸ் நிறுவனம் 300 கோடி ரூபாய்க்கு கேட்டதாக தகவல் வெளியாகியுள்ளது.

போனி கபூர், அஜித்

ஹெச்.வினோத் - அஜித் - போனிகபூர் இரண்டாவது முறையாக இணைந்திருக்கும் படம் வலிமை. கிட்டத்தட்ட மூன்று வருடங்களாக ரசிகர்கள் இப்படத்திற்காக காத்திருக்கின்றனர்.

இந்த சூழலில் படத்தின் ட்ரெய்லர் சமீபத்தில் வெளியாகி ரசிகர்களிடம் மிகப்பெரிய வரவேற்பை பெற்றது. மேலும் படமானது பொங்கலையொட்டி ஜனவரி 13ஆம் தேதி திரையரங்குகளில் வெளியாகுமென அதிகாரப்பூர்வமாக அறிவிக்கப்பட்டது. நீண்ட தவத்திற்கு கிடைத்த வரம் போல் அந்த செய்தியை அஜித் ரசிகர்கள் கொண்டாடி தீர்த்தனர். அதுமட்டுமின்றி படத்தை கொண்டாடுவதற்கும் தயாராகிவந்தனர்.

மேலும் வாசிக்க: Valimai Release Postponed: வலிமை ரிலீஸ் ஒத்திவைப்பு.. கனத்த மனதோடு அறிவித்த போனி கபூர்..!

ஆனால் கொரோனா பரவல் மீண்டும் வேகமெடுத்தது. இதனையடுத்து இரவு நேர ஊரடங்கு, ஞாயிற்று கிழமைகளில் முழு ஊரடங்கு, திரையரங்குகளுக்கு 50 சதவீத இருக்கைகளுக்கு மட்டுமே அனுமதியென தமிழ்நாடு அரசு பல்வேறு கட்டுப்பாடுகளை அறிவித்துள்ளது. இதனால் படம் திட்டமிட்டப்படி வெளியாகுமா வெளியாகாதா என்ற கேள்வி எழுந்தது. நிலைமை இப்படி இருக்க படத்தின் வெளியீடு தள்ளிவைக்கப்படுவதாக போனிகபூர் நேற்று அறிவித்தார்.

 

We thank our Distributors in India and across the globe for standing with us at this time. #Valimai #StaySafe#AjithKumar #HVinoth @thisisysr @BayViewProjOffl @ZeeStudios_ @sureshchandraa @ActorKartikeya #NiravShah @humasqureshi @RajAyyappamv @bani_j #Kathir @dhilipaction pic.twitter.com/l4rWF1Xw3Z

— Boney Kapoor (@BoneyKapoor) January 6, 2022

இந்நிலையில் படம் தற்போது திரையரங்குகளில் வெளியாக வாய்ப்பில்லாததால் பிரபல ஓடிடி தளமான நெட்ஃப்ளிக்ஸ் நிறுவனம் வலிமை படத்தை 300 கோடி ரூபாய்க்கு கேட்டதாகவும், அதற்கு போனி கபூர் மறுத்துவிட்டதாகவும் தகவல் வெளியாகியுள்ளது. அதுமட்டுமின்றி, மூன்று வருடங்களாக காத்திருக்கும் ரசிகர்களுக்காக திரையரங்குகளில் மட்டுமே வெளியிட வேண்டும் என அஜித் கேட்டுக்கொண்டதாகவும் கூறப்படுகிறது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண