Salman Khan : 'அதான் அவரே சொல்லிட்டாருல..' பட்டாசு சம்பவம்; ரசிகர்களை கண்டித்த சல்மான் கான்!

டைகர் 3 படத்தின் போது திரையரங்கத்தில் ரசிகர்கள் பட்டாசு வெடித்ததற்கு நடிகர் சல்மான் கான் கண்டனம் தெரிவித்துள்ளார்.

டைகர் 3 படம், சல்மான் கான். (Image source: Twitter)

டைகர் 3

மனீஷ்சர்மா இயக்கத்தில் பாலிவுட் நடிகர் சல்மான் கான்  நடித்து உருவாகி இருக்கும் படம் டைகர் 3 படத்தில்  தற்போது கத்ரீனா கைஃப், இம்ரான் ஹஸ்மி, ரித்தி தோக்ரா, அஷ்தோஷ் ரானா, விஷால் ஜேத்வா உள்ளிட்டவர்கள் இந்தப் படத்தில் நடித்துள்ளார்கள். டைகர் 3 படம் இன்று திரையரங்குகளில் வெளியாகி இருக்கிறது . யஷ் ராஜ் ஃபிலிம்ஸ் தயாரிப்பில் உருவாகி இருக்கும் இந்தப் படம் யஷ் ராஜ் ஸ்பை யூனிவர்ஸின் வெளியாகும் ஐந்தாவது படம். முன்னதாக சல்மான் கான் நடித்து வெளியான ஏக் தா டைகர், டைகர் ஜிந்தா ஹேய், பதான், வார் ஆகிய நான்கு படங்களின் தொடர்ச்சியாக தற்போது இந்தப் படம் நேற்று வெளியானது.

திரையரங்குகளில் பட்டாசு வெடித்து சர்ச்சை

ஒரு பக்கம் படம் வெற்றிகரமாக ஓடிக் கொண்டிருக்க. சல்மான் கானின் ரசிகர்கள் கடும் விமர்சனங்களை பெற்று வருகிறார்கள். திரையரங்கங்களில் பட்டாசுகளை வெடித்து மக்களை அவதிப்படுத்தியும் திரையரங்க இருக்கைகளில் நெருப்பு ஏற்படுத்தியும் செய்த வீடியோக்கள் இணையதளத்தில் வைரலாகி வருகின்றன. இந்த செயல்களுக்குப் பின் சல்மான் கான் ரசிகர் மன்றத்தில் பங்கு இருப்பதாகவும் தெரிய  வந்துள்ளது. இந்த பிரச்சனையை மேலும் தீவிரமாக்கி உள்ளது. முன்னதாக இதுபோன்ற நிகழ்வின் போது சல்மான் கான் தன்னுடைய ரசிகர்களுக்கு வேண்டுகோள் வைத்திருந்தது குறிப்பிடத் தக்கது. 

Diwali Madness In The Theatre 🔥🔥🔥 #Tiger3Diwali2023

Aatishbazi inside theater💥 this kind of celebration happens only for #SalmanKhan 's film🔥🔥 #Tiger3

Box Office Tsunami incoming. 🌪️ 🔥🔥#Tiger3Review #KatrinaKaif #EmraanHashmi #Diwali #Tiger3FirstDayFirstShow pic.twitter.com/3LYZzmDdTX

— 𝑺𝒖𝒎𝒊𝒕 𝑺𝒊𝒏𝒈𝒉 𝑹𝒂𝒋𝒑𝒖𝒕 (@BeingSumit007) November 12, 2023

ரசிகர்களுக்கு சல்மான் கான் வேண்டுகோள்

இந்த நிகழ்வுகள் இணையதளத்தில் பரவலாகத் தொடங்கியுள்ள நிலையில் தற்போது நடிகர் சல்மான் கான் ட்வீட் செய்துள்ளார். “ திரையரங்கத்தில் ரசிகர்கள் பட்டாசு வெடித்ததாக நான் பல தகவல்களை கேள்விப்படுகிறேன்.  நம் உயிரையும் பிறருடைய உயிரையும் ஆபத்திற்கு உள்ளாக்கும் இதுபோன்ற செயல்களை தவிர்த்து அனைவரும் பாதுகாப்பான முறையில் படத்தை கொண்டாடலாம் “ என்று அவர் கூறியுள்ளார்.

I'm hearing about fireworks inside theaters during Tiger3. This is dangerous. Let's enjoy the film without putting ourselves and others at risk. Stay safe.

— Salman Khan (@BeingSalmanKhan) November 13, 2023

வசூல் சாதனை

டைகர் 3 திரைப்படம் முதல் நாளில் இந்திய அளவில் ரூ 52 கோடியும் பிற நாடுகளில் 41 கோடி வசூல் செய்து இந்தி சினிவா வரலாற்றில் சாதனைப் படைத்துள்ளது.