The archives movie: பாலிவுட் வாரிசுகள் களமிறங்கும் படம்.. இதுதான் கதையாம்.. சோயா அக்தர் பகிர்ந்த சீக்ரெட்ஸ்!
ஓடிடி தளத்தில் களமிறங்கும் பிரபல பாலிவுட் நட்சத்திர குழந்தைகள்!
ஓடிடி தளத்தில் களமிறங்கும் பிரபல பாலிவுட் நட்சத்திர குழந்தைகள்!
பிரபல ஓடிடி தளமான நெட்பிளிக்ஸில் ‘தி ஆர்ச்சீஸ்’ என்ற படத்தின் அப்டேட் வெளியானது. இந்த தகவல் டைகர் பேபி ஃபிலிம் எனப்படும் தயாரிப்பு நிறுவனத்தின் அதிகாரபூர்வமான இன்ஸ்டா பக்கத்தில் வெளியானது. இந்த தயாரிப்பு நிறுவனமானது சோயா அக்தர் மற்றும் ரீமா காக்தி ஆகிய இருவருக்கும் சொந்தமானது. இப்படத்தின் புத்தம் புதிய போஸ்டர் வெளியானது. இதில் பாலிவுட் பிரபலங்களின் பிள்ளைகள் பலர் நடித்துள்ளனர்.
View this post on Instagram
இதில் ஷாருக்கான் மகள் சுஹானா கான், ஸ்வேதா பச்சனின் மகன் நிகில் நந்தா, போனி கபூர் மகள் குஷி கபூர் ஆகியோர் உள்ளனர். இவர்களை தவிர்த்து ,மிஹிர் அஹுஜா, வேதங் ரெய்னா மற்றும் யுவராஜ் மெண்டா ஆகியோர் நடிக்கவிருக்கின்றனர்.
இந்த போஸ்டருக்கு “யாரோ ஒருவர் ஆர்ச்சீஸ் என்று சொல்ல சொன்னார்கள். நெட்பிளிக்ஸில் மட்டும் கூடிய விரைவில் வெளியாகும்” என்ற கேப்ஷனை பதிவு செய்திருந்தனர். இந்த புகைப்படம் மட்டுமல்லாமல், இதனுடன் ஒரு வீடியோவையும் ஷேர் செய்திருந்தனர்.
அந்த வீடியோவில், சோயா அக்தர், “நாங்கள் இந்த கதைகளத்தில் இந்தியாவின் ஆங்கிலோ- இந்தியன் சமூகத்தை மையப்படுத்தி உள்ளோம். இப்படமானது முழுக்க முழுக்க நாவலை தழுவப்பட்டு எடுக்கப்பட்டது. என் சிறு வயதில் இந்த கதையை படித்து
வளர்ந்தேன். அடுத்த தலைமுறையில் உள்ள குழந்தைகளுக்கும் இக்கதையை அதன் தரம் மாறாமல் பகிர விரும்புகிறேன். இக்கதையின் அதே உயிர் ஓட்டத்தை வரும் சங்கதியினருக்கு கடத்த விரும்புகிறேன்.” என்று பேசினார்
அதற்கு பின் ஜான் கோல்ட் வாட்டர் , “ இக்கதையை நிச்சயமாக படமாக்க வேண்டும் என்று என் நண்பன் சரத் கூறியிருந்தான். அதுவும் சோயா இப்படத்தை இயக்க விருப்பமாக உள்ளார்கள் என்று கேட்டவுடன் மகிழ்ச்சி அடைந்தேன். பிறகு முன்னணி ஓடிடி தளமான நெட்பிளிக்ஸ் உடன் கைக்கோர்த்தோம். இப்படத்தின் கதையானது 1960 களில் அமைக்கப்பட்டுள்ளது. இப்படம் அழகான ஒரு விண்டேஜ் அனுபவத்தை தரும் என்று எதிர்ப்பார்க்கப்டுகிறது. காதல், நட்பு, சண்டை, இசை என அனைத்தும் கலந்தே படம் இயக்கப்பட்டுள்ளது” என்று பேசினார்.
தலைப்பு செய்திகள்
ட்ரெண்டிங் செய்திகள்
