மேலும் அறிய

Silambarasan | ”நீங்க இல்லனா நான் இல்ல” : வீட்டுக்குத் திரும்பி உருகிய சிம்பு..!

சிலம்பரசன் தனது உடல்நிலை குறித்த தகவலை தனது ட்விட்டர் பக்கத்தில் தெரிவித்துள்ளார்.

By : கல்யாணி பாண்டியன் | Updated at : 12 Dec 2021 09:46 PM (IST)

சிம்பு

நடிகர் சிலம்பரசன் காய்ச்சல் காரணமாக, தனியார் மருத்துவமனையில் அண்மையில் அனுமதிக்கப்பட்டார். இதனையடுத்து அவருக்கு கொரோனா தொற்றுக்கான அறிகுறிகள் இல்லையென்றும் அது சாதரண காய்ச்சல்தான் என்றும் கூறப்பட்டது. இந்த நிலையில் அவர் தான் மருத்துவமனையில் இருந்து பூரண குணமடைந்து வீடு திரும்பிவிட்டதாகவும், உங்களுடைய பிரார்த்தனைகளுக்கு நன்றி என்றும் நீங்க இல்லைனா நா இல்ல என்றும் குறிப்பிட்டுள்ளார்.

Thanks for all your blessings I am back home & recovering 🙏🏻#NeengailaamaNaanilla ❤️
— Silambarasan TR (@SilambarasanTR_) December 12, 2021

முன்னதாக,மாநாடு’ படத்தின் வெற்றி, சிம்புக்கு நீண்ட நாட்களாக எதிர்பார்த்த வெற்றியை பெற்றுத் தந்தது. வெங்கட் பிரபு - சிலம்பரசன் - எஸ்.ஜே. சூர்யா - யுவன் கூட்டணியில் வெளியான இந்தத் திரைப்படம் ரசிகர்களுக்கு மிகப் பெரிய ட்ரீட்டை கொடுத்தது. இதனைத் தொடர்ந்து தற்போது கெளதம் மேனன் இயக்கத்தில் சிலம்பரசன் நடித்து வரும் திரைப்படம் ‘வெந்து தணிந்தது காடு’.

முத்து என்ற மாறுபட்ட கதாபாத்திரத்தில் சிலம்பரசன் நடிக்கும் இந்தப்படத்திற்கு ஏ.ஆர்.ரஹ்மான் இசையமைத்துள்ளார். முன்னதாக இந்தக் கூட்டணி விண்ணைத்தாண்டி வருவாயா, அச்சம் என்பது மடமையடா உள்ளிட்ட படங்களில் இணைந்து பணியாற்றிய நிலையில், ‘வெந்து தணிந்தது காடு’ படத்தை ரசிகர்கள் ஆவலுடன் எதிர்பார்த்து காத்துக்கொண்டிருக்கின்றனர். முன்னதாக இந்தப்படத்தின் போஸ்டர் வெளியாகி வைரலான நிலையில்தான் நேற்று படத்தின் கிளிம்ஸ் காட்சிகள் வெளியானது.