![ABP Premium](https://cdn.abplive.com/imagebank/Premium-ad-Icon.png)
Jawan : ஜவானில் கெளரவ தோற்றத்தில் விஜய்? மாஸ் ஹீரோக்களை எண்ட்ரியை பார்க்க காத்திருக்கும் ரசிகர்கள்..
ஜவான் படத்தில் கெளரவ தோற்றத்தில் விஜய் நடித்துள்ளதாக தகவல் கசிந்துள்ளது. போலீஸ் அதிகாரியாக தர்மேஷ்வர் என்ற பெயரில் ஷாருக்கான் நடித்திக்கும் ஜவானில் சிலர் வினாடிகள் மட்டுமே வந்து போகும் விஜய்?
![Jawan : ஜவானில் கெளரவ தோற்றத்தில் விஜய்? மாஸ் ஹீரோக்களை எண்ட்ரியை பார்க்க காத்திருக்கும் ரசிகர்கள்.. Thalapathy Vijay to appear for one minute with Shah Rukh Khan in Jawan, Cameo role revealed Jawan : ஜவானில் கெளரவ தோற்றத்தில் விஜய்? மாஸ் ஹீரோக்களை எண்ட்ரியை பார்க்க காத்திருக்கும் ரசிகர்கள்..](https://feeds.abplive.com/onecms/images/uploaded-images/2023/09/06/72c2347c84aa1a150fede0051ea425811694002570475102_original.jpg?impolicy=abp_cdn&imwidth=1200&height=675)
ஷாருக்கான் நடிப்பில் வெளியாக இருக்கும் ஜவான் படத்தில் நடிகர் விஜய் கெளரவ தோற்றத்தில் நடித்துள்ளதாக வெளியான தகவலால் ரசிகர்கள் குஷியாகியுள்ளனர்.
ஷாருக்கான் நடிப்பில் நாளை வெளியாக இருக்கும் ஜவான் படம் தமிழ் மற்றும் இந்தி திரைப்பட ரசிகர்களை கொண்டாட்டத்தில் ஆழ்த்தியுள்ளது. அட்லீ இயக்கத்தில் ஷாருக்கான், நயன்தாரா, தீபிகா படுகோன், விஜய்சேதுபதி, யோகி பாபு என பலரும் நடித்திருக்கும் ஜவான் படத்திற்கு அனிருத் இசை அமைத்துள்ளார்.
முதன் முதலாக அட்லீ இயக்கத்தில் இந்தியில் வெளியாகும் படம் என்பதாலும், நயன்தாரா மற்றும் அனிருத் இந்தி திரையுலகிற்கு அறிமுமாகிறார்கள் என்பதாலும், பதான் வெற்றிக்கு பிறகு ஷாருக்கான் நடிக்கும் பான் இந்தியப் படம் என்பதாலும் ஜவான் மீதான எதிபார்பார்ப்பு அதிகமாகவே காணப்படுகிறது. தமிழ், இந்தி, தெலுங்கு என 3 மொழிகளில் நாளை வெளியாகும் ஜவான் திரைப்படத்திற்கான டிக்கெட்டுகள் 14 லட்சத்தையும் தாண்டி விற்பனையாகி வருகிறது.
ஜவான் படம் தொடங்கியதில் இருந்து ஒவ்வொரு அப்டேட்களையும் ரசிகர்கள் கொண்டாடி வந்தனர். அண்மையில் சென்னையில் பிரமாண்டமாக நடைபெற்ற படத்தின் பிரீ ரிலீஸ் விழாவில் ஷாருக்கான் பங்கேற்று ரசிகர்களை மேலும் உற்சாகப்படுத்தினார். இதற்கிடையே இந்தியா முழுவதும் திரையரங்குகள் ஜவான் படத்திற்கான டிக்கெட்டுகள் புக் செய்யப்பட்டு வருகின்றன. நாளை படம் ரிலீசாக உள்ள நிலையில் ஜவான் படம் குறித்து ஷாக் அப்டேட் ஒன்று இணையத்தில் டிரெண்டாகி வருகிறது.
ஜவான் படத்தில் கேமியோ ரோலில் விஜய் நடித்துள்ளதாக தகவல் கசிந்துள்ளது. போலீஸ் அதிகாரியாக தர்மேஷ்வர் என்ற பெயரில் ஷாருக்கான் நடித்திருக்கும் ஜவானில் சில வினாடிகள் மட்டுமே வந்து போகும் கேமியோ ரோலில் விஜய் நடித்துள்ளதாக கூறப்படுகிறது. ஏற்கெனவே ஜவான் படத்தில் ஸ்டண்ட் மாஸ்டராக இருந்த அனல் அரசு, ஜவானில் கேமியோ ரோலில் விஜய் நடித்திருப்பதாக பேசி இருந்தார். எனினும், இந்த தகவலை படக்குழு இன்னும் அதிகாரப்பூர்வமாக அறிவிக்கவில்லை.
இதேபோன்று ஜவான் இந்தி மொழியில் சஞ்சய் தத் மற்றும் தெலுங்கு மொழியில் அல்லு அர்ஜூன் கேமியோ ரோலில் நடித்திருப்பதாகவும் வதந்திகள் பரவின. எனினும், படத்தில் தீபிகா படுகோனே கேமியோ ரோலில் நடித்திருப்பதை படக்குழு முன்னதாக அறிவித்திருந்தது. இந்த நிலையில் ஜவானில் விஜய் கேமியோ ரோலில் நடித்திருப்பதாக வெளியான தகவல் வைரலாகி வருகிறது. எது எப்படி இருந்தாலும் நாளை படம் வெளியானதும் அதன் சர்ச்சைகள் தீரும் என பலரும் கருத்து கூறி வருகின்றனர்.
Ek safar….ek jazba….ek kahani… Ek din.
— Shah Rukh Khan (@iamsrk) September 6, 2023
Let’s ‘Chaleya’ to the theatres tomorrow
Book your tickets now!https://t.co/fLEcPK9n1l#Jawan releasing worldwide in Hindi, Tamil & Telugu. pic.twitter.com/EuhpLWjF4k
மேலும் படிக்க: Boycott Jawan : ஜவானை புறக்கணிக்க வேண்டும்... சமூக வலைதளத்தில் திடீரென்று ட்ரெண்டாகும் ஜவான் எதிர்ப்பு
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)