Thalapathy 67 Title: இதுதான் “தளபதி 67” படத்தின் டைட்டிலா?... கிட்டத்தட்ட உறுதி செய்த ரசிகர்கள்..!

ரசிகர்கள் ஆவலோடு எதிர்பார்த்து காத்திருக்கும் தளபதி 67 படத்தின் டைட்டில் குறித்த விவாதம் சமூக வலைத்தளங்களில் வைரலாகி வருகிறது. 

தளபதி 67 படம்

ரசிகர்கள் ஆவலோடு எதிர்பார்த்து காத்திருக்கும் தளபதி 67 படத்தின் டைட்டில் குறித்த விவாதம் சமூக வலைத்தளங்களில் வைரலாகி வருகிறது. 

கடந்த 2021 ஆம் ஆண்டு வெளியான மாஸ்டர் படத்திற்கு பிறகு நடிகர் விஜய் - இயக்குநர் லோகேஷ் கனகராஜ் - தயாரிப்பாளர் லலித் குமார் மீண்டும் 2வது முறையாக கூட்டணி சேர்ந்துள்ளனர். இதுதொடர்பான அதிகாரப்பூர்வ அறிவிப்பு கடந்த ஜனவரி 31 ஆம் தேதி வெளியானது. அன்றைய தினம் ஒளிப்பதிவாளராக மனோஜ் பரமஹம்சா, சண்டைப் பயிற்சியாளராக அன்பறிவ், எடிட்டிங் ஃபிலோமின் ராஜ், கலை இயக்குநராக சதீஷ் குமார், நடன இயக்குநராக தினேஷ் மாஸ்டர், வசனங்களை லோகேஷ் கனகராஜ், ரத்னகுமார், தீரஜ் வைத்தி ஆகியோர் பணியாற்றவுள்ளதாக தெரிவிக்கப்பட்டது. 

#Thalapathy67TitleReveal #Thalapathy67 #kuruthipunal 🩸🩸🩸@actorvijay na @Dir_Lokesh na pic.twitter.com/V7B9tTiIwB

— Arunpandiyan Arumugam (@ArunpandiyanA14) February 3, 2023

இதனிடையே தளபதி 67 படத்தில் ஹீரோயினாக நடிகை த்ரிஷா நடிக்கிறார். மேலும் பிரபல பாலிவுட் நடிகர் சஞ்சய் தத், நடிகை பிரியா ஆனந்த், டான்ஸ் மாஸ்டர் சாண்டி, இயக்குநர் மிஷ்கின், நடிகர் மன்சூர் அலிகான், மலையாள இளம் நடிகர் மேத்யூ தாமஸ், இயக்குநர் கௌதம் மேனன், நடிகர் அர்ஜூன் ஆகியோர் இப்படத்தில் இணைந்துள்ளதாக அதிகாரப்பூர்வமாக தெரிவிக்கப்பட்டுள்ளது. 

Trustable source 🔥

Thalapathy playing as Kamal’s son and Arjun playing as Arjun’s Son . #Kuruthipunal-2 🔥#Thalapathy67TitleReveal #Thalapathy67 #Thalapathy67Promo https://t.co/X8jcwOdSiy

— Dinesh Sethuraman (@Dineshsethu12) February 3, 2023

இதனைத் தொடர்ந்து காஷ்மீரில் நடக்கும் படப்பிடிப்புக்காக படக்குழுவினர் தனி விமானம் மூலம் சென்றுள்ளனர். இதுதொடர்பான வீடியோக்கள் இணையத்தில் வைரலான நிலையில் படக்குழுவும் காஷ்மீர் பயண வீடியோவை அதிகாரப்பூர்வமாக வெளியிட்டது. மேலும் தளபதி 67 படத்தின் டைட்டில் இன்று மாலை 5 மணிக்கு வெளியாகும் என படக்குழு அறிவித்துள்ளது. டைட்டில் என்னவாக இருக்கும் என சமூக வலைத்தளத்தில் ரசிகர்களிடையே விவாதம் நடந்து வரும் நிலையில், k என்னும் ஆங்கில எழுத்தில் தான் டைட்டில் தொடங்கும் என கூறப்படுகிறது. 

GM Guys ✨
Title Oru vela #Kuruthipunal ah irukumo 🔥🔥#Thalapathy67 @actorvijay pic.twitter.com/7ooG4INJ0C

— 𝑲𝑼𝑹𝑼𝑽𝑰 (@Kuruvi2001) February 3, 2023

கண்டிப்பாக குருதி அல்லது குருதிப்புனல் டைட்டில் தான் தேர்வு செய்யப்படும் என சமூக வலைத்தளங்களில் ஹேஸ்டேக் ட்ரெண்டாகியுள்ளது. இது இரண்டும் இல்லையென்றால் இரத்தம் சம்பந்தப்பட்ட டைட்டில் தான் இருக்கும் எனவும் கணித்துள்ளனர்.