Thalaivar 171 : ராவான ரவுடியாக இருக்கும் ரஜினி ...இந்த கெட்டப் தான் வேண்டும்னு லோகேஷிடம் அடம்பிடிக்கும் ரசிகர்கள்
ராவான கேங்ஸ்டர் லுக்கில் மிரட்டலாக சட்டை பட்டன்களை கழட்டிவிட்டு இருக்கும் ரஜினியும், அவருடன், லோகேஷ் கனகராஜ் இருக்கும் புகைப்படம்
Thalaivar 171 Rajini Look: தலைவர் 171 படத்தில் ராவான கேங்ஸ்டர் லுக்கில் ரஜினி இருப்பதாக கூறி வைரலாகும் புகைப்படத்தால் லோகேஷ் கனகராஜுக்கு ரசிகர்கள் கோரிக்கை விடுத்து வருகின்றனர்.
ஜெயிலர் படத்தின் வெற்றியை தொடர்ந்து ஜெய்பீம் இயக்குநர் த.செ. ஞானவேல் இயக்கும் தலைவர் 170 படத்தில் நடித்து வருகிறார். படத்தின் படப்பிடிப்புகள் திருவனந்தபுரம், தமிழகம் என நடந்த நிலையில், ரஜினியின் ஷூட்டிங் ஸ்பாட் புகைப்படங்கள் வெளியாகி வைரலானது. தலைவர் 170 படத்தின் அடுத்தக்கட்ட படப்பிடிப்பு மும்பையில் நடைபெற உள்ளதாக கூறப்படுகிறது.
இதற்கிடையே ரஜினியின் தலைவர் 171 படம் குறித்தும் அப்டேட் வெளியாகி ரஜினி ரசிகர்களை குஷிப்படுத்தியுள்ளது. ரஜினி நடிக்கும் தலைவர் 171 படத்தை லோகேஷ் கனகராஜ் இயக்கும் நிலையில் படத்தை சன் பிக்சர்ஸ் நிறுவனம் தயாரிக்கிறது. விக்ரம், மாஸ்டர், லியோ படங்களை தொடர்ந்து லேகேஷ் கனகராஜ் எடுக்கும் தலைவர் 171 படம் லோகேஷின் LCU-ன் கீழ் உருவாகும் என எதிர்பார்க்கப்பட்டது. ஆனால், அதற்கான வாய்ப்பு இல்லை என லோகேஷ் கூறிவிட்டார். எனினும் தலைவர் 171 படத்தில் ரஜினி கேங்க்ஸ்டராக நடிப்பார் என கூறப்படுகிறது.
இதற்கிடையே ரஜினி ரக்கடான ஒரு லுக்கில் இருக்கும் புகைப்படம் இணையத்தில் வைரலாகி வருகிறது. ராவான கேங்ஸ்டர் லுக்கில் மிரட்டலாக சட்டை பட்டன்களை கழட்டிவிட்டு இருக்கும் ரஜினியும், அவருடன், லோகேஷ் கனகராஜ் இருக்கும் புகைப்படமும் இணையத்தில் பகிரப்பட்டுள்ளது. ரஜினி மற்றும் லோகேஷ் கனகராஜ் புகைப்படங்கள் ஒரிஜினல் இல்லை என்றும், அது ரசிகர்கள் உருவாக்கிய ஃபேன்மேட் போஸ்டர் என்றும் கூறப்படுகிரது.
ராவான ரவுடியாக இருக்கும் ரஜினியை பார்த்த ரசிகர்கள் தலைவர் 171-ல் அதேபோன்று ரஜினி கெத்துகாட்ட வேண்டும் என இயக்குநர் லோகேஷ் கனகராஜுக்கு கோரிக்கை விடுத்து வருகின்றனர். அண்மையில் வெளியான ஜெயிலர் படத்தில் ரஜினி ஆக்ஷனில் மிரட்டி இருப்பார். படத்தில் ஜாக்கி ஷெராப், விநாயகன், மோகன்லால், சிவராஜ்குமார் என பலர் நடித்திருந்த போதிலும், ரஜினியின் நடிப்பு ரசிகர்களை பெரிதாக ஈர்த்தது.
இதற்கிடையே, ஐஸ்வர்யா ரஜினிகாந்த் இயக்கி இருக்கும் லால் சலாம் படத்தில் மொய்தீன் பாயாக கேமியோ ரோலியில் ரஜினி நடித்திருந்தார். கிரிக்கெட்டை மையப்படுத்தி எடுக்கப்பட்டுள்ள படத்தில் ஜீவா நடித்துள்ளார்.
மேலும் படிக்க: Shraddha Kapoor: கோடிகள் மதிப்புள்ள சொகுசு கார் வாங்கிய ஷ்ரத்தா கபூர்.. வாயைப் பிளக்கும் பாலிவுட் வட்டாரம்!
தலைப்பு செய்திகள்
ட்ரெண்டிங் செய்திகள்
