Surya 42 Update: 3 நாடுகளில் ஷூட்டிங்.. பார்ட் பார்ட்டாக வெளியாகும் சூர்யா- சிவா படம்.. அடுத்தடுத்து வெளியாகும் சூர்யா 42 அப்டேட்ஸ்!

சிறுத்தை சிவா மற்றும் சூர்யா இணையும் சூர்யா 42 படத்தின் அடுத்த அப்டேட் வெளியாகி இருக்கிறது.

சூர்யா 42

 சிறுத்தை சிவா மற்றும் சூர்யா இணையும் சூர்யா 42  படத்தின் அடுத்த அப்டேட் வெளியாகி இருக்கிறது. 

சூர்யா மற்றும் சிறுத்தை சிவா இணையும்  சூர்யா42  படத்தின் மோஷன் போஸ்டர் கடந்த மாதம் வெளியானது. யூவி கிரியேஷன்ஸ் மற்றும் ஸ்டுடியோ கிரீன் நிறுவனத்தின் சார்பில் ராஜா, வம்சி பிரமோத் மற்றும் கே.ஈ. ஞானவேல் ராஜா கூட்டணியில் இணைந்து தயாரிக்கும் இந்தப்படம் பிரமாண்டமான பட்ஜெட்டில் உருவாகி வருகிறது. இப்படத்தில் நடிகர் சூர்யா ஜோடியாக பாலிவுட் நடிகை திஷா பதானி நடிக்கிறார். 

 

                                                         

நடிகர் சூர்யா இயக்குனர் சிறுத்தை சிவாவுடன் கூட்டணி சேரும் முதல் திரைப்படம் இது. இந்தப்படத்தின் முதற்கட்டப்படப்பிடிப்பு கோவாவில் நடந்து முடிந்தது. இந்தப்படப்பிடிப்பில் படத்தின் கதாநாயகி சம்பந்தமான காட்சிகள் படமாக்கப்பட்டன என கூறப்பட்டது. 

அது தொடர்பான புகைப்படங்களும் வெளியாகி வைரலானது. இந்த நிலையில் இந்தப்படம் தொடர்பான அடுத்த அப்டேட் வெளியாகியிருக்கிறது. ஆம், முதற்கட்ட படப்பிடிப்பு நிறைவடைந்த நிலையில், அடுத்தக்கட்ட படப்பிடிப்பு வருகிற அக்டோபர் 26 ஆம் தேதி தொடங்க இருக்கிறதாம். இது தொடர்பான படப்பிடிப்பு சென்னை மற்றும் புதுச்சேரியில் நடக்க இருக்கிறது.  இந்தப்படப்பிடிப்பில் சூர்யா மற்றும் திஷா பதானி ஆகியோர் இணைந்து நடிக்கும் காட்சிகள் எடுக்க இருப்பதாக தகவல் சொல்லுகிறது. 

இந்தப்படத்தின் படப்பிடிப்பு முடிவடைந்த உடன் படக்குழு வெளிநாடுகளில் படப்பிடிப்பு நடத்த இருக்கிறது. மொத்த மூன்று நாடுகளில் இந்தப்படத்தின் படப்பிடிப்பை நடத்த திட்டமிட்டு இருக்கிறது. இரண்டு பாகமாக வெளியாக இருக்கும் இந்தப்படத்தின் முதல் பாகத்தின் படப்பிடிப்பு 160 மற்றும் 170 நாட்கள் நடக்க இருக்கிறது. இந்த பாகம் வெளியான பின்னர் அடுத்தப்பாகத்திற்கான வேலைகளை ஆரம்பிக்க திட்டமிட்டு இருக்கிறது.

நன்றி: பிங்க் வில்லா

சூர்யா 42 திரைப்படம் ஒரு வரலாற்று பின்னணியை மையமாக வைத்தும் 3D தொழில்நுட்பம் கொண்டு படத்தை உருவாக்குகின்றனர் என கூறப்படுகிறது. மேலும் இப்படம் 10க்கும் மேற்பட்ட மொழிகளில் வெளியாக உள்ளது என்பது குறிப்பிடத்தக்கது.  கார்க்கி வசனம் எழுத இப்படத்திற்கு இசையமைத்துள்ளார் தேவிஸ்ரீ பிரசாத். 

 

Waiting to be back on sets…!! #Suriya41 pic.twitter.com/enuJ5MNbZJ

— Suriya Sivakumar (@Suriya_offl) May 26, 2022

சூர்யா தற்போது அடுத்தடுத்த படங்களில் பிஸியாக இருந்து வருகிறார்.  இயக்குனர் பாலா இயக்கத்தில் உருவாகிவரும் "வணங்கான்"  திரைப்படத்தில் நடித்து வருகிறார். நந்தா, பிதாமகன் திரைப்படங்களை தொடர்ந்து இந்த கூட்டணி மூன்றாவது முறையாக இணைந்துள்ளது. வெற்றிமாறன் இயக்கத்தில் உருவாகிவரும் "வாடிவாசல்" திரைப்படத்திலும் பிஸியாக உள்ளார் சூர்யா. அடுத்தடுத்து வெளியாகப்போகும் படங்களால் சூர்யா ரசிகர்களுக்கு ஒரே கொண்டாட்டம் தான்.  நடிகர் சூர்யாவிற்கு சமீபத்தில் தான் "சூரரைப் போற்று" படத்திற்கான சிறந்த நடிகருக்கான தேசிய விருது வழங்கப்பட்டது என்பது குறிப்பிடத்தக்கது.